1 PETURU 3:10 - Wunta Mempori

¹⁰ ”Isema anu ineheno kumekewoio tuwuno ka ineheno kumitao luwuno oleo moiko, asalakono idagaio elono inso a mosa'o ka wiwino a luwuno pinau anu mompopo'oo.

1 PETURU 3:10 ပူးပေါင်းရင်းမြစ်များ

Ayubi 2:4

Sumangki i Mosa'o ndi Ondae i Ue, ”Kuli me'eu kuli! Mia ta meweengakono luwu anu pine'ueno euno penaano.

Ayubi 33:28

Dopotolaomo penaaku inso a nsala lumako a ngkaburu kineke, ka tuwuku ta mongkita mewine.

Ayubi 9:25

Oleo ntumuwuku telalo magasiopo sekono asa mia puu mpelulu, moliu nahi pongkita me'uraa,

Po'unde-unde 106:5

ka kukitao moiko-Miu a luwuno mia bininiki, ka mawongko a laro mawongkodo bawaa-Miu, saru mo'unde meronga mia-Miu.

Po'unde-unde 27:13

Menteeano, kupe'ala-alao aku kumitao moiko-Do i Ue i witado mia mentuwu!

Po'unde-unde 49:19

Maupo potaeno onae me'ura tempono ituwu, maupo dome'unde-undeo mia, hangano moiko teweweuno,

Powadi 3:18

Onae gagi keu tuwuano mia anu metako ndi onae, isema anu me'ini ndi onae ta pinau me'ura.

Powadi 3:2

hangano melai tinuwu ka luwuno ta'u tumuwumu saru manangaia ta tiniangiako ndi omue.

Powadi 4:22

Hangano onaemo atuu anu gagi tuwuado anu mehaweo ka mokotompao asa ngkoroido.

Powadi 8:35

Hangano isema humawe aku, mohawe tuwua, ka onae Ira memoikoo i Ue.

Puu Pontutulu 2:3

Kupepenteeakono pinewowoloku kana'umpe mokorosoakono anggoro koroiku, kontongaano pinewowolo molinoku kongkono metewawaako ponto'ori, ka kana'umpe mbioano benge-bengea, ranta ka kuto'orio hapa anu moiko tiado anano mia ka domeweweuo i totono langi asa ntinuwudo.

I MATIU 19:17

Sumangki Ira i Yesu, ”Hapake pu'uno ka upesikeno ndi Ongkue mongkona hapa anu moiko? Aasa koa anu moiko. Sine tewala inehemu mewinso a ntuwua, tondaomo luwuno parenta-Do Ue Ala.”

I MARAKUSU 8:35

Hangano isema anu ineheno kumaduduio penaano, ta tetadi penaano; sine ba isema tetadi penaano hangano Ongkue ka hangano Lele Mawongkoa, onae ta kumaduduio.

I YOHANE 1:47

Motae i Pilipu ndi onae, ”Aiwa ka ukita Ira!” Dokitao i Yesu i Natanae aiwa ndi Ondae, ka Do'amba mepau mongkona onae: Kitao, ndiomo asa to Isaraeli ntu'u, nahi molengku aroano!

I YOHANE 12:25

Ba isema kumekewoio penaano, onae ta tetadi penaano, sine ba isema nahi kekewoio penaano i wawontolino andio, onae ta mekariao tiano tuwua anu nahina tampulaano.

Winali 32:47

Hangano pau andio komba pau mooa ndi omiu, sine onaemo tumuwumiu. Mongkona pau andio komiu tuwu melai i wita anu komiu mpentorokio, umari mensakio koro Yarade.”

YAKOBU 1:26

Tewala hinao te'asa mia tumuduo koroino mesomba, sine nahi pokompeteao elono, ipopo'oo koroino onaeno, ka pesombano nahina tuduno.

1 PETURU 2:1

Onaemo pu'uno imentadiomo luwuno mosa'oa, luwuno pompopo'oo ka luwuno rupano po'onde-onde, kohilia ka pomposebe.

1 PETURU 2:22

Nahi Dotehala, ka pompopo'oo nahina a laro nganga-Do.

MENGKAAA 14:5

Ka a laro ngangado nahina pegaupi; nahina tataado.