1 PETURU 3:4 - Wunta Mempori

⁴ sine ramba-rambamiu onaemo mia i laro aroa anu tewuniako ramba-ramba anu nahi bali anu tepu'u inso a mpenaa anu mauru ka sintuwu, anu masuli ntu'u olino a pongkita-Do Ue Ala.

1 PETURU 3:4 ပူးပေါင်းရင်းမြစ်များ

Po'unde-unde 131:2

Menteeano, kupokorodoomo ka nahi danggara mbo'u sumangaku kana nana'ote anu pinotoe i horino ineno, oo, kana nana'ote anu pinotoe kanatuumo sumangaku a laro ngkoroiki.

Po'unde-unde 147:6

Ondae i Ue wali mokorosoo mia anu tepokonsii, sine mia mosa'o gauno pinotii hawe a wita.

Po'unde-unde 149:4

Hangano Ondae i Ue memoiko ira bawaa-Do, mia anu me'urumako Doramba-ramba uluakono tekaduduia.

Po'unde-unde 25:9

Ondae tumaateo mia anu me'urumako melempa montonda songka, ka Dopaguruakono pesalaa-Do a mia anu me'urumako.

Po'unde-unde 45:13

Ana beine i Tirusi aiwa saru luwuno pompowee; mia kaea i olodo palili ta mete'umalao aroamu.

Po'unde-unde 51:6

Ndi Omiu, butu koa ndi Omiu kutehala ka weweuo hapa anu pinemosa'o-Miu. Ka mentee Komiu a laro pomputusi-Miu, morina a laro mpobitaraa-Miu

Yesaya 11:4

Sine onae ta bitara ira mia molema a moleoa, ka ta momputusi temoiko a mia anu tepokonsii a wita andio; tolino ta tumunduhiakono pauno kana montunduhiako tuko, saru pepuuri inso a ngangano ta mompepate mia mosa'o gauno.

Yesaya 29:19

Mia ntebobarasai ira mpo'unde mbo'u ndi Ondae i Ue, ka mia anu tedoa memongkokolaro ira mengkokora-kora mpo'unde ndi Ondae Anu Tedoa Mempori, Ue Alado to Isaraeli!

Yesaya 57:15

Hangano, kanandiomo pau-Do Anu Tedoa Mantande ka Maramba, anu mo'ia ranta nahina tampulaano ka mempori nee-Do, ”Ongkue mo'ia a mpo'ianga mantande ka mempori sine saru mbo'u mia anu terago-rago aroano ka me'urumako, mokorosoo rosono mia anu me'urumako ka motuwuo aroado mia anu terago-rago.

Yesaya 61:1

Penaa-Do Ue Ala kongko ndi ongkue, hangano Do'urapi akumo i Ue. Dotena akumo mohaweo lele moiko a mia memarasai, ka mekakaako ira mia anu masusa aroano, ka paleleo pompotolaa a mia mentinawa, ka tepotolaado mia anu nte'uko a torungku,

Yeremia 51:59

Pe'oliwi anu iweeakono Nabi Yeremia ndi Seraia anano i Neria anano i Mahasea, tempono i Seraia lumako meronga i Sedekia, mokole i Yehuda, i Babeli a nta'u ko'opaa poparentaano. I Seraia onaemo petewawa sombori langkanae.

I MATIU 11:29

Imentembiomo tinembi anu Kupopotembia komiu ka impepagurumo ndi Ongkue, hangano Ongkue mauru ka me'urumako ka sumangamiu ta mohawe rodoa.

I MATIU 21:5

”Pauakono ana beine Sioni: Kitao, Mokolemu hawe ndi omue, Ondae mauru ka mesawi a ngkalide, aasa kalide pateke anu mongura.”

I MATIU 23:26

Hei to Parisi anu memorawu, impokomorinao se'elu i larono sangkiri atuu ka i bungkuno mbo'u ta morina.

I MATIU 5:5

Me'uraomo mia anu molusa aroado, hangano ira mpe'umbuo tolino.

I LUKASI 11:40

Hei mia mebenge-benge, komba Ondaeke anu mokogagio bungkuno, Ondae koa mbo'u anu mokogagio larono?

I LUKASI 16:15

Ka Do'amba motaeako ira, ”Omiu mpokomenteeo koroimiu i arodo mia, sine Ondae Ue Ala tumo'orio aroamiu. Hangano hapa anu tinudu langkai a mia, Do'o'aliaakono Ue Ala.

ROMA 1:23

Maramba-Do Ue Ala anu nahina tampulaano dome'euakono tinaha kana mia anu ta tampula, manu-manu, kondehora anu mekaru opaa ke kondehora anu melele.

ROMA 2:29

Sine to Yahudi ntu'u onaemo onae anu nahi tengkita to Yahudino ka petindi onaemo petindi i laro aroa, montonda pompe'ala-ala, komba montonda binuri. Ka unde-undeno komba hawe inso a mia, tendeano inso ndi Ondae Ue Ala.

ROMA 6:6

Hangano tomento'orio, nine mia laanoto pinasoomo a ngkeu pinotamba, ka itetadi pabawano koroi ntehalato, ka si tontepe'ata mbo'u a hala.

ROMA 7:22

Hangano i laro aroaku ineheku songka-Do Ue Ala,

2 KORINTI 10:1

Ongkue, i Paulu, asa mia anu nahi sapa tewala tepo'aroakomiu, sine mosia ndi omiu tewala tepo'olai, kupopoto'oriakomiu a nee-Do i Kerisituu anu mauru ka me'aroa.

2 KORINTI 4:16

Onaemo pu'uno ka nahi motewe aroamami, sine maupo koroi ntolinomami komara-marasaino, sine aroamami pinokowo'ohu sompo oleo.

GALATIA 5:23

maurua, pabawaio koroi. Nahina songka anu umewaio mongkona luwuno atuu.

EPESU 4:2

Iwela koa mpekoko'unduako, memauru, ka sabara. Impopokitaomo pompehohawamiu a laro mongkona mambe tulungi.

KOLOSE 3:12

Onaemo pu'uno, kana mia bininiki-Do Ue Ala anu mempinokomempori ka pinehohawa-Do, impokonaomo pompehohawa, pe'aroa, pe'urumako, mauru ka sabara.

KOLOSE 3:3

Hangano memate komiumo ka tuwumiu tewuni meronga saru Ondae i Kerisituu ndi Ondae Ue Ala.

1 TESALONIKA 4:11

Ka topotaemo kana aasa pompelangkai ka irodo imentuwu, ka imeweweuo luwuno anggamiu omiu-miu ka mpo'anggaako kae, kana anu kimempauakomiumo,

2 TESALONIKA 3:12

Mia anu kanandiodo kimempauakono ntu'u ka patuduo ndi Ondae Ue Yesu Kerisituu, ka domerodo koa mpiha me'anggao anggaado ka ba kanandio domengkaano kaangado ondaedo.

1 TIMOTIU 2:2

tiado luwuno mokole ka tiado luwuno anu langkai potorodo, ka tompokomentuwu rodo ka sintuwu a luwuno petenunuto mpesomba ka pelelu anu moiko.

2 TIMOTIU 2:25

ka saru mepau molusa-lusa mokotaate ira mia anu inehedo me'ewa, hangano bara'ura Dopoweeako ira i Ue tempo ka dontepidi ka wawa ira ranta ka domento'orio menteea,

TITU 3:2

Si dompomposebe, si dompengenge, tendeano ka domemauru ka mpe'aroa a luwuno mia.

YAKOBU 1:21

Onaemo pu'uno imentadiomo luwuakoano anu mokoburu ka anu mosa'o anu hadio ntu'u atuu ka imentarimaomo te molusa-lusa pau anu tepaho i laro aroamiu, anu pabawa kumaduduio sumangamiu.

1 PETURU 1:23

Hangano wali komiumo mempine'anaako komba mepu'u inso anu ta tampulaano, sine mepu'u inso a nahi ta tampula, hangano pau-Do Ue Ala anu tuwu ka anu nahina tampulaano.

1 PETURU 3:15

Sine impokomempori Iramo i Kerisituu i laro aroamiu kana Ondae i Ue! Ka impepatindamo a luwuno tempo ka imesangkio sompo-sompo mia anu mpesikenoakono ndi omiu mongkona pomperorohia anu kongko ndi omiu, sine asalakono temauru ka pompelangkai,

1 Samueli 16:7

Sine pau-Do i Ue ndi Semueli, ”Si kitao rupano ke koroino anu ondau, hangano nami Kubeheo. Komba kana pongkitado mia, hangano mia mongkita hapa anu i arono matano, sine Ondae i Ue mongkita aroano.”