1 PETURU 2:1 - Wunta Mempori

¹ Onaemo pu'uno imentadiomo luwuno mosa'oa, luwuno pompopo'oo ka luwuno rupano po'onde-onde, kohilia ka pomposebe.

1 PETURU 2:1 ပူးပေါင်းရင်းမြစ်များ

Ayubi 36:13

Mia anu aroano mosa'o monaa tekudaa; nahi dompebooli mpepetulungi, tempono Dopongu ira.

Po'unde-unde 32:2

Me'uraomo mia, anu salano nahi Dopototoio i Ue, ka anu nahi pe'aroa mompopo'oo!

Po'unde-unde 34:13

Isema i olomiu anu nahi kekewoio tumuwu, ka momperorohi luwuno oleo buke me'uraa?

Po'unde-unde 37:1

Inso ndi Daudi. Si bamburu a mia moweweu mosa'o, si mosisiriakono mia anu moweweu molengku;

Po'unde-unde 73:3

Hangano mosa'o aroaku ndi ondae anu melaba mpau, tewala kukitao manangaido mia mosa'o gaudo.

Powadi 14:30

Aroa anu rodo mokomorosoo koroi, sine mosisiri mompokomoboo wuku.

Powadi 24:1

Si mosisiriakono mia mosa'o wineweuno, si behe pebawaako ira.

Powadi 24:19

Si gagi tekuda hangano mia anu moweweu hala, si mosisiriakono mia mosa'o gauno.

Powadi 3:31

Si mosisiriakono mia anu lambaha, ka si pobiniki maupo te'asa inso a mpesalaano,

Yesaya 2:20

A oleo atuu lahomoa salaka ka lahumoa wulaa anu wineweu ta pinesombai ira mpetadiakono mia a ntehu ka poneki,

Yesaya 30:22

Omue komokoburuako ira tinahamu anu mewaluako salaka ke luwuno lahumoamu anu me'apiiako wulaa; onae kotumadio kana sawu hawe wulano beine saru motaeakono, ”Polaimo!”

I MATIU 15:7

Hei mia anu mpo'onde-onde! Menteeomo pinau anu ta gagi pinauno Nabi Yesaya mongkona omiu:

I MATIU 23:28

Kanandiomo mbo'u omiu, i bungkuno ntengkita komiu mentee a pongkitado mia, sine i laromiu buke po'onde-onde ka mosa'oa.

I MATIU 24:51

ka ta mepateo ka weweuo mengkena saru mia mempo'onde-onde. I ra'aimo ta hina ponsabangia ka ke'ingisia.”

I MATIU 7:5

Hei mia mo'onde-onde, oninio ari sobo inso a matamu, ka ta moiko pengkitamu umoninio mopuli atuu inso a matano pepaekompomu.”

I MARAKUSU 12:15

Sine Doto'orio i Yesu po'onde-ondedo, ka Do'amba motaeako ira, ”Tembio ka ime'ara-arahako Aku? Wawaomo ramai te'asa dinare ka Kukitao!”

I LUKASI 11:44

Memasola komiumo, hangano mengkana komiu kaburu anu nahina tondonino; mia mpelempa i wawono, nahi to'orio.”

I LUKASI 12:1

Kontongaano atuu sowu-sowuno mia hadio mpengowo iramo, ranta ka dompehihidi. Ka Do'amba i Yesu mompu'u mompaguru, amba-ambano a ana guru-Do, Dopotae, ”Impetangkoromo a ragi, onaemo po'onde-ondedo to Parisi.

I LUKASI 6:42

Kana'umpeke ka upokompotaeakono pepaekompomu: Pepaekompo, po'ineeomo ka ku'oninio mopuli anu a laro matamu, kahinaano sobo anu a laro matamu nahi ukitao? Hei mia mpo'onde-onde, oniniomo ari sobo inso a matamu, asalakono tamomengkaa ukitao umoninio mopuli atuu inso a matano pepaekompomu.”

I YOHANE 1:47

Motae i Pilipu ndi onae, ”Aiwa ka ukita Ira!” Dokitao i Yesu i Natanae aiwa ndi Ondae, ka Do'amba mepau mongkona onae: Kitao, ndiomo asa to Isaraeli ntu'u, nahi molengku aroano!

ROMA 1:29

bukeako mperupa-rupa molengkua, wineweu mosa'o, mo'uri ka mokoburu, bukeako kohili, pompepatea, teposisalaa, pompopo'oo ka gau mosa'o.

1 KORINTI 14:20

Pepaekompo luwu-luwu, si mpompewowolo mengkena kana nana'ote. A mosa'oa imegagimo nana-ote, sine pinewowolomiu kana mia sompoomo tinuwuno!

1 KORINTI 5:8

Onaemo pu'uno aiwamo ka tompogawe, komba saru ragi anu tehineomo, komba mbo'u saru ragi mokoburua ka mosa'oa, sine saru roti anu nahi peragi, onaemo molinoa ka menteea.

2 KORINTI 12:20

Hangano kuporerengkoo, nine tewala aiwa aku ka kuhawe komiu nahi kana anu ino'aroaku ka intepohaweakune nahi kana anu ino'aroamiu. Kuporerengkoo ta mansa hina teposisalaa, kohili, tekuda, mompokotekona koroino onaeno, momposebe, petanga-tanga, pompelangka-langkai, ka marisua.

EPESU 4:31

Luwuno mahaki aroa, bamburua, tekudaa, teposisalaa ka pomposebe asalakono imentadio inso i olomiu, kanatuu koa mbo'u luwuno wineweu mosa'o.

1 TESALONIKA 2:3

Hangano pompatudumami komba inso a pompokobulalingo ke inso a ntinoo anu nahi mentee ka komba tinondaako mbo'u pompopo'oo.

1 TIMOTIU 3:11

Kanandio koa mbo'u luwuno beinedo ka domia koa mentinudu, ka si marapomposebe, asalakono mokompompedato ka pine'ala-ala a luwuakoano.

TITU 2:3

Kanatuu koa mbo'u beine anu memota'u asalakono ka domentuwu gagi mia mpesomba, si dompomposebe, si domegagi atano anggoro, sine mempande mpompaguruako luwuno anu moiko

IBARANI 12:1

Hangano ontae hadio sakosii, kana seru anu lumimbu kita, aiwamo ka tobintao luwuno tinembi ka hala anu tedoa rumerenggoti kita, ka tompo'asao mpiha aroato mpegolo a mpegoloa anu tomentinenaako.

YAKOBU 1:21

Onaemo pu'uno imentadiomo luwuakoano anu mokoburu ka anu mosa'o anu hadio ntu'u atuu ka imentarimaomo te molusa-lusa pau anu tepaho i laro aroamiu, anu pabawa kumaduduio sumangamiu.

YAKOBU 3:14

Tewala mponaa-naa komiu aroa kohili ka me'o'aluakono koroimiu liomiu, si pompelangla-langkai ka si mpegaupi umewaio menteea!

YAKOBU 4:11

Pepaekompoku luwu-luwu, si memambeposebe! Ba isema momposebe pepaekompono ke mokonsalao, itatao songka mokonsalao; ka tewala upokonsalao songka, omue komba anu montonda songka, sine puu mpobitarano.

YAKOBU 4:5

Simengko'aro-aroa, nine Wunta Mempori nahina pu'uno motae, ”Penaa anu ninaa-Do Ue Ala i laroto, Do'ineheakono mosiri!”

YAKOBU 5:9

Pepaekompo luwu-luwu, si mpewuruki ka mambepokonsala, ka si mehinuku. Menteeano Puu Mpobitara mentade Iramo a mpuu pewowa.

1 PETURU 2:16

Imentuwumo kana mia maradeka ka komba kana ondae anu mensala pakeo maradekaa atuu ka itetutuwi luwuno wineweudo anu mosa'o, sine imentuwumo kana tetenaa-Do Ue Ala.

1 PETURU 2:22

Nahi Dotehala, ka pompopo'oo nahina a laro nganga-Do.

1 PETURU 3:10

”Isema anu ineheno kumekewoio tuwuno ka ineheno kumitao luwuno oleo moiko, asalakono idagaio elono inso a mosa'o ka wiwino a luwuno pinau anu mompopo'oo.

1 PETURU 4:2

ka si mempakeo tempo anu da hinao montonda mosisirino mia, sine montonda po'ehe-Do Ue Ala.

1 PETURU 4:4

Onaemo pu'uno ka domengkohali-hali, nine omiu nahi mpetonda mpentoa merongaako ira a laro umbele nahi pototono anu mengkena, ka domposebe komiu.

MENGKAAA 14:5

Ka a laro ngangado nahina pegaupi; nahina tataado.