1 PETURU 2:12 - Wunta Mempori

¹² Temoikomo gaumiu imentuwu i tonga-tongado tongku komba Yahudi, tewala domposebe komiu kana mia melambaha, ka dompokokitao inso a luwuno wineweumiu anu moiko ka melangkai Ira Ue Ala a oleo Dotepohaweako ira.

1 PETURU 2:12 ပူးပေါင်းရင်းမြစ်များ

Po'unde-unde 37:14

Mia mosa'o gaudo mpobuta ponai ka mediio panado ira mpobangkuo mia marasai ka mia mongkokolaro, ira mensumbeleo mia anu moleo pesalaano;

Po'unde-unde 50:23

Isema anu mompesombaako pesomba po'unde-unde, onae umunde-unde Aku; mia anu mentee pesalaano, Aku mopokitaakono tekaduduia inso ndi Ondae Ue Ala.”

Yesaya 10:3

Hapake anu komiu meweweuo a oleo pohukua, ka a oleo matea anu hawe inso a olaiano? Ndi semake komiu mpelulu mpepetulungi, ka isuake imebintao pompolimiu?

Danieli 6:4

I Danieli lumaloi ira anu langkai potorodo ka petewawa daera atuu, hangano ndi onae hinao penaa anu susua sekono anu mehano. Tinoono mokole numaao a luwuno poparentaano.

I MATIU 10:25

Sompoomo nada asa ana guru ba ipengkenaakono guruno ka asa ata ba ipengkenaakono ueno. Tewala umbu raha nineeako i Belesebu, tamoako luwuno pe'asa rahano.

I MATIU 5:11

Meme'ura komiumo, ba hangano Ongkue ka imentinata ka binobarasai ka imempinosebeako luwuno anu mosa'o.

I MATIU 5:16

Ka ikanandiomo mewinemiu mewanta i arodo mia, ka domengkitao wineweumiu anu moiko ka dompelangkai Ira Amamiu anu i suruga.”

I MATIU 9:8

Ka mia hadio anu mengkitao anu gagi atuu medoito ka do'amba me'unde-unde Ira Ue Ala anu mompowee Iramo pabawa kanatuu a mia.

I LUKASI 1:68

”Inunde-unde Iramo i Ue, Ue Alado to Isaraeli, hangano hawe Ira kumitao bawaa-Do ka mowawaako ira tolaa,

I LUKASI 19:44

ka ira mpepateko saru palilimu ka a rere watumu nahi ira mpo'ineeo maupo te'asa watu mo'ia a wawo watu anu susua, hangano nahi uto'orio tempo, ba te'ipia Do'aiwa kumitako Ue Ala.”

I LUKASI 6:22

Meme'ura komiumo, tewala hangano i Ana Manusia ka dome'o'aliaakomiu mia, ka tewala domentadi komiu, ka mentata komiu saru mpokomosa'oo neemiu.

I YOHANE 13:31

Umarino lumako i Yudasi, motae Iramo i Yesu. ”Kanandio-andio i Ana Manusia pinokomaramba ka Ondae Ue Ala pinokomaramba ndi Ondae.

WINEWEUDO TINENA 15:14

I tutuluomo i Simo, nine inso a pompu'uano Dopopokitao Ue Ala pompehohawa-Do a luwuno tongku susua, onaemo Dobinikio aasa bawaa inso i olodo pelangkaino nee-Do.

WINEWEUDO TINENA 24:13

Ka nahi domempolio mpotisoakomiu hapa anu kanandio-andio domentuluriakune.

WINEWEUDO TINENA 25:7

Mansano hawe i Paulu hawe i tu'ai, luwuno to Yahudi anu mehawe inso i Yerusale mpentade melimbuo ka dompompau hadio pontuluri mobea mongkona onae anu nahi domempolio mpotiso mengkaano.

WINEWEUDO TINENA 28:22

Sine mingki kami merongeo inso ndi omue, ba kana'umpe pompewowolomu, hangano mongkona pompaguru andio kimento'orio, nine isua-suamo koa onae inewai.”

ROMA 12:17

Mosa'oa si pombaloakono mosa'oa; weweuomo hapa anu moiko a luwuno mia!

ROMA 13:13

Aiwamo tomentuwu mponto'ori gau, kana tempono meene, komba a mpogawea nahina sa'uno ka memolangu, komba a mpebelesua ka montonda po'eheno aroa, komba a nteposisalaa ka mengkohili.

ROMA 14:18

Hangano ba isema anu mekakaako Ira i Kerisituu kanandio, onae Dopemoikoo Ue Ala ka dompelangkaio mia.

ROMA 15:9

ka weweuo luwuno tongku mpelangkai Ira Ue Ala hangano pe'aroa-Do, kana hinao teburi, ”Onaemo pu'uno aku melangkai Komiu i olodo luwuno tongku ka menaniako penani umunde-undeo nee-Miu.”

1 KORINTI 14:25

Luwuno anu tewuni i laro aroano ta gagi mengkaa, onaemo ka ta menggolontu mesombai Ira Ue Ala ka mangaku, ”Mentee ntu'u, Ondae Ue Ala kongko Ira i tonga-tongamiu.”

2 KORINTI 1:12

Ndiomo anu kipo'undeako, onaemo nine i laro aroamami mesakosii ndi omami, nine tuwumami i wawontolino andio, tamoako a mpenggoeamami saru omiu, ipabawaio moleoa ka memporia inso ndi Ondae Ue Ala komba hangano ponto'ori ntolino, sine hangano rosono pompehohawa-Do Ue Ala.

2 KORINTI 13:7

Mekakai kami ndi Ondae Ue Ala, ka si mpoweweu anu mosa'o komba ka imengkaa monangi kami, tendeano omiu andio ka impoweweu hapa anu moiko, maupo omami isa'a tengkita nahi kiponangi.

2 KORINTI 8:21

Hangano omami mpompewowolo anu moiko, komba butu i aro-Do i Ue, sine i arodo mbo'u mia.

EPESU 2:3

Menteeano i ndi'upua luwumami tewinso koa mbo'u i olodo, tempono kimentuwu a po'eheno aroa ka mentondao po'eheno koroi ka pinewowolomami anu mosa'o. Menteeano omami onaemo mia anu asalakono mentinekudaako, mengkena kana ondae anu mehano.

EPESU 4:22

onaemo nine omiu, hangano tuwumiu anu i ndi'upua, asalakono imelolohio mia laano, anu mohawe mateano hangano po'eheno aroano anu mompopo'oo,

PILIPI 1:27

Butu, po'ineeomo tuwumiu ka ipenunu saru Lele Mawongkoa mongkona Ondae i Kerisituu, ka kukitao ba kuhawe, ka tewala nahi kuhawe aku rumongeo, nine moroso impentade a laro aasa penaa, ka mpe'asa aroa mpeteahako tiano pompe'ala-ala anu inso a Lele Mawongkoa,

PILIPI 4:8

Gaagi poko'ariano, pepaekompo, luwuno anu mentee, luwuno anu maramba, luwuno anu moleo, luwuno anu mempori, luwuno anu mo'ahi, luwuno anu momoiko irinonge, luwuno anu pinau moiko ka tekona inunde-unde, impewowoloomo luwuno atuu.

1 TESALONIKA 4:12

ranta ka imentuwu kana mia anu mponto'ori gau a pongkitado mia i bungkuno ka nahi impomperorohi ndi ondae.

1 TIMOTIU 2:2

tiado luwuno mokole ka tiado luwuno anu langkai potorodo, ka tompokomentuwu rodo ka sintuwu a luwuno petenunuto mpesomba ka pelelu anu moiko.

1 TIMOTIU 4:12

Si hina maupo te'asa mia me'uru-uruko hangano mongurako. Gagimo pandirido luwuno mia mpompe'ala-ala, a mpepaumu, a mpelelumu, a pompehohawamu, a mpetenunumu ka a memporimu.

1 TIMOTIU 5:10

ka anu mengkaa mo'anggaomo anu moiko, kana mompekaria ana, ineheno metotoka, mowo'ohi karudo pepaekompo pe'asa pompe'ala-ala, montulungi mia anu laro pompema'isoa – owowaano ondae anu mempakeomo luwuno tempo mpoweweu moiko.

IBARANI 13:18

Impekakaiakami mpiha; hangano kimpe'ala-alao, nine pohaweno aroamami moiko, nde a luwuakoano inehemami aasa tuwua anu moiko.

IBARANI 13:5

Si megagi atano doi ka impesompoomo hapa anu hina ndi omiu. Hangano Ondae Ue Ala mepau Iramo, ”Naahi ntu'u Aku mo'ineeko ka naahi ntu'u Aku bintako.”

YAKOBU 3:13

Isema i olomiu anu pande mosongka ka molino pinewowolono? Moikoomo ipokomengkaao wineweuno a gau ntumuwu anu moiko hangano ponto'ori mentee anu hiina inso a mpe'urumako.

1 PETURU 2:15

Hangano onaemo andio po'ehe-Do Ue Ala, onaemo saru poweweu moiko ka imempokongkomino ira mia anu mebenge-benge anu nahi malua pinewowolodo.

1 PETURU 3:16

ka saru ponto'orino aroa anu moiko, ka domegagi mokoko'iiakono pomposebedo atuu anu mposebe komiu hangano tuwumiu anu moleo ndi Ondae i Kerisituu.

1 PETURU 4:11

Tewala hinao mia anu mepau, ka ipepaumo kana mia anu mohaweo pau-Do Ue Ala; tewala hinao mia anu mompekakaako, ka iweweuakonomo roso anu Doweeakono Ue Ala, ka Dopinokomaramba Ue Ala a luwuakoano hangano Ondae i Yesu Kerisituu. Ondaemo anu me'ueo marambaa ka pabawa ranta nahina tampulaano! Ami.

2 PETURU 3:11

Gaagi, tewala luwuakoano andio ta kanandio teweweuno iterawo-rawo, asalakono ka imentuwu tedoa mempori ka mpesomba ntu'u

Ruti 3:14

Moturiomo ihorino karuno ranta hawe mo'oru, umari atuu mewanguomo, se'eluno mia napi pada dontepoto'ori nde ipotae i Boasi, ”Kasi domento'orio mia motae hinao aasa beine anu hawe a mposesaa.”