1 PETURU 2:9 - Wunta Mempori

⁹ Sine omiumo tongku anu tebiniki, imama anu moleo, tongku anu mempori, bawaa-Do Ue Ala, ka imempaleleo luwuno wineweu anu langkai inso ndi Ondae, anu moboi komiumo mpeluarako inso a wongi-wongia a mewine-Do anu kinohali-haliako:

1 PETURU 2:9 ပူးပေါင်းရင်းမြစ်များ

Po'unde-unde 106:5

ka kukitao moiko-Miu a luwuno mia bininiki, ka mawongko a laro mawongkodo bawaa-Miu, saru mo'unde meronga mia-Miu.

Po'unde-unde 118:27

Ondaemo i Ue, Ue Ala, Ondae wantahi kita. Tanggoakonomo koloro pesomba oleo langkai atuu a luwuno tanduno meda pontunua pesomba.

Po'unde-unde 135:4

Hangano, Ondae i Ue Dobinikiomo i Yako tia-Do, to Isaraeli gagi mia-Do anu pinehohawa-Do.

Po'unde-unde 22:30

Oo, ndi Ondae ira mpenggolontu mpesomba luwuno mia mompelangka-langkai i tolino, i aro-Do ira mpenggolontu luwuno mia anu mpetii a laro pampawu, ka mia anu nahi pokotuwu mpiha.

Po'unde-unde 33:12

Me'uraomo tongku, anu Ue Alano onaemo Ondae i Ue, suku tongku anu bininiki-Do gagi Ondae-Do me'ueo!

Po'unde-unde 73:15

Ande-andeno kupompewowolo, ”Ineheku mepau kanatuu,” ka manasa kuhapuomo inuledo anamiu.

Yesaya 26:2

Ungkahiomo luwuno pewowa langkai, ka ipewinso tongku anu mentee, anu kongko metenunu!

Yesaya 41:8

Sine omue, hei Isaraeli, tetenaa-Ku, hei Yako anu bininiki-Ku, inuleno i Burahima anu pinehohawa-Ku;

Yesaya 42:16

Aku tumaate ira mia memorawu a nsala anu nahi domento'orio, a pesalaa anu nahi domento'orio. Aku wawa ira mpelempa. Aku weweuo wongi-wongi i arodo gagi mewine ka wita anu mpebanga-bangano gagi wita anu merete. Mongkonamo anu kanatuu Aku weweuo ndi ondae, anu asalakono Aku weweuo.

Yesaya 44:1

”Sine kanandio-andio, rongeomo, hei Yako, tetenaa-Ku, ka hei Isaraeli, anu Kubinikiomo!

Yesaya 61:6

Sine, komiu mempinau sando mpesomba-Do i Ue ka komiu menineeako puu pompekakaako-Do Ue Alato. Komiu mperapio kaeado tongku ka komiu pompelangka-langkaiako luwuno arataado.

Yesaya 62:12

Mia ta pau ira ”tongku mempori”, ”luwuno mia anu tinolosi-Do i Ue”, ka omue kopinau ”anu pinerorohi”, ”kota anu nahi bininta”.

Yesaya 66:21

Inso mbo'u i olodo Aku umala ira sando mpesomba ka to Lewi, pau-Do i Ue.

Yesaya 9:2

Hangano Omiu maroa pebooli, ka mawongkoa anu langkai; memawongko iramo i aro-Miu, kana mawongkodo tempo sumowi, kana mia mengkokora-kora tempono mpetia-tia pinomuru.

Maleaki 3:17

Ondae ira megagi bawaa pinehohawa-Ku a oleo Kupohuku, pau-Do Ueno luwuakoano. Aku mehohawa ira mengkena kana asa mia mompehohawa anano anu mekakaakono.

I MATIU 4:16

Tongku anu mpo'ia a laro wongi-wongiano, pongkita iramo mewine anu langkai, ka ndi ondae anu mpo'ia i inia anu inengomino matea, mesabaakoomo Mewine.”

I MATIU 5:16

Ka ikanandiomo mewinemiu mewanta i arodo mia, ka domengkitao wineweumiu anu moiko ka dompelangkai Ira Amamiu anu i suruga.”

I LUKASI 1:79

ka ipansari ira anu mpo'ia a wongi-wongiano ka a laro mpe'engono matea ka Dopo'aroo karuto a nsala rodoa.”

I YOHANE 17:19

ka hangano ondae Kupokomemporio koroi-Ku, ka domempinokomempori koa mbo'u a menteea.

WINEWEUDO TINENA 20:28

Onaemo pu'uno imedagaiomo koroimiu ka luwuno bawaa, hangano omiumo anu pinakosi-Do Penaa Mempori gagi puu mpompakambi anu pakambi ira bawaa-Do Ue Ala anu Dotolosiakono rea-Do Ana-Do.

WINEWEUDO TINENA 26:18

ka uwileo matado, ka dompepokule inso a wongi-wongiano a mewineano ka inso a mpabawano i Mosa'o ndi Ondae Ue Ala, ka dompohawe te'oninino halado hangano pompe'ala-alado ndi Ongkue ka mpohawe tia a laro hapa anu domempinakosiako mia anu mempori.

WINEWEUDO TINENA 26:28

Sumangki i Ageripa, ”Tedeimo koa ka upokompompe'ala-ala aku gagi to Kerisituu!”

ROMA 9:24

onaemo ontae, anu Dopoboi kitamo komba butu inso i olodo to Yahudi, sine inso mbo'u a luwuno tongku susua,

1 KORINTI 3:17

Tewala hinao mia anu sumolangio raha-Do Ue Ala, asalakono mia atuu Ira sumolangio Ue Ala. Hangano raha-Do Ue Ala onaemo mempori ka raha-Do Ue Ala atuu onaemo omiu.

EPESU 1:14

Ka Penaa Mempori atuu onaemo pe'inia ndi ontae ranta ka tomehaweo luwuno, onaemo tetolosia anu mokogagi kita mia-Do Ue Ala, ka tome'unde-undeo maramba-Do.

EPESU 1:6

ka i'unde-undeomo pompehohawa-Do anu maramba, anu Doweeakita ndi Ondae, anu pinehohawa-Do.

EPESU 3:21

tia-Domo marambaa a laro bawaa ka ndi Ondae i Kerisituu Yesu a luwuno inule hawe nahina tampulaano. Ami.

Winali 10:15

Sine butu koa ndi ondae uempu'umiu tepadii aroa-Do i Ue, ranta ka Dopehohawa ira, ka omiumo inuledo, anu bininiki-Do inso a luwuno tongku, kana anu gagi kanandio-andio.

Winali 14:2

Hangano omiumo bawaa anu mempori tia-Do i Ue, Ue Alamiu, ka omiu bininiki-Do i Ue kai megagi bawaa pinehohawa-Do inso i olono luwuno tongku anu i wawontolino.

Winali 18:2

Ondae nahi ira mpohawe tia pusaka i olono pepaekompodo. Ondaemo i Ue tia pusakado, kana anu dinandi-Do ndi ondae.

Winali 4:20

Sine, Do'ala komiumo i Ue ka imewinawa mpeluarako inso i wita Masiri, inso a awu pompokolonoa labu, kai megagi bawaa-Do, kana anu gagi kanandio-andio.

Winali 7:6

Hangano omiumo bawaa-Do i Ue, Ue Alamiu anu mempori. Omiumo anu bininiki-Do i Ue, Ue Alamiu inso a luwuno tongku i wawontolino kai megagi bawaa pinehoha-Do.

PILIPI 3:14

ka melulu a anu tinunggai ka kupohawe pompowee, onaemo pepoboi nsuruga inso ndi Ondae Ue Ala a ntepo'asaa ka Ondae i Kerisituu Yesu.

KOLOSE 1:13

Dopotola kitamo inso a mpabawano wongi-wongi ka lumimba kita a laro Poparentaa-Do ana-Do anu pinehohawa;

2 TIMOTIU 1:9

Ondae anu kumadudui kita ka moboiakita pepoboi mempori, komba me'empehiako wineweuto, tendeano me'empehiako tinoo ka pe'aroa-Do Ondae-Do, anu mewineeako kitamo ndi Ondae i Kerisituu Yesu se'eluno pompu'uano tempo

TITU 2:14

anu meweengakonomo koroi-Do hangano ontae motola kita inso a luwuno anu mosa'o ka mokomemporiako Ira aasa bawaa, bawaa-Do Ondae-Do, anu memokua mpoweweu moiko.

1 PETURU 1:2

onaemo mia anu mebininiki, menunu saru songka-Do Ue Ala, Amato, ka anu pinokomempori-Do Penaa, ka dompomperorongeako ndi Ondae i Yesu Kerisituu ka mentarimao tinawisiako rea-Do. Po'ineeomo pe'aroa ka rodoa ka ikohadi-hadiono ndi omiu.

1 PETURU 2:5

Ka po'ineeomo omiu mbo'u mempinake kana watu tuwu powangu aasa raha rohani, tiano aasa imama mempori, ka ipinesombaako pesomba rohani anu hangano Ondae i Yesu Kerisituu Dopemoiko Ira Ue Ala.

1 PETURU 4:11

Tewala hinao mia anu mepau, ka ipepaumo kana mia anu mohaweo pau-Do Ue Ala; tewala hinao mia anu mompekakaako, ka iweweuakonomo roso anu Doweeakono Ue Ala, ka Dopinokomaramba Ue Ala a luwuakoano hangano Ondae i Yesu Kerisituu. Ondaemo anu me'ueo marambaa ka pabawa ranta nahina tampulaano! Ami.

MENGKAAA 1:6

ka anu weweu kitamo megagi aasa poparentaa, megagi luwuno sando mpesomba-Do Ue Ala, Ama-Do, – ndi Ondaemo marambaa ka pabawa ranta nahina tampulaano. Ami.

MENGKAAA 20:6

Me'uraomo ka memporiomo onae, anu mohawe tia a mpewangua amba-ambano atuu. Matea anu kompenduano nahina mbo'u pabawano ndi ondae, sine ira megagi sando mpesomba-Do Ue Ala ka i Kerisituu, ka ira mpomparenta kana mokole meronga saru Ondae, asa nsowu ta'u tehineno.

MENGKAAA 5:10

Ka Iweweu iramo gagi aasa poparentaa, ka megagi sando mpesomba tia-Do Ue Alato, ka ira mpeparenta kana mokole i tolino.”

1 Samueli 12:22

A nee-Do anu langkai, Ondae i Ue nahi Ira bintao bawaa-Do, hangano Ondae i Ue Dobiniki komiumo gagi bawaa-Do.