1 PETURU 3:12 - Wunta Mempori

¹² Hangano mata-Do i Ue te'aro a luwuno mia mentee, ka biri-Do a mpo'emado anu mpepetulungi, sine rupa-Do i Ue umewai ira mia anu mpoweweu mosa'o.”

1 PETURU 3:12 ပူးပေါင်းရင်းမြစ်များ

2 Tawarika 16:9

Menteeano, mata-Do i Ue mensiroio asa wawontolino moweeako ira roso-Do ndi ondae anu moleo aroano ndi Ondae. Mongkona anu andio salaomo pelelumu, onaemo pu'uno mompu'u ka kandio-andio omue mo'ia mpiha a laro mpeteaa.”

2 Tawarika 7:15

Kanandio-andio mata-Ku tewile ka biri-Ku rumongeo pekakai inso a mpo'ianga andio.

Po'unde-unde 11:4

Ondae i Ue kongko Ira i laro raha-Do anu mempori; Ondae i Ue, kadera poparentaa-Do i suruga; mata-Do mompekokoongako, pengkitano mata-Do paresa ira anano mia.

Po'unde-unde 33:18

Menteeano, mata-Do i Ue te'aro ndi ondae anu doitoako Ira, ndi ondae anu mpomperorohi pompehohawa-Do anu nahi bali,

Po'unde-unde 65:2

Pototono tia-Miumo po'unde-unde, oo Ue Ala i Sioni. Ndi Omiumo mia mpo'owahi tinanga,

Po'unde-unde 80:16

Idagaiomo hapa anu pinahono kae ngkoana-Miu, tumba anu Ipokorosoomo tia-Miu!

Powadi 15:29

Ondae i Ue atuu olai inso a mia mosa'o gauno, sine pekakaino mia mentee Dorongeo.

Powadi 15:3

Mata-Do i Ue kongko a luwuno po'ianga, kumitao mia moweweu mosa'o ka mia moweweu moiko.

Powadi 15:8

Pesombano mia mosa'o gauno mokoburu-Do i Ue, sine pekakaino mia moleo inehe-Do.

Yeremia 21:10

Hangano Ku'aropiakonomo mosa'oa kota andio ka komba moikoa, kanandiomo pau-Do i Ue. Kota andio ta pineweengako a ngkaeno mokole i Babeli ka ta sumongkoo.”

Yeremia 39:12

”Wawaomo ka pekakaakono. Si poweweu hapamo koa anu mosa'o ndi onae, tendeano weweuakono menunu saru po'emano ndi omue!”

Yehesikieli 15:7

Ongkue isa'a umewai ira. Maupo domentola inso a api, sine api ta kumaa ira. Komiu mento'orio nine Ongkuemo Ue, tempono Ku'ewai ira.

Imama 17:10

”Sompo mia inso a tongku Isaraeli ka inso a mia hawe anu mpo'ia i tonga-tongado anu mpokaa maupo reano hapamokoa, Ongkue-Ku umewaio anu mongkaa rea atuu ka mokotampulao inso i tonga-tongano tongkuno.

Imama 20:3

Ongkue isa'a anu umaropio mia atuu ka mokotampulao inso i tonga-tongano tongkuno. Hangano ipeweengakono asa inso a luwuno anano ndi Moloko saru tinoono weweuo mokoburu po'ianga mempori-Ku ka lumaloo memporino nee-Ku anu mempori.

Imama 20:6

Mia anu momperorohi a onituno mia mate ke a mia anu mompau anu ta gagi, monsosaboako pesikenono ndi ondae, Ongkue isa'a anu umaropio mia atuu ka mokotampulao inso i tonga-tongano tongkuno.

Imama 26:17

Ongkue anu umewai komiu, ranta iwalimiu numangi komiu, ka ondae anu umo'aliaa komiu ira pabawai komiu, ka komiu mpolai, maupo nahina mia anu lumulu komiu.

Sakaria 4:10

”Ondae anu amba-ambano mpe'uru-uruo pompu'uano anu mengkode-kodei, ira mpo'unde mengkitao watu bininiki a ngkaeno i Serubabeli. Ka opitu hulu atuu, onaemo mata-Do i Ue, anu mensiroio asa wawontolino.”

I YOHANE 9:31

Tomento'orio, nine Ondae Ue Ala nahi Doperorongeako ira mia ntehala, tendeano mia anu mesomba ntu'u ka anu weweuo po'ehe-Do.

Winali 11:12

Wita atuu Dopekariao i Ue, Ue Alamiu. Mata-Do i Ue, Ue Alamiu dumagaio mpiha inso a pumpu'uano hawe a pokotompaano ta'u.

YAKOBU 5:16

Onaemo pu'uno ka imemambe mangakuakono halamiu ka memambe pekakaiako, ka imetompa. Pekakaino mia mentee, tewala ipe'ala-alao ntu'u ipinekakaiako, langkai ntu'u pabawano.