1 PETURU 3:18 - Wunta Mempori

¹⁸ Hangano Ondae mbo'u i Kerisituu mate Iramo pohona tiano luwuno halato, Ondae anu mentee tiado mia anu nahi mentee, ka Dowawa kita ndi Ondae Ue Ala; Ondae, anu pinepate Iramo a laro nteweweu-Do kana mia, sine anu winangu Iramo montonda Penaa,

1 PETURU 3:18 ပူးပေါင်းရင်းမြစ်များ

Danieli 9:26

Umarino nomo pulu ka orua meluka opitu tempo atuu asa mia anu inurapiomo ta tinadi, kahinaano nahina salano. Palilino asa mokole anu ta hawe, ta mokotampulao kota ka po'ianga mempori atuu, sine mokole atuu ta mate a laro lolowi. Hawe a tampulaano wawontolino ta hina peteaa ka poropua kana anu pinakosiomo.

Sakaria 9:9

Peboo-boolimo temeroku, hei ana beine Sioni, peboo-boolimo, hei ana beine Yerusale! Kitao, mokolemu hawe ndi omue; onae moleo ka poponangi. Onae mauru ka mesawi a asa kalide, kalide lakino anu mongura.

Podoaa 7:15

asa sapi lakino mongura, asa bimba lakino ka asa bimba lakino tinuwuno asa nta'u weweua pesomba tinunu;

I MATIU 27:19

Tempono mentoro i Pilatu a ngkadera pobitaraa, beineno montena mowawa pe'oliwi ndi onae, ”Si salo-saloo kara-karano mia mentee atuu, Nde hangano Ondae ka kutedoa marasai a laro mo'ipiku hieno wongi.”

I MATIU 27:24

Mansano kumitao i Pilatu nine nahina tuduno luwuno pinauno, tendeano mompu'uomo memarisu, i'alao uwoi ka iwo'ohio kaeno i arodo mia hadio ka ipotae, ”Nahina salaku a reano mia andio; atuu to'oriamiumo!”

I YOHANE 16:10

mongkona menteea, hangano Aku lumako ndi Ondae i Ama ka nahi komiu mengkita Aku mbo'u;

WINEWEUDO TINENA 22:14

Ka i'amba motae: Dopakosikomo Ue Alado uempu'uto ka uto'orio po'ehe-Do, ka ukitao Anu Mentee ka urongeo suara anu meluarako inso a nganga-Do.

WINEWEUDO TINENA 3:14

Sine nahi imentarima Ira Anu Mempori ka Mentee, saru me'ineheakono asa mia anu mompepate gagi pompowee ndi omiu.

ROMA 1:4

ka montonda Penaa, memporia pinokomengkaa a mpewangu-Do inso i olodo mia mate, nine Ondaemo Ana-Do Ue Ala anu pabawa, i Yesu Kerisituu Ueto.

ROMA 4:25

onaemo Ondae i Yesu, anu pineweengako Iramo hangano halato ka winangu Ira hangano pokomenteeto.

ROMA 5:2

Hangano Ondae ontae mbo'u mpohawe sala mpewinso hangano pompe'ala-ala a pompehohawa andio. I larono pompehohawa andio ontae mpentade ka tompo'unde a laro pomperorohia kita mpontarima maramba-Do Ue Ala.

ROMA 8:11

Ka tewala Penaa-Do, anu wangu Iramo i Yesu inso i olodo mia mate, mo'ia i laromiu, asalakono Ondae, anu wangu Iramo i Kerisituu Yesu inso i olodo mia mate, Ira motuwuakono mbo'u Penaa-Do koroimu anu ta mate atuu, anu mo'ia i laromiu.

ROMA 8:3

Nde hapa anu nahi pokoweweuo songka Taura hangano telusaako tuwu ntolino, Doweweuomo Ue Ala. Ka mesala tumenao Ana-Do isa'a a ngkoroi ntolino, anu merupa kana koroi ntolino anu pinabawaino hala ka hangano hala, Dohukuomo hala a ngkoroi ntolino,

2 KORINTI 1:24

Komba hangano kami mpetena hapa anu asalakono impe'ala-alao, nde mpentade komiu moroso a pompe'ala-alamiu. Tendeano, kami mpopokowali mpo'angga tiano mawongkoamiu.

2 KORINTI 13:4

Nde maupo pinaso Iramo a ngkeu pinotamba hangano molemaa, sine tuwu Ira hangano pabawa-Do Ue Ala. Lano memolema kami a ntepo'asaa saru Ondae i Kerisituu, sine kami koa mentuwu meronga saru Ondae tiamiu hangano pabawa-Do Ue Ala.

2 KORINTI 5:21

Ondae anu nahi Dotehala Doweweu Iramo gagi hala hangano ontae, ka tomempinokomentee ndi Ondae hangano Ondae Ue Ala.

GALATIA 1:4

anu meweengakonomo koroi-Do hangano luwuno halato, motola kita inso a mosa'ono wawontolino anu kanandio-andio, montonda po'ehe-Do Ue Ala ka Amato.

GALATIA 3:13

Dotolosi kitamo i Kerisituu inso a ntotonaano songka Taura onaemo ka Dogagi tetotonaa hangano ontae, hangano hinao teburi, ”Tetotonaaomo mia anu ndinoe a ngkeu pinotamba!”

EPESU 3:12

Ndi Ondae tompohawe mosiaa ka sala mewinso ndi Ondae Ue Ala ka mempine'ala-ala hangano pompe'ala-alato ndi Ondae.

TITU 2:14

anu meweengakonomo koroi-Do hangano ontae motola kita inso a luwuno anu mosa'o ka mokomemporiako Ira aasa bawaa, bawaa-Do Ondae-Do, anu memokua mpoweweu moiko.

IBARANI 10:10

Ka hangano po'ehe-Domo andio mempinokomempori kitamo ranta nahina tampulaano hangano pompesombaako-Do koroi-Do i Yesu Kerisituu.

IBARANI 9:14

lalua ntu'u rea-Do i Kerisituu, anu hangano Penaa anu nahina tampulaano Dopesombaakonomo koroi-Do Ondae-Do ndi Ondae Ue Ala gagi pesomba anu nahina tataano, Ira mokomeporio laro aroato inso a luwuno wineweu anu nahina tuduno, ka tompokompesomba ndi Ondae Ue Ala anu tuwu.

IBARANI 9:26

Hangano tewala kanandio asalakono mararu Dotebobarasai mompu'u ipinokogagi wawontolino andio. Sine kanandio-andio butu koa pohona Dopokomengkaao koroi-Do, a tempo pokotompa ka Do'oninio hala a pompesombaako-Do koroi-Do.

IBARANI 9:28

kanandio koa mbo'u Ondae i Kerisituu butu koa pohona Dopesombaakono koroi-Do tumembio halano hadio mia. Umarino atuu pohona mbo'u Ira mokomengkaao koroi-Do komba montembi hala sine moweeako ira tekaduduia, anu sumikori Ira.

YAKOBU 5:6

Mpohuku komiumo, tendeano mpompepate komiumo mia anu mentee ka nahi poko'ewai komiu.

1 PETURU 3:19

ka i larono Penaa koa mbo'u atuu ka Dolako mompalele Lele Mawongkoa a luwuno penaa anu a laro torungku,

1 PETURU 4:1

Gaagi, hangano marasai Iramo i Kerisituu tebobarasai ngkoroi, maupo omiu mbo'u asalakono imemparewaakono pompewowolo kanatuu koroimiu, – hangano ba isema marasaiomo tebobarasai ngkoroi, menaa-naaomo moweweu hala –,

1 PETURU 4:6

Onaemo pu'uno ka ipinalelemo mbo'u Lele Mawongkoa a mia memate, ka dompengkena kana luwuno mia, binitara montonda koroi; sine hangano penaa mokotuwu montonda po'ehe-Do Ue Ala.

1 YOHANE 1:9

Tewala tomemangakuakono halato, Ondae pine'ala-ala ka moleo Ira, onaemo ka Do'ampunio luwuno halato ka mokomempori kita inso a luwuno mosa'oa.