1 PETURU 1:4 - Wunta Mempori

⁴ ka imentarimao aasa tia anu nahi pokotampula, anu nahi pokotesosa'ai ka nahi pokomoleu, anu imeninaaako i suruga.

1 PETURU 1:4 ပူးပေါင်းရင်းမြစ်များ

Po'unde-unde 31:19

Po'ineeomo wiwi mpegaupi gagi nahi pokompepau, anu mompepaukiako mia mentee saru pompelangka-langkai ka pompokongkodei!

Po'unde-unde 47:4

Ondae mokompetuundu ira tongku i totono pabawamami, luwuno suku tongku a toto ngkarumami

Yesaya 66:22

Hangano, mengkena kana langi ka tolino anu wo'ohu anu Aku mokogagio atuu, mo'ia mpiha i aro-Ku, kanandiomo pau-Do i Ue, kanatuumo inulemiu ka neemiu ta mo'ia mpiha.

Yehesikieli 47:12

A orua wiwino korono atuu tuwu mperupa-rupa keuno wua kaanga anu leweno nahi moleu ka wuano nahi hori pingko. Sompo wula keu atuudo mehasiliako wua anu wo'ohu, hangano mohawe uwoi inso a mpo'ianga mempori atuu. Wuano gagi kaanga ka leweno gagi pakuli.”

I MATIU 25:34

Ka Mokole atuu ta motae ndi ondae anu i koana-Do: Ime'aiwa, hei omiu anu rinonso-Do Ama-Ku, imentarimaomo Poparentaa anu Kupatindaakomiumo mompu'u ipinokogagi wawontolino.

I MARAKUSU 10:17

I tempono Dopelungka i Yesu Ira motilaloakono pelempaa-Do, haweomo aasa mia melulu-lulu tepohaweako Ira ka kontongaano menggolontu i aro-Do onae mesikeno, ”Guru anu moiko, hapa anu asalakono kuweweuo ka kupohawe tuwua anu nahina tampulaano?”

WINEWEUDO TINENA 20:32

Ka kanandio-andio kupeweengakomiu ndi Ondae i Ue ka a mpau pompehohawa-Do, anu pabawa wangu komiu ka moweeakomiu tia anu pinakosiako luwuno mia anu Dopokomemporiomo.

WINEWEUDO TINENA 26:18

ka uwileo matado, ka dompepokule inso a wongi-wongiano a mewineano ka inso a mpabawano i Mosa'o ndi Ondae Ue Ala, ka dompohawe te'oninino halado hangano pompe'ala-alado ndi Ongkue ka mpohawe tia a laro hapa anu domempinakosiako mia anu mempori.

ROMA 8:17

Ka tewala ontae ana, asalakono ontaemo mbo'u mpe'umbuo pusaka, tinoono luwuno mia anu tekona tumarimao luwuno dandi-Do Ue Ala, anu ira mentarimao meronga saru Ondae i Kerisituu, onaemo tewala memarasai kita meronga saru Ondae, ka tomempinokomaramba koa mbo'u meronga saru Ondae.

1 KORINTI 9:25

Sompo-sompo mia anu metonda a mpetandia, ka ipokompeteao koroino a luwuakoano. Domeweweuo kanandio ka dompohawe ramba-ramba ulu anu ta tampula, sine ontae ka tompohawe ramba-ramba ulu anu nahina tampulaano.

GALATIA 3:18

Hangano, tewala hapa anu pinakosi-Do Ue Ala mepu'u inso a songka Taura, komba mepu'u inso a dandi; sine tendeano hanganomo dandi ka Dopoweeakono i Burahima pompehohawa-Do.

EPESU 1:11

Kupauo ”ndi Ondae i Kerisituu”, hangano ndi Ondae kimpohawe tia anu dinandi – omami anu inso amba-ambano pinakosi ka kimentarimao tia atuu menunu saru tinoo-Do Ue Ala, anu i larono luwuakoano mo'angga montonda pompakosino po'ehe-Do –

EPESU 1:14

Ka Penaa Mempori atuu onaemo pe'inia ndi ontae ranta ka tomehaweo luwuno, onaemo tetolosia anu mokogagi kita mia-Do Ue Ala, ka tome'unde-undeo maramba-Do.

EPESU 1:18

Ka Dopokomewineo matano aroamiu, ka impokonto'orio pomperorohia anu kana'umpeke a laro mpepoboi-Do: kaeaako ntu'u marambaa tia anu Dopakosiako ira mia mempori,

KOLOSE 1:12

ka pontarimakasi saru memawongko ndi Ondae i Ama, anu weweu komiu ka intekona mpohawe tia a hapa anu domempinakosiako mia memempori a poparentaa mewine.

KOLOSE 1:5

hangano pomperorohia, anu imempinatindaako i suruga. Mongkona pomperorohia atuu se'eluomo imerongeo a mpau menteea, onaemo Lele Mawongkoa,

KOLOSE 3:24

Imento'orio, nine insomo ndi Ondae i Ue komiu mpontarima tia anu imempinakosiako gagi tambo. Ondaemo i Kerisituu pe'uea ka omiu ata-Do.

2 TIMOTIU 4:8

Kanandio-andio pinatindaako akumo ramba-ramba ulu menteea anu Ira weeakune i Ue, Puu mpobitara anu moleo, a oleo-Do; sine komba butu ndi ongkue, tendeano a luwuno mbo'u mia anu kumekewoio hawea-Do.

IBARANI 10:34

Lano memarasai komiumo saru mia anu mehinuku ka tempono irinontu arataamiu, mawongko aroamiu mentarimao mongkona atuu, hangano imento'orio, nine hinao arataamiu anu lalu moiko ka anu kongko mpiha.

IBARANI 9:15

Onaemo pu'uno Ondaemo peposombu inso a aasa pedandia anu wo'ohu, ka dompokotarimao ondae anu mempinoboi iramo tia anu nahina tampulaano anu dinandi, hangano mate Iramo tumolosio luwuno polimpaia anu wineweuomo i larono pedandia anu amba-ambano.

YAKOBU 1:11

Hangano mata oleo saba saru mokulano anu mangkara ka mokomoleuo ewo atuu, onaemo ka ironta sisino ka tetadiomo tekosino. Kanandio koa mbo'u teweweuno mia kaea; i tonga-tongano luwuno inungkeno onae ta moliu.

1 PETURU 3:9

ka mosa'oa si mpombaloako mosa'oa, ke pompepauikiako saru pompepaukiako, sine tendeano, po'ineeomo imporonso, hangano onaemo ka imempinoboi, onaemo ka impohawe ronso. Hangano,

1 PETURU 5:4

Ka omiu, tewala hawe Ira Puu Pompakambi Langkai, komiu mpontarima ramba-ramba ulu marambaa anu nahi pokomoleu.

MENGKAAA 21:27

Sine nahi ta mewinso i larono hapamo koa anu mokoburu, ke mia anu moweweu mokoburua ke megaupi, sine butu ondae anu needo teburi a wunta tuwua-Do Ana Bimba atuu.