1 PETURU 2:23 - Wunta Mempori

²³ Tempono Dopinepauikiako, nahi Dopombaloako pompepauki; tempono Dotebobarasai, nahi Dopompokodoito, sine Dopeweengakono ndi Ondae, anu moleo Dopobitara.

1 PETURU 2:23 ပူးပေါင်းရင်းမြစ်များ

Tegagia 18:25

Nahi kupompe'ala-ala Komiu moweweu kanandio, mompepate mia mentee saru mia mosa'o gaudo, ranta mia mentee pinongkena saru mia mosa'o gaudo! Anu kanatuu nahi Komiu weweuo! Kana'umpemo Puu Mpobitara asa wawontolino mohuku nahi moleo?”

Po'unde-unde 10:14

Omiu isa'a kumitao masusaa ka marasai, Omiu kumitao ka umalao a laro ngkae-Miu. Ndi Omiumo mia urasa'o ipeweengakono koroino; Omiumo anu tumulungio nana'ote nahina amano.

Po'unde-unde 31:5

Iluarako akumo inso a buani anu dompota'oakune mia, hangano Omiumo pepekaduduiaku.

Po'unde-unde 37:5

Peweengakonomo pesalaamu ndi Ondae i Ue ka pe'ala-ala Iramo, asalakono Ira mongkadudui;

Po'unde-unde 7:11

Ondae Ue Ala onaemo kantaku, puu pongkaduduido mia anu bobotoli aroano;

Po'unde-unde 96:13

i aroDo i Ue, hangano hawe Ira, hangano Ondae hawe Ira bitarao tolino. Ira bitarao wawontolino a laro menteea, ka luwuno tongku a laro menteea-Do.

Yesaya 53:7

Onae binobarasai, sine ipo'ineeo koroino pinokomahaki ka nahi pepau kana ana bimba anu winawa a mposumbelea; kana ineno bimba anu beebe i arodo mia anu megontio wuluno, nahi pebeeli.

I LUKASI 23:41

Ontae lano tekona tohinuku, hangano montarima kita sulono anu menunu saru wineweuto, sine mia andio nahina te'asa wineweu-Do anu sala.”

I LUKASI 23:46

Ka Do'amba i Yesu mebooli meroku, ”Oo Ama, A ngkae-Miu Kupeweengakono penaa-Ku.” Ka umari-Do mepau kanandio Dopeweengakono penaa-Do.

I LUKASI 23:9

Onae hadio pesikenono ndi Ondae i Yesu, sine nahina sinangki-Do i Yesu maupo hapa.

WINEWEUDO TINENA 17:31

Hangano Dopakosiomo aasa oleo, a tempo isua Dobitarao temoleo wawontolino anu ta umanggao aasa mia anu Dopakosiomo, umari-Do moweeako ira luwuno mia aasa pompokomanasa mongkona atuu onaemo wangu Ira inso i olodo mia mate.”

WINEWEUDO TINENA 4:29

Ka kanandio-andio, oo Ue, Ikitaomo kana'umpe dompokodoito kami ka Ipokomosia iramo tetenaa-Miu ka domempaleleo pau-Miu.

WINEWEUDO TINENA 7:59

Kontongaado mewunoo i Setepanu mekakai, ipotae, ”Oo Ue Yesu, Itarimaomo penaaku.”

WINEWEUDO TINENA 9:1

Kontongaano atuu tensila aroano i Saulu ta mompokodoito ka mepate ira ana guru-Do i Ue. Onae lumako a Sando mpesomba Langkai,

ROMA 2:5

Sine hangano moteano aroamu anu nahi behe tepidi, mohowuko pontekudaako a ngkoroimu omuemu a oleo tempo isua pontekudaako ka pohuku-Do Ue Ala anu moleo ta pinokomengkaa.

EPESU 6:9

Ka omiu anu pe'uea, imeweweuomo mbo'u kanandio ndi ondae ka impoko'olaio pompokodoito. Impewowoloo, nine Uedo ka Uemiu kongko Ira i suruga ka nahi Dopongkita rupano mia.

2 TESALONIKA 1:5

aasa tondonino mongkona moleono pobitara-Do Ue Ala, anu mokomengkaao nine omiu tekona gagi palili a Poparentaa-Do Ue Ala, omiu anu kanandio-andio memarasai hangano Poparentaa atuu.

2 TIMOTIU 1:12

Onaemo pu'uno ka kupemarasaio luwuno andio, sine nahi mokoko'iiku; hangano kuto'orio ndi sema kupompe'ala-ala ka kupe'ala-alao nine Ondae pabawa mekariao hapa anu Dope'ala-alaakunemo ranta a oleo-Do i Ue.

2 TIMOTIU 4:8

Kanandio-andio pinatindaako akumo ramba-ramba ulu menteea anu Ira weeakune i Ue, Puu mpobitara anu moleo, a oleo-Do; sine komba butu ndi ongkue, tendeano a luwuno mbo'u mia anu kumekewoio hawea-Do.

IBARANI 12:3

Impewowolo Ira koa mpiha, anu mo'asao aroa-Do tumembio pengengedo mia ntehala anu lansara atuu a ngkoroi-Do, ka si megagi molema ka ntelusa.

1 PETURU 3:9

ka mosa'oa si mpombaloako mosa'oa, ke pompepauikiako saru pompepaukiako, sine tendeano, po'ineeomo imporonso, hangano onaemo ka imempinoboi, onaemo ka impohawe ronso. Hangano,

1 PETURU 4:19

Onaemo pu'uno moiko mbo'u ondae anu asalakono ntebobarasai hangano po'ehe-Do Ue Ala, mpeweengakono sumangado, saru wela mpoweweu moiko, ndi Ondae anu Mompokogagi nahi Dobali.

MENGKAAA 19:11

Ka ku'amba kumitao suruga te'ungkahi: menteeano, hinao aasa ngara mopute; ka Ondae anu mesawikio meneeako: Anu Metenunu ka Anu Mentee, moleo Dopobitara ka metea.