1 PETURU 1:6 - Wunta Mempori

⁶ Imemawongkoakonomo mongkona atuu, maupo kanandio-andio a tempo sarai omiu asalakono mpompemasusaako mperupa-rupa po'ara-arahako.

1 PETURU 1:6 ပူးပေါင်းရင်းမြစ်များ

Po'unde-unde 119:28

Weera uwoi mataku hangano masusa, Ipokoroso akumo menunu saru pau-Miu.

Po'unde-unde 119:75

Kuto'orio, oo Ue, nine luwuno songka-Miu moleo, ka nine tekona Ipokongkodei aku.

Po'unde-unde 34:19

Ondae i Ue atuu umpeda a luwuno mia anu tedoa masusa aroano, ka Dokadudui ira mia anu tetadi pomperorohino.

Po'unde-unde 35:10

luwuno wukuku motae, ”Oo, Ue, isemake kana Omiu, anu motolao mia marasai inso a ngkaeno mia anu lalu moroso, mia memarasai ka mongkokolaro inso a ngkaeno mia anu rumontuo?”

Po'unde-unde 69:20

Omiu tumo'orio tataaku, mokoko'ii ka mokoko'iiaku; luwuno iwaliku kongko i aro-Miu.

Po'unde-unde 9:14

Ipehohawa akumo, oo Ue; kitaomo tedoa marasaino ongkue, hangano anu me'o'aliaakune, oo Omiu, anu tumande aku inso a mpewowa langkaino matea,

Po'unde-unde 95:1

Aiwamo tomengkokora-kora mawongkoako Ira i Ue, mengkokora-koraakono torukuno watu tekaduduiato.

Yesaya 61:10

Mawongko aku ndi Ondae i Ue, sumangaku kokora-kora mawongko ndi Ondae Ue Alaku, hangano Dopokonaakune sangka tekaduduia ka sumoumbuakune lemba meloe menteea, kana umbungkoroi tama anu mompokona ramba-ramba ulu ka kana umbungkoroi beine anu mompake ramba-rambano.

Yesaya 61:3

ka moweeako ira ramba-ramba ulu gagi euno awu, lana pakea a mpogawea gagi euno sawu po'inombo, penani po'unde-unde gagi euno roso anu molema, ka dompotaeako ira mia ”keu tarabanti menteea,” anu pinaho-Do i Ue ka mopokitao maramba-Do.

I MATIU 11:28

Ime'aiwamo ndi Ongkue, luwuno anu memokendo ka ntelusa ka mpopemobea, Aku mowee komiu penaa-naaa.

I MATIU 26:37

Ka Dowawao i Peturu saru orua ira anano i Sebedeu merongaako Ira. Ka mompu'u Iramo mompemasusa ka mondidi-ndidi,

I MATIU 5:12

Impo'unde ka memawongkomo, hangano tambomiu langkai i suruga, hangano kanandio koa mbo'u dontebobarasai luwuno nabi anu mpese'elungi komiu.”

I LUKASI 1:47

ka aroaku mawongko hangano Ondae Ue Ala, Puu pongkaduduiku,

I LUKASI 10:20

Sine maupo kanatuu si mpo'unde hangano onitu nsa'o atuudo mpe'urumako ndi omiu, sine impo'undemo hangano neemiu hinao teburi i suruga.”

I LUKASI 2:10

Ka i'amba mala'eka atuu motaeako ira, ”Si medoito, hangano menteeano kupopoto'oriakomiu mawongkoa langkai tiado luwuno tongku:

I YOHANE 16:22

Kanandio koa mbo'u omiu kanandio-andio i'alukomiu pompemasusa, sine Aku koa kumita komiu mbo'u ka ta mawongko aroamiu ka nahina maupo te'asa mia anu mokorontuo mawongkomiu atuu inso ndi omiu.

I YOHANE 16:33

Luwuno atuu Kupauakomiu, ka impohawe rodoa ndi Ongkue. I wawontolino omiu memarasaiako poweweu nsa'oa, sine impokorosoo aroamiu, Kunangiomo wawontolino.”

WINEWEUDO TINENA 14:22

A mpo'ianga atuu dopokorosoako ira aroado ana guru atuu ka patudu ira ka domekongko koa mpiha a pompe'ala-alado, ka dopauo, nine ba topewinso a Poparentaa-Do Ue Ala asalakono kita mompembasai hadio marasaia.

ROMA 12:12

Impo'undemo a laro pomperorohia, imensabaramo a laro ma'isoa, ka si mpenaa-naa mpekakai!

ROMA 5:11

Ka komba butu onae! Tendeano kita memawongko ndi Ondae Ue Ala hangano Ondae i Yesu Kerisituu, Ueto, hangano Ondae ka tompotarimamo pesintuwua atuu.

ROMA 5:2

Hangano Ondae ontae mbo'u mpohawe sala mpewinso hangano pompe'ala-ala a pompehohawa andio. I larono pompehohawa andio ontae mpentade ka tompo'unde a laro pomperorohia kita mpontarima maramba-Do Ue Ala.

ROMA 9:2

nine tedoa aku mompemasusa ka wela masusa aroa.

2 KORINTI 4:17

Hangano marasaia anu monongko kanandio-andio, mo'anggaakami marambaa anu nahina tampulaano anu lumaloio luwuakoano, laluaopo langkai sekono marasaimami.

2 KORINTI 6:10

kana mia anu mompemasusa, sine memawongko mpiha, kana mia mongkokolaro, sine mompokokaea hadio mia; kana mia anu nahina hapa-hapano, maupo luwuakoano hinao ndi omami.

GALATIA 5:22

Sine wuano Penaa onaemo: pompehohawa, mawongko, rodoa, sabaraa, pe'aroaa, moikoa, petenunua,

PILIPI 2:26

Hangano tedoa tekewoi ndi omiu luwu ka masusa mbo'u aroano, hangano imerongeo nine onae mahaki.

PILIPI 3:3

hangano ontaemo mia mpetindi, anu mpesomba hangano Penaa-Do Ue Ala, ka tompo'undeakono ndi Ondae i Kerisituu Yesu ka nahi tompe'ala-alao anu mongkona tuwu ntolino.

PILIPI 4:4

Impo'undemo mpiha ndi Ondae i Ue! Pohonapo mbo'u kupauo: Impo'undemo!

1 TESALONIKA 1:6

Ka megagi komiumo mentonda kami ka tumonda Ira i Ue; a laro pompokonsiia anu mobea imentarimaomo pau atuu a mawongkono aroa anu inangga-Do Penaa Mempori,

YAKOBU 1:2

Luwuno pepaekompoku, tuduomo kana aasa me'uraa, tewala ntedonta komiu a laro mperupa-rupa po'ara-arahako,

YAKOBU 1:9

Moikoomo pepaekompo anu mekongko a ntuwu mongkokolaro ka ipo'unde hangano pentoroano anu mantande,

YAKOBU 4:9

Impe'o'oleakonomo urasa'omiu, mpompemasusa ka imposabangimo; pengingisimiu ime'euakonomo ponsabangi ka po'undemiu ime'euakono pompemasusa.

1 PETURU 3:17

Hangano moikoopo tebobarasai hangano moweweu moiko, tewala kanatuu po'ehe-Do Ue Ala, sekonopo mompemarasai hangano moweweu mosa'o.

1 PETURU 4:7

Pokotompaano luwuakoano umpedaomo. Onaemo pu'uno imempabawaiomo koroimiu ka impomperodomo, ka impokompekakai koa.

1 PETURU 5:10

Ka Ondae Ue Ala, pu'uno luwuno pe'aroa, anu moboi komiumo ndi Ondae i Kerisituu a maramba-Do anu nahina tampulaano, Ira mokosompo komiu, rumonso komiu, mokomokora komiu ka mokoroso komiu, umarimiu ntebobarasai asa tempo.

1 Samueli 2:1

Mekakaiomo i Hana, ”Aroaku mawongko hangano Omiu Ue, rosoku Itandeo, kupengingisii ira luwuno iwaliku, mawongko aroaku hangano pontulungi-Miu.