1 PETURU 3:3 - Wunta Mempori

³ Peramba-rambamiu si koa montonda koroi, onaemo wuu piniu-piu, mompake ramba-ramba wulaa ke saru mompokona sangka anu ntekokosi,

1 PETURU 3:3 ပူးပေါင်းရင်းမြစ်များ

Tegagia 24:22

Mansano luwuno unta atuu me'umari mpo'inu, mia atuu umalao tole-tole wulaa anu mobeano entonga sikala ka asa pasa mala-mala ngkae anu mobeano hopulu sikala wulaa,

Tegagia 24:47

Umarino atuu mesikeno aku ndi onae: Anano isemake omue? Isangki aku, ’Ongkue anano i Betueli, anano i Nahori. I Betueli atuu anano i Nahori ndi Mikali.’ Ka ku'amba mokonaakono tole-tole a engeno ka mala-mala a ngkaeno.

Tegagia 24:53

Ka i'amba ata atuu lumuarakono peramba-ramba wulaa ka salaka saru sangka, ka luwuno atuu iweeakono i Ribeka. Ipoweeakono koa mbo'u pepaekompono ka ineno luwuno sangka anu masuli olino.

2 Mokole 9:30

I Yehu hawe i Yesire'eli. Rumongeo mongkona atuu, i Isebeli rumamba-rambao matano ka rumamba-rambao uluno, ka i'amba mentango inso a pentangoa.

Esetere 5:1

A oleo anu ko'otolu, i Esetere mesangkaako sangka mokoleno beine, ka i'amba mentade a kintala i larono langkanaedo mokole, kona ntu'u i arono langkanaedo mokole. Ondae mokole mentoro a ngkadera poparentaa i larono langkanae, tepo'aro saru pewowa langkanae atuu.

Po'unde-unde 45:9

Luwuno sangkamu mana mire, gaharu, ka sendana; inso a langkanae tindu pemaeno katapi mokonsanaako;

Peluarakoa 3:22

Sompo beine asalakono ta mo'ema a mpehori rahano ka a beine anu mo'ia a mpehori rahano, sangka salaka ka wulaa saru sawu, pesangkado anamiu tama ka beine; kanatuumo komiu merontu ira to Masiri atuu.”

Peluarakoa 32:2

Motaeomo i Haruni ndi ondae, ”Imelolohio tole-tole wulaa inso a birido kombia miu, ana miu anu tama, ana miu anu beine ka imewawao luwu ndi ongkue.”

Peluarakoa 33:4

Mansado merongeo tongku atuu pau anu mongkokongiri atuu, mponsabangi iramo. Nahina maupo te'asa mia mompake peramba-ramba.

Peluarakoa 35:22

Mehawe iramo sompo mia anu moleo aroano, tama maupo beine, mpowawa tole-tole enge, tole-tole biri, sinsi pontondoni ka enu-enu, ka luwuno peramba-ramba wulaa. Kanatuu koa mbo'u, sompo mia anu mompowee pesomba tinande inso a wulaa ndi Ondae i Ue.

Peluarakoa 38:8

Iweweuo bolusa pewo'ohia ka empehino inso a mala anu te'inso a ntamido beine puu mpompekakaako anu mpo'angga i arono pewowa Kema Tepotowoa.

Yesaya 52:1

Pekaangakomo, Pekaangakomo! Pokonaomo rosomu, hei Sioni! Pokonaomo sangka pinelangkaimu, hei Yerusale, kota anu mempori! Hangano, mia anu nahi petindi ke anu mokoburu nahi ta mewinso mbo'u i laromu.

Yesaya 61:10

Mawongko aku ndi Ondae i Ue, sumangaku kokora-kora mawongko ndi Ondae Ue Alaku, hangano Dopokonaakune sangka tekaduduia ka sumoumbuakune lemba meloe menteea, kana umbungkoroi tama anu mompokona ramba-ramba ulu ka kana umbungkoroi beine anu mompake ramba-rambano.

Yeremia 2:32

Polioke asa ana beine kumolupeo peramba-rambano, ke asa umbungkoroi beine kumolupeo peboo ntongano? Sine bawaa-Ku domengkolupe Akumo, nahi pinokodoa mbo'u tehineno.

Yeremia 4:30

Omue, anu pinokotampula, hapake anu ta wineweumu, tembio ka upompokona sangka motaha ntu'u, rumamba-rambaakono peramba-ramba wulaa koroimu, hahiakono matamu pohahi mata? Nahina tuduno upokontekosio koroimu, luwuno kinekewoimu nahi domebehe ndi omue, tendeano dopontooakono penaamu.

Yehesikieli 23:40

Tamoako mbo'u ondae mpo'ema ka dome'aiwa mia inso a mpo'ianga anu olai saru mpontena mia melako a mia atuudo, ka mentee ntu'u, mia mbo'u atuudo me'aiwa. Hangano ondae ka upedolo, pokontekosio giremu ka koroimu ramba-rambaakono peramba-ramba.

ROMA 12:2

Omiu si mpengkenaakono wawontolino andio, sine impebalimo a wo'ohuno pinewowolomiu, ranta ka impokonto'orio po'ehe-Do Ue Ala: hapa anu moiko, anu pinemoiko-Do Ue Ala ka anu nahina makurano.

1 PETURU 3:2

tewala domengkitao, ba kana'umpe memporino ka moleono tuwudo beinedo atuu.