1 PETURU 3:11 - Wunta Mempori

¹¹ Asalakono i'olaiakono anu mosa'o ka moweweu anu moiko, asalakono ka i'ungkeo sintuwua ka i'usahao ka ihaweo.

1 PETURU 3:11 ပူးပေါင်းရင်းမြစ်များ

Ayubi 1:1

Hinao asa tama i wita Usi meneeako i Ayubi. Mia atuu moroso pompe'ala-alano ka moleo aroano, doitoako Ira Ue Ala ka olaiakono wineweu mosa'o.

Ayubi 2:3

Pau-Do i Ue ndi Mosa'o, ”Nde upoposooke tetenaa-Ku i Ayubi? Menteeano, nahina maupo te'asa mia i tolino kana onae, anu moroso kanatuu pompe'ala-alano ka moleo aroano, anu dumoitoako Ira Ue Ala ka olaiakono wineweu mosa'o. Onae metenunu mpiha a laro pompe'ala-alano, maupo u'olua-Kune umewaio ka imasola nahina pu'uno.”

Ayubi 28:28

Sine a mia mepau Ira: Menteeano, doitoako Ira i Ue, onaemo ponto'ori, ka olaiakono wineweu mosa'o onaemo pinewowolo molino.”

Po'unde-unde 125:4

Ipoweweumo moiko, oo Ue, a mia moiko ka a mia anu moleo aroano;

Po'unde-unde 34:14

Tangkoroomo elomu inso anu mosa'o ka wiwimu inso a mpinau anu mompopo'oo;

Po'unde-unde 37:27

Olaiakono anu mosa'o ka weweuomo anu moiko, ka omue komo'ia mpiha ranta nahina tampulaano;

Powadi 16:17

Pesalaano mia moleo onaemo olaiakono wineweu mosa'o; isema dumagaio pesalaano, mekariao penaano.

Powadi 16:6

Saru pompehohawa ka petenunu, sala inampuni, hangano doitoako Ira i Ue mia olaiakono wineweu mosa'o.

Powadi 3:7

Si potae koroimu pande mosongka, doitoako Iramo i Ue ka olaiakono mosa'oa;

I MATIU 5:45

Hangano anu kanatuu omiu megagi luwu ana-Do Amamiu anu i suruga, anu mosabao mata oleo tiado mia anu mpoweweu mosa'o ka mia anu mpoweweu moiko ka motiio usa tiado mia anu mentee ka mia anu nahi mentee.

I MATIU 5:9

Me'uraomo mia anu mowawa sintuwua, hangano ira menineeako ana-Do Ue Ala.

I MATIU 6:13

ka si wawa kami a laro po'ara-arahakoa, sine Ipotola kamimo inso ndi mosa'o. [Hangano Omiumo anu me'ueo Poparentaa ka pabawa ka marambaa ranta nahina tampulaano. Ami.]

I MARAKUSU 14:7

Hangano mia memongkokolaro mekongko ira mpiha ndi omiu, ka impokotulungi ira ba inehemiu, sine Ongkue nahi Aku meronga-rongaakomiu mpiha.

I LUKASI 1:79

ka ipansari ira anu mpo'ia a wongi-wongiano ka a laro mpe'engono matea ka Dopo'aroo karuto a nsala rodoa.”

I LUKASI 6:35

Sine omiu, impehohawa iramo iwalimiu ka impoweweumo temoiko ndi ondae ka impoweeako ira mponsabo nahi mpomperorohi sulono, ka tambomiu ta langkai ka komiu megagi ana-Do Ue Ala Anu Lalu i Wawono, hangano moiko Ira a mia anu nahi domponto'ori mpontarimakasi ka a mia memosa'o.

I LUKASI 6:9

Ka Do'amba i Yesu motaeako ira, ”Aku mesikeno ndi omiu: Isua anu ineheako a oleo Saba, moweweu moiko ke moweweu mosa'o, mongkadudui penaano mia ke mepateo?”

I YOHANE 17:15

Komba Ku'emao, ka I'ala ira inso i wawontolino, sine ka Idagai ira inso ndi mosa'o.

ROMA 12:18

Tompa pinolimiu, tewala mongkona atuu montonda omiu, imentuwumo mpesintuwuako ira luwuno mia!

ROMA 14:17

Hangano Poparentaa-Do Ue Ala komba mongkona kaanga ka inua, sine mongkona menteea, rodoa ka mawongkoa hangano Penaa Mempori.

ROMA 14:19

Onaemo pu'uno aiwamo tome'ungkeo hapa anu mowawa rodoa ka anu mentudu ka tomambepokoroso.

ROMA 5:1

Onaemo pu'uno, ontae anu mempinokomentee hangano pompe'ala-ala, mentuwu kita a laro rodoa saru Ondae Ue Ala hangano Ondae Ueto, i Yesu Kerisituu.

ROMA 7:19

Hangano komba hapa anu ineheku, onaemo anu moiko, anu wineweuku, tendeano hapa anu nahi kupe'eheo, onaemo anu mosa'o, anu wineweuku.

ROMA 7:21

Kanandiomo kuhaweo songka andio: tewala ineheku moweweu hapa anu moiko, anu mosa'o atuu kongko ndi ongkue.

ROMA 8:6

Hangano po'eheno tuwu ntolino onaemo matea, sine po'ehe-Do Penaa onaemo tuwua ka rodoa.

GALATIA 5:22

Sine wuano Penaa onaemo: pompehohawa, mawongko, rodoa, sabaraa, pe'aroaa, moikoa, petenunua,

GALATIA 6:10

Onaemo pu'uno, tekonai da hinao tempoto, aiwamo ka tompoweweu moiko a luwuno mia, sine tamoako lahi a wali-walito pe'asa pompe'ala-ala.

KOLOSE 3:15

Po'ineeomo rodoa inso ndi Ondae i Kerisituu moparenta i laro aroamiu, hangano onaemo atuu ka imempinoboi gagi aasa koroi. Ka impontarimakasimo.

1 TIMOTIU 6:18

Pauako iramo atuu poweweu moiko, gagi kaea a laro mpoweweu moiko, inehedo pompowee ka mpontia

IBARANI 12:14

Imentuwumo sintuwuako ira luwuno mia ka ime'ungkeomo memporia, hangano nahina maupo te'asa mia ta kumita Ira i Ue ba nahi mempori.

IBARANI 13:16

Ka si mengkolupeo mpoweweu moiko ka pompowee pontulungi, hangano luwuno pesomba anu kanandio anu Dopemoikoo Ue Ala.

YAKOBU 4:17

Gaagi tewala asa mia ito'orio ba kana'umpe asalakono ipoweweu moiko, sine nahi weweuo, onae tehala.

1 PETURU 3:12

Hangano mata-Do i Ue te'aro a luwuno mia mentee, ka biri-Do a mpo'emado anu mpepetulungi, sine rupa-Do i Ue umewai ira mia anu mpoweweu mosa'o.”

3 YOHANE 1:11

Pepaekompo anu kinekewoiku, si pandirio anu mosa'o, tendeano anu moiko. Ba isema moweweu moiko, onae te'inso ndi Ondae Ue Ala, sine ba isema moweweu mosa'o, onae nahi hori kumita Ira Ue Ala.

Puu Mpobitara 11:14

I Yepeta wali montena mia lumako a mokole to Amoni