1 PETURU 4:10 - Wunta Mempori

¹⁰ Imemambe pekakaako, menunu saru pompowee anu hinaweno sompo-sompo mia kana puu mpo'orusu anu moiko a mpe'aroa-Do Ue Ala.

1 PETURU 4:10 ပူးပေါင်းရင်းမြစ်များ

I MATIU 20:28

mengkena kana i Ana Manusia aiwa komba ka Dopinekakaako, tendeano ka Dopompekakaako ka meweengakono penaa-Do gagi tolosino hadio mia.”

I MATIU 24:14

Ka Lele Mawongkoa Poparentaa andio ta pinalele i asa wawontolino gagi sakosii a luwuno tongku, umarino atuu ka i'amba hawe pokotampulaano.”

I MATIU 24:21

Hangano i tempo atuu ta gagi pobobarasaia anu mongkokongiri kana anu napi hori gagi tampu'uno wawontolino hawe kanandio-andio ka anu nahi ta hori gagi mbo'u.

I MATIU 24:45

”Isemake ata anu metenunu ka pande mosongka, anu pinotorono ueno a luwuno miano ka ipoweeako ira kaanga a tempono?

I MATIU 25:17

Ata mbo'u anu montarima orua talenta atuu moweweu mbo'u kanatuu ka mohawe tetiangino orua talenta.

I MATIU 25:44

Ka i'amba ira mesangki: dompotae: Ue, indi'ipiake kimengkita Komiu mokoninggo, ke mokoranga, ke gagi mia hawe, ke kolambe-lambe, ke mahaki, ke a laro torungku ka nahi kimpekakaa-Komiu?

I MARAKUSU 10:45

Hangano i Ana Manusia mbo'u hawe komba ka Dopinekakaako, tendeano mompekakaako ka meweengakono penaa-Do gagi tolosino hadio mia.”

I LUKASI 12:42

Sumangki Ira i Ue, ”Gagi, isemake anu metenunu mompekakaako raha ka pande mosongka anu ta motoroo ueno gagi petewawa a luwuno atano ka ipoweeako ira kaanga a tempono?

I LUKASI 19:13

Ipoboi ira hopulu mia atano ka ipoweeako ira hopulu mina, ipotae: Imempakeomo andio mpebalu-baluako ranta ka kupekule.

I LUKASI 8:3

i Yohana beineno i Kusa puu pompekaria arataano i Herode, i Susana ka hadio beine susua. Beine andiodo mpekakaako ira bawaa atuu inso a ngkaeado.

ROMA 15:25

Sine kanandio-andio kontongaaku a laro pelempaa lumako i Yerusale mowawa petulungi a mia memempori.

ROMA 15:27

Lano domempakosiomo, sine atuu lano ira meweweuo. Hangano, tewala luwuno tongku susua mpohawe iramo tia arataa rohanido to Yahudi, ka luwuno tongku susua mbo'u atuu asalakono ka domentulungi ira to Yahudi mpoweeako ira arataado.

1 KORINTI 15:10

Sine hangano pompehohawa-Do Ue Ala ka kugagi kana teweweuku kanandio-andio, ka pe'aroa anu Doweeakune komba tetadi-tadi mpena. Tendeano laluaopo pe'iseiku mo'angga sekonopo luwudo; sine komba hangano ongkue, tendeano pompehohawa-Do Ue Ala anu kumongkomi aku.

1 KORINTI 3:10

Menunu saru pompehohawa-Do Ue Ala, anu Doweeakune, ongkue kana asa mia puu mpowangu anu pande monaa akumo pondasi, ka mia susua motilaloakono mowangu iwawono. Sine sompo-sompo mia asalakono ka ipepenteeo, ba kana'umpe ba ipowangu i wawono.

1 KORINTI 4:7

Hangano isemake anu tumuduo laluakopo? Ka hapake anu hina ndi omue, anu nahi utarimao? Ka tewala lano utarimao, tembio ka umawongkoako, kana nahi utarimao?

2 KORINTI 6:1

Gagi wali-wali mpe'asa mpo'angga, kime'emao ntu'u ndi omiu, ka si meweweuo gagi nahi mentudu pompehohawa-Do Ue Ala, anu imentarimaomo.

2 KORINTI 9:1

Mongkona pompekakaakoa a mia memempori siimo mbo'u kuburiakomiu.

EPESU 3:8

Ndi ongkue, anu lalu kodei i olodo luwuno mia mempori, wineeakoomo pe'aroa andio, ka kupaleleo kaea-Do i Kerisituu a luwudo anu komba to Yahudi, anu nahi pinokopau atuu,

EPESU 4:11

Ka Ondaemo anu moweeako ira moiko luwuno tinena maupo luwuno nabi, moiko luwuno anu mompalele Lele Mawongkoa maupo luwuno puu pompakambi ka luwuno anu mompaguru,

2 TIMOTIU 1:18

Po'ineeomo Ondae i Ue ka Dopopokitaakono pompehohawa-Do a oleo-Do. Hadio ntu'u pompekakaakono i Epesu omue lalu tumo'orio sekono ongkue.

TITU 1:7

Hangano gagi puu mpo'atora a raha-Do Ue Ala aasa petewawa bawaa asalakono nahina tataano, nahi pompelangka-langkai, komba marante'ise, komba marampo'inu, komba marantekuda, nahi pedokoli,

IBARANI 6:10

Hangano Ondae Ue Ala komba nahi Domoleo, ranta Ira kumolupeo inanggamiu ka pompehohawamiu anu pinopokitamiu te'aro a nee-Do hangano pompekakaakomiu a luwuno mia mempori, anu da imeweweuo hawe kanandio-andio.

1 PETURU 5:10

Ka Ondae Ue Ala, pu'uno luwuno pe'aroa, anu moboi komiumo ndi Ondae i Kerisituu a maramba-Do anu nahina tampulaano, Ira mokosompo komiu, rumonso komiu, mokomokora komiu ka mokoroso komiu, umarimiu ntebobarasai asa tempo.

1 PETURU 5:12

Mesala ndi Siliwanu, anu kutuduo kana aasa pepaekompo anu pinokompe'ala-ala, kupoburiakomiu owowa ka patudu komiu ka imento'orio, nine andio onaemo pe'aroa anu mentee ntu'u inso ndi Ondae Ue Ala. Impentademo temoroso i larono!