1 PETURU 2:17 - Wunta Mempori

¹⁷ Impelangkai iramo luwuno mia, impehohawa iramo pepaekompomiu, imedoitoako Iramo Ue Ala, impelangkai iramo mokole!

1 PETURU 2:17 ပူးပေါင်းရင်းမြစ်များ

Tegagia 20:11

Ka i'amba motae i Burahima, ”Kupewowoloo, nahina doitoako Ira Ue Ala a mpo'ianga andio, ranta aku pinepate hangano beineku.

Tegagia 22:12

Ka Do'amba mepau, ”Si pepateo nana'ote atuu ka si poweweu hapa-hapa ndi onae, hangano kanandio-andio Kuto'oriomo nine omue doitoako Ira Ue Ala ka nahi nanta-nanta aroamu meweengakono anamu anu asa-asano atuu ndi Ongkue.”

Tegagia 42:18

Ia oleo anu ko'otolu i Yusupu motaeako ira, ”Imeweweuomo andio, ka komiu kongko mentuwu. Ongkue andio doitoako Ira Ue Ala.

1 Tawarika 29:20

Ka i'amba mepauomo i Daudi a luwuno bawaa atuu, ”Unde-unde Iramo i Ue, Ue Alamiu!” Luwuno mbo'u bawaa umunde-unde Ira i Ue, Ue Alano uempu'udo. Mpenggolontu ira ka mpesomba ndi Ondae i Ue ka ndi mokole.

Po'unde-unde 111:10

Pompu'uano ponto'ori anu mentee onaemo doitoako Ira i Ue, luwuno mia anu weweuo mohawe pokonto'ori anu moiko. Po'unde-unde ndi Ondae nahi bali ranta nahina tampulaano.

Peluarakoa 20:12

Pelangkai ira amamu ka inemu, kai melai tinuwumu a wita anu Doweeakomu i Ue, Ue Alamu ndi omue.

Powadi 1:7

Doitoako Ira i Ue onaemo pompu'uano ponto'ori, sine mia benge-benge tumetewehio ponto'ori anu mentee ka pompaguru.

Powadi 23:17

Si mosisiri aroamu a mia anu ntehala, sine doitoako Iramo mpiha i Ue.

Powadi 24:21

Hei anaku, doitoako Iramo i Ue ka mokole; si ewaio oruano.

Puu Pontutulu 8:2

Tondaomo parentado mokole kana sumpamu ndi Ondae Ue Ala.

Imama 19:32

Omue asalakono impentade i arodo mia me'uwa, melangkai ira mia anu mota'u, ka doitoako Ira Ue Alamu. Ongkuemo Ue.

Sakaria 11:14

Ka ku'amba puduo tuko anu ko'orua, tuko ”Powutu,” ka siimo ihina pepaekompoa i olono Yehuda ka Isaraeli.

I MATIU 22:21

mesangki ira, ”Gambara ka binurido i Datu.” Ka Do'amba i Yesu motaeako ira, ”Peweengakonomo a Datu hapa anu asalakono komiu mpoweeakono a Datu ka ndi Ondae Ue Ala anu asalakono komiu mpeweengakono ndi Ondae Ue Ala.”

I YOHANE 13:35

Ba kanandio iramo mento'orio luwuno mia, nine omiumo ana guru-Ku, onaemo tewala mambe pehohawa komiu.”

ROMA 12:10

Asalakono ka imambe pehohawa kana pepaekompo ka mambepese'elungi a mpompelangkai.

ROMA 13:7

Ime'owahiomo a luwuno mia hapa anu asalakono komiu me'owahio: sima'ulu a mia anu tekona montarima sima'ulu, sima'ulu susua a mia anu tekona montarima sima'ulu susua; imedoito a mia anu tekona idinoitoako ka impelangkaio mia anu tekona ipinelangkai.

2 KORINTI 7:1

Pepaekompo anu pinehohawaku, hangano ontae kanandio-andio mehaweo luwuno dandi atuu, aiwamo tompokomemporio koroito inso a luwuno anu kumokoburutio koroi ntolino ka rohani, ka ba kanandio mokobobotolio memporiato doitoako Ira Ue Ala.

EPESU 5:21

ka imemambe pe'urumako hangano doitoako Ira i Kerisituu.

PILIPI 2:3

saru nahi po'ungke tiano onaeno ke po'unde-unde anu nahina tuduno. Tendeano impe'urumako anu asa mia tumuduo anu susua laluaopo sekono onae;

1 TIMOTIU 6:1

Luwuno mia anu mpontembi te'ataa ka domentuduo uedo tekona ipohawe luwuno pompelangkai, ka si dompepaukiakono mia nee-Do Ue Ala ka pompaguruto.

IBARANI 13:1

Pompehohawa pepe'etua ka ikongko koa mpiha!

1 PETURU 1:22

Hangano koroimiu impokomemporiakonomo petenunu a menteea, onaemo ka impokoweweuo pompehohawa pepaekompoa anu inso i aroa, po'ineeomo ka imemambe pehohawa ntu'u tompaano aroamiu.

1 PETURU 2:13

Impe'urumakomo, hangano Ondae Ue Ala, a luwuno posongkano mia, moiko a mokole anu uminio pabawa anu lalu i wawono,

1 PETURU 5:5

Kanandio koa mbo'u omiu, hei mia memongura, impe'urumakomo a mia anu memota'u. Ka luwumiu, imemambe'urumako, hangano, ”Ondae Ue Ala umewaio mia mompelangka-langkai, sine mehohawao mia anu me'urumako.”

1 Samueli 15:30

Motae i Saulu, ”Lano tehala akumo, sine kanandio-andio popokitao pontudumiu ndi ongkue i arodo luwuno mia mota'u tongku andio ka to Isaraeli. Ipekulemo saru ongkue ka kupokompesomba ndi Ondae i Ue, Ue Alamiu.”