1 PETURU 2:11 - Wunta Mempori

¹¹ Pepaekompoku luwu-luwu anu pinehohawaku, kupatudu komiu, kana mia mehawe ka anu mpo'ungke tuwua, ka ime'olaiakono luwuno po'eheno koroi anu meteahako umewaio sumanga.

1 PETURU 2:11 ပူးပေါင်းရင်းမြစ်များ

Tegagia 21:34

Umarino atuu i Burahima tehine ipo'ia gagi mia mehawe i witado to Pelisiti.

Tegagia 23:4

”Ongkue andio mia hawe anu mo'ia sarai i olomiu. Impowee akumo pekaburua gagi tiaku i olomiu, ka kupokowawao wata ngkoroino beineku ka kumaburuo.”

Tegagia 47:9

Sumangki i Yako ndi Pirao, ”Tempo pelakopiaku gagi mia mehawe onaemo asa etu ka tolu pulu nta'u. Tempoku tuwu atuu sarai ka bukeako masusaa, napi haweo tinuwudo uempu'uku tempono dompelakopi gagi mia mehawe.”

1 Tawarika 29:15

Hangano omami mehawe anu mperato i aro-Miu mengkena kana luwudo uempu'umami. Oleo ntumuwumami i wawo tolino kana eo-eo ka nahina pomperorohi.

Po'unde-unde 119:19

Ongkue andio butu mia hawe i tolino, siimo Iwuniakune luwuno parenta-Miu.

Po'unde-unde 119:54

Luwuno pompakosi-Miu gagi penani po'unde-undeku i tolino anu kupo'iangario kana mia hawe.

Po'unde-unde 39:12

Omiu tumunduhiakono pohuku asa mia hangano salano, ka kumaano pingko tekosino mengkena kana ule-ule; mentee ntu'u, sompo mia butu nahina tuduno. Sela

Imama 15:18

Tewala asa tama moturi saru asa beine ka ite'uwu uwoi anuno, asalakono orua ira dowo'ohiakono uwoi koroido, ka ondae gagi mokoburu hawe sumoo oleo.

Imama 25:23

”Wita si me'asao mpiha, hangano Ongkuemo ueno wita atuu, sekono omiu mia mehawe ka mia anu me'aiwa mperato ndi Ongkue.

I LUKASI 21:34

”Dagaiomo koroimiu, ka si aroamiu bukeako pogawea ka molangua saru luwuno po'eheno wawontolino ka si mansa mepobingko hawe oleo-Do i Ue a ngkoroimiu kana aasa oho.

WINEWEUDO TINENA 15:20

sine asalakono ka tompoburi wunta ndi ondae, ka dome'olaiakono kaanga anu tesosa'aiakoomo lahumoa, pebelesua, bauno kondehora anu mate tetolonggeo ka inso a rea.

WINEWEUDO TINENA 15:29

asalakono ka ime'olaiakono kaanga anu pinesombaako a lahumoa, rea, bauno kondehora anu mate tetolonggeo ka pebelesua. Tewala impekariao koroimiu inso a luwuno andio, mpoweweu komiu moiko. Tompamo i ndi'ai, ka intekadudui.”

ROMA 12:1

Onaemo pu'uno, pepaekompo, hangano pe'aroa-Do Ue Ala kupatudu komiu, ka impesombaakono koroimiu gagi pesomba anu tuwu, anu mempori ka anu pinemoiko-Do Ue Ala: onaemo atuu pesombamiu anu mentee ntu'u.

ROMA 7:23

sine a luwuno parewa koroiku mongkita aku songka susua anu metea umewaio songka pinewowolo molinoku ka weweu aku gagi tinawano songka hala anu kongko a laro luwuno parewa ngkoroiku.

ROMA 8:13

Hangano, Tewala mentuwu komiu montonda tuwu ntolino, komiu memate; sine tewala hangano Penaa ka impepateo luwuno wineweuno koroimiu, komiu mentuwu.

2 KORINTI 5:20

Gaagi omami andio onaemo tinena-Do i Kerisituu, kana Ondae Ue Ala patudu komiu mesala ndi omami; a nee-Do i Kerisituu kime'emao ndi omiu: imesintuwumo saru Ondae Ue Ala.

2 KORINTI 6:1

Gagi wali-wali mpe'asa mpo'angga, kime'emao ntu'u ndi omiu, ka si meweweuo gagi nahi mentudu pompehohawa-Do Ue Ala, anu imentarimaomo.

2 KORINTI 7:1

Pepaekompo anu pinehohawaku, hangano ontae kanandio-andio mehaweo luwuno dandi atuu, aiwamo tompokomemporio koroito inso a luwuno anu kumokoburutio koroi ntolino ka rohani, ka ba kanandio mokobobotolio memporiato doitoako Ira Ue Ala.

GALATIA 5:24

Ba isema gagi mia-Do i Kerisituu Yesu, ipasoomo tuwu ntolino saru luwuno po'eheno aroano ka mosisirino a ngkeu pinotamba.

EPESU 2:19

Kanandiomo omiu komba mia susua mbo'u ka mia hawe, tendeano mpe'asa komiumo saru mia memempori ka ihino raha-Do Ue Ala,

EPESU 4:1

Onaemo pu'uno ku'emao ntu'u ndi omiu, ongkue, mia anu tinorungku hangano Ondae i Ue, ka imentuwu gagi mia anu mempinoboi komiumo menunu saru pepoboi atuu.

2 TIMOTIU 2:22

Onaemo pu'uno olaiakono po'eheno aroado mia mongura, ungkeomo moleoa, petenunua, pompehohawa ka sintuwu meronga saru ondae anu mpebooli ndi Ondae i Ue a aroa anu morina.

IBARANI 11:13

Luwudo andio memate iramo a pompe'ala-ala gagi mia anu nahi dompohawe hapa anu dinandi atuu, sine butu domengkitao inso olai ka mengkawe-kaweo ka memangakuakono, nine ondae mia hawe ka mehawe i tolino andio.

IBARANI 6:9

Sine, hei pepaekompoku luwu-luwu anu kinekewoiku, maupo kimpotae kanandio mongkona omiu, kimpe'ala-alao, nine hinao ndi omiu anu lalu moiko, anu mowawa tekaduduia.

YAKOBU 4:1

Inso isuake ka ihina teposisalaa ka pengengea i olomiu? Kombake ka ihina inso a mpo'eheno aroamiu anu mambe'ewa a laro ngkoroimiu?

1 PETURU 1:1

Inso ndi Peturu, tetenaa-Do i Yesu Kerisituu, a luwuno mia mehawe, anu ntesiarawo i Pontu, i Galatia, i Kapadokia, i Asia Kodei ka i Bitinia,

1 PETURU 1:17

Ka tewala imeneeako Ira Ama, onaemo Ondae anu nahi Dopompesusua bitarao luwuno mia montonda wineweuno, ka po'ineeomo ka imentuwu a laro doitoa tempono imperato i wawontolino andio.

1 PETURU 4:12

Luwuno pepaekompo anu pinehohawa, siimo imengkohali-haliakono langano api pobobarasaia anu hawe ndi omiu gagi po'arahako, kana hinao bahapa anu tedoa langkai gagi ndi omiu.

1 PETURU 4:2

ka si mempakeo tempo anu da hinao montonda mosisirino mia, sine montonda po'ehe-Do Ue Ala.

2 PETURU 3:1

Pepaekompo anu kinekewoi, ndiomo wunta anu ko'orua, anu kuburiakomiu. I larono orua wunta atuu ku'usahao poponto'orimiu anu mentee hangano luwuno pompopoto'ori,