1 PETURU 2:8 - Wunta Mempori

⁸ Dontetiduario, hangano nahi domperorongeakono pau-Do Ue Ala; ka hangano atuu ondae mbo'u mempinatindaako iramo.

1 PETURU 2:8 ပူးပေါင်းရင်းမြစ်များ

Ayubi 23:14

Menteeano, Ira moko'umario hapa anu Dopakosio ndi ongkue, ka hadio mbo'u mongkona anu kanatuu kongko ndi Ondae.

Peluarakoa 9:16

Sine tinoo-Ku ka Kupo'ineekomiu mentuwu, onaemo ka imengkitao roso mpabawa-Ku, ka itelele nee-Ku i asa wawontolino.

Yesaya 37:26

Kombake urongeomo nine Kutantuiomo mompu'u da olai tempono? Kupewowoloomo inso a tempo se'eluno, ka kanandio-andio Kupokogagiomo; omue weweu ira kota pekorahakoa boni-boni, gagi howuno anu terawo,

Yesaya 57:14

Hinao anu mepau, ”Ungkahiomo, ungkahiomo, patindaomo sala. Tandeomo watu tetidua inso a nsalado bawaa-Ku!”

Yesaya 8:14

Ondae Ira gagi po'ianga mempori, sine watu tetengkua mbo'u ka watu tetiduado orua suku Isaraeli atuu, saru gagi oho ka dampado palilino Yerusale.

I LUKASI 2:34

Ka i'amba i Simeo rumonso ira ka ipotae ndi Maria, ine-Do Nana'ote atuu, ”Menteeano Nana'ote andio pinakosi gagi tedontaa ke tewanguano hadio mia i Isaraeli ka gagi aasa petondoni anu gagi pengengea

ROMA 9:22

Gaagi, tewala Ira mopokitao tekuda-Do ka mokomengkaao pabawa-Do, Ondae Ue Ala monaa sabara-Do anu langkai a luwuno parewa tekudaa-Do, anu pinatindaomo tiano matea –

1 KORINTI 1:23

sine omami mempalele Ira i Kerisituu anu pinaso a ngkeu pinotamba: a nto Yahudi aasa watu tetidua ka a mia komba to Yahudi aasa monge-mongea,

2 KORINTI 2:16

A anu pokotompa omami onaemo woono matea anu mompepate ka a anu amba-ambano woono tuwua anu mompotuwu. Sine isemake anu polio umanggao anggaa anu kanandio?

GALATIA 5:11

Ka ongkue mbo'u andio, pepaekompo, tewala da kupaleleo petindi, tembioke ka kudabinobarasai mbo'u? Hangano tewala kanandio, keu pinotamba komba watu tetidua mbo'u.

1 TESALONIKA 5:9

Hangano komba Dopakosio Ue Ala ka i'alu kita pontekudaako, sine ka tompohawe tekaduduia hangano Ondae i Yesu Kerisituu, Ueto,

1 PETURU 2:6

Hangano hinao teburi, ”Menteeano, Kunaao i Sioni aasa watu anu tebiniki, aasa watu siuno anu masuli olino, ka isema anu me'ala-ala Ira, nahi ta pinokoko'ii.”

1 PETURU 2:7

Onaemo pu'uno ndi omiu, anu mpompe'ala-ala, onae masuli olino, sine ndi ondae anu nahi dompompe'ala-ala, ”Watu anu domentadiomo mia mperaha, gagiomo watu siuno, gagiomo mbo'u watu tedanggia ka aasa watu tetidua.”

2 PETURU 2:3

Ka hangano dokodo guru mpegaupi atuudo ira mpe'usaha mpo'ungke urado inso ndi omiu mesala a luwuno tutulu anu tinutuludo ondaedo. Sine a mpoweweudo atuu pohuku tehineomo tepatinda ka matea nahi ta tepotulu.

YUDASI 1:4

Hangano mengkaa hinao mia susua anu mewinsoomo nahi teto'ori i tonga-tongamiu, onaemo mia anu tehineomo domempinakosi ka domehinuku. Ondaemo mia anu mosa'o gaudo, anu mensala pakeo pe'aroa-Do Ue Alato ka dompoweweu po'eheno aroado, ka anu mehapuo asa-asa-Do Anu Pabawa ka Ueto, i Yesu Kerisituu.