1 PETURU 1:3 - Wunta Mempori

³ Inunde-unde Iramo Ue Ala ka Ama Ueto i Yesu Kerisituu, anu hangano pompehohawa-Do anu langkai wali Iramo me'anaakita a mpewangu-Do inso i olodo mia mate, a aasa tuwua anu buke pomperorohia,

1 PETURU 1:3 ပူးပေါင်းရင်းမြစ်များ

1 Mokole 8:15

Ipotae, ”Unde-unde Ira i Ue, Ue Alado to Isaraeli, anu Doweweuakonomo kae-Do pau anu Dopohaweakonomo wiwi-Do ndi Daudi, amaku, kanandio:

1 Tawarika 29:20

Ka i'amba mepauomo i Daudi a luwuno bawaa atuu, ”Unde-unde Iramo i Ue, Ue Alamiu!” Luwuno mbo'u bawaa umunde-unde Ira i Ue, Ue Alano uempu'udo. Mpenggolontu ira ka mpesomba ndi Ondae i Ue ka ndi mokole.

2 Tawarika 31:8

I Hisikia ka luwuno petewawa aiwa kumitao luwuno hinowu atuu, ka do'amba umunde-unde Ira i Ue ka melangkai ira to Isaraeli, bawaa-Do i Ue.

Po'unde-unde 41:13

Sine Omiu tumumbo aku hangano moleono aroaku, Omiu mokoroso aku i aro-Miu ranta nahina tampulaano.

Po'unde-unde 86:15

Sine Omiu, oo Ue, Ue Ala me'aroa ka mompehohawa, tedoa sabara ka hadio ntu'u pompehohawa ka pokongkomi.

Po'unde-unde 86:5

Hangano Omiu, oo Ue, moiko ka behe mo'ampuni ka hadio ntu'u pompehohawa nahi bali a luwuno mia anu mebooli ndi Omiu.

Peluarakoa 34:6

Ka Do'amba i Ue telalo i arono mebooli, ”Ue, Ue, Ue Ala puu pompehohawa, ondau sabara, anu langkai pompehohawa ka petenunu-Do,

Yesaya 26:19

Oo, Ue, mia-Miu anu memate ira mentuwu mbo'u, wata ngkoroido ta mewangu mbo'u. Hei mia anu mengkinaburu iramo a laro wita impewangumo ka imengkokora-koramo! Hangano tontoru-Do i Ue onaemo tontoru mewine, ka tolino ta wali me'anaako onitu,

Yunu 4:2

Ka mekakaiomo ndi Ondae i Ue, ipotae, ”Oo Ue, kombake kupauomo mongkona andio, tempono ongkue da i witaku? Onaemo pu'uno, ka kupolai i ndi'ipua lumako i Tarasisi, hangano kuto'orio, nine Omiumo Ue Ala anu me'aroa ka mompehohawa, anu tedoa sabara ka tedoa metenunu mompehohawa, saru me'o'ole hangano masolaa anu tinoo-Do.

I YOHANE 1:13

Mia anu mempine'anaako komba inso a rea ke inso a ngkoroi, komba mbo'u po'eheno koroi hangano po'eheno aasa tama, tendeano inso ndi Ondae Ue Ala.

ROMA 12:12

Impo'undemo a laro pomperorohia, imensabaramo a laro ma'isoa, ka si mpenaa-naa mpekakai!

ROMA 15:13

Po'ineeomo Ondae Ue Ala, pu'uno pomperorohia, mokobukeakomiu luwuno po'undea ka rodoa a laro pompe'ala-alamiu, ka imemare'e a laro pomperorohia hangano roso-Do Penaa Mempori.

ROMA 4:25

onaemo Ondae i Yesu, anu pineweengako Iramo hangano halato ka winangu Ira hangano pokomenteeto.

ROMA 5:10

Hangano tewala ontae, tempono da me'ewa, mepinokosintuwu saru Ondae Ue Ala hangano mate-Do ana-Do, tamoako ontae, anu kanandio-andio mempinokosintuwu kitamo, manasa kita mengkinadudui hangano tuwu-Do!

ROMA 8:11

Ka tewala Penaa-Do, anu wangu Iramo i Yesu inso i olodo mia mate, mo'ia i laromiu, asalakono Ondae, anu wangu Iramo i Kerisituu Yesu inso i olodo mia mate, Ira motuwuakono mbo'u Penaa-Do koroimu anu ta mate atuu, anu mo'ia i laromiu.

ROMA 8:24

Hangano ontae mengkinadudui a laro pompe'osaia. Sine pompe'osaia anu kinita, komba pompe'osaia mbo'u; hangano kana'umpe mia da mompe'osai hapa anu kinitano?

1 KORINTI 13:13

Kanandiomo ipo'ia otolu rupa andio, onaemo pompe'ala-ala, pomperorohia ka pompehohawa, ka anu lalu langkai i olodo onaemo pompehohawa.

1 KORINTI 15:20

Sine anu mentee onaemo, nine Ondae i Kerisituu winangu Iramo inso i olodo mia mate, gagi anu amba-ambano inso a mia anu memate iramo.

2 KORINTI 1:3

Inunde-unde Iramo Ue Ala, Ama-Do Ueto i Yesu Kerisituu, Ama anu buke pompehohawa ka Ondae Ue Ala pu'uno luwuno pontarero,

GALATIA 6:16

Ka luwuno mia, anu meweengakono koroino itaateo pontiso andio, po'ineeomo rodoa ka pompehohawa ka ipetii ndi ondae ka a nto Isaraeli bawaa-Do Ue Ala.

EPESU 1:17

ka umemao ndi Ondae Ue Ala Ueto i Yesu Kerisituu, Ondaemo Ama anu maramba atuu, ka Dopoweeakomiu Penaa ponto'ori anu mentee ka mengkaa ka imento'ori Ira a menteeano.

EPESU 1:3

Inunde-unde Iramo Ue Ala ka Ama-Do Ueto i Yesu Kerisituu anu ndi Ondae i Kerisituu Dopowee kitamo ronso rohani i laro nsuruga.

EPESU 1:7

Hangano ndi Ondae ka hangano rea-Do ka tompohawe tetolosia, onaemo po'ampunia hala, montonda kaeano pompehohawa-Do,

EPESU 2:4

Sine Ondae Ue Ala anu kaeaako pompowee, hangano pompehohawa-Do anu langkai, anu Dowee kita,

EPESU 3:20

Ondaemo, anu mokompoweweu laluaopo ntu'u hadio sekonopo anu pinekakaiakoto, ke anu pinewowoloto, kana anu mengkaa inso a mpabawa anu mo'angga i laroto,

KOLOSE 1:23

Onaemo pu'uno asalakono ka imemoroso aroa a pompe'ala-ala, memoroso mpiha ka nahi ntelelu, ka si mebehe ntepahe inso a pomperorohia Lele Mawongkoa, anu imerongeomo ka anu pinaleleomo i asa wawontolino i totono langi, ka anu ongkue andio, i Paulu, gagi akumo puu pompekakaakono.

KOLOSE 1:27

Ndi ondae Dopopoto'oriako ira Ue Ala, ba kana'umpe kaeano ka marambano rahasia atuu i olodo luwuno tongku susua, onaemo: Ondae i Kerisituu kongko Ira i tonga-tongamiu, Ondae i Kerisituu anu onaemo pomperorohia marambaa!

1 TESALONIKA 1:3

Hangano kiwela merambeo po'anggano pompe'ala-alamiu, inanggano pompehohawamiu ka modatono pomperorohimiu ndi Ondae Ueto i Yesu Kerisituu i aro-Do Ue Ala ka Amato.

1 TESALONIKA 4:13

Ka i'amba nahi kimebehe, pepaekompo luwu-luwu, nine nahi imento'orio mongkona ondae anu memate, ka si mpompemasusa kana mia mehano anu nahina pomperorohido.

2 TESALONIKA 2:16

Ka Ondae, Ueto i Yesu Kerisituu, ka Ondae Ue Ala, Amato, anu a mpe'aroa-Do Dopehohawa kitamo ka anu moweeakitamo pontarero anu nahina tampulaano ka pomperorohi moiko ndi ontae,

1 TIMOTIU 1:14

Tendeano pompehohawa-Do Ueto atuu wineeako akumo hadio ntu'u saru pompe'ala-ala ka pompehohawa ndi Ondae i Kerisituu Yesu.

TITU 2:13

saru mensikorio te'ihiino pomperorohito anu buke me'uraa ka mengkaano maramba-Do Ue anu Tedoa Langkai ka Puu pongkaduduito Ondae i Yesu Kerisituu,

IBARANI 3:6

sine Ondae i Kerisituu metenunu gagi Ana anu metewawa a raha-Do; ka raha-Do onaemo ontae, tewala mehawe kita a pokotompaano mpe'ini moroso a pompe'ala-ala ka pomperorohia anu pinemawongkoto.

YAKOBU 1:18

A mpo'ehe-Do Ondae-Do Dopokogagi kitamo a mpau menteea, ka tomegagi ana aka i olodo luwuno pinokogagi-Do a ntudano tetantui.

1 PETURU 1:13

Onaemo pu'uno imempatindaomo pompewowolo moilino, impetangkoromo ka imenaaomo luwuno pomperorohimiu a mpe'aroa anu imewineeako i tempono Dopepokomengkaa i Yesu Kerisituu.

1 PETURU 1:21

Hangano Ondae ka impe'ala-ala Ira Ue Ala, anu wangu Iramo inso i olodo mia mate ka anu mokomaramba Iramo, ranta pompe'ala-ala ka pomperorohimiu te'aro ndi Ondae Ue Ala.

1 PETURU 1:23

Hangano wali komiumo mempine'anaako komba mepu'u inso anu ta tampulaano, sine mepu'u inso a nahi ta tampula, hangano pau-Do Ue Ala anu tuwu ka anu nahina tampulaano.

1 PETURU 2:2

Ka imegagimo kana nana'ote kodei anu da iaopo ihina, anu wela mosisiriakono uwoi uo ntu'u ka anu rohani, ka inte'iliako onae ka ntekadudui,

1 PETURU 3:15

Sine impokomempori Iramo i Kerisituu i laro aroamiu kana Ondae i Ue! Ka impepatindamo a luwuno tempo ka imesangkio sompo-sompo mia anu mpesikenoakono ndi omiu mongkona pomperorohia anu kongko ndi omiu, sine asalakono temauru ka pompelangkai,

1 PETURU 3:21

Omiu mbo'u kanandio-andio ikadudui komiu potundaano, onaemo pebahoa – tinoono komba ka ipokomorinao mokoburuno koroi, tendeano ka ipo'emaakono ponto'orino aroa anu moiko ndi Ondae Ue Ala – hangano pewangu-Do i Kerisituu,

1 PETURU 3:5

Hangano kanandiomo gaudo beine mempori i ndi'upua domeramba-rambao koroido, onaemo luwuno beine anu mpomperorohi ndi Ondae Ue ala; mpetuundu ira a ntamado,

1 YOHANE 2:29

Tewala imento'orio, nine mentee Ira, asalakono ka imento'orio koa mbo'u, nine sompo mia, anu moweweu menteea, inso ndi Ondae ipine'anaako.

1 YOHANE 3:3

Sompo mia anu momperorohi atuu ndi Ondae, mepokomempori mengkena kana Ondae anu mempori Ira.

1 YOHANE 3:9

Sompo mia anu pine'anaako inso ndi Ondae Ue Ala, nahi poweweu mbo'u hala; hangano penaa mempori kongko mpiha i larono ka onae nahi pokompoweweu hala, hangano onae pine'anaako inso ndi Ondae Ue Ala.

1 YOHANE 4:7

Pepaekompo luwu-luwu anu kinekewoiku, aiwamo tomemambe pehohawa, hangano pompehohawa atuu te'inso ndi Ondae Ue Ala; ka sompo mia anu mompehohawa, pine'anaako inso ndi Ondae Ue Ala ka tumo'ori Ira Ue Ala.

1 YOHANE 5:1

Sompo mia anu mompe'ala-ala, nine Ondae i Yesu Ondaemo i Kerisituu, pine'anaako inso ndi Ondae Ue Ala; ka sompo mia anu kumekewoi Ira anu me'anaakono, ipehohawao koa mbo'u anu pine'anaako inso ndi Ondae.

1 YOHANE 5:18

Tomento'orio, nine sompo mia anu pine'anaako inso ndi Ondae Ue Ala, nahi poweweu hala; sine Ondae anu pine'anaako inso ndi Ondae Ue Ala dumagaio, ka i Mosa'o nahi poko'anggao.

1 YOHANE 5:4

hangano luwuno anu pine'anaako inso ndi Ondae Ue Ala, numangio wawontolino. Ka ndiomo ponangia anu numangio wawontolino: pompe'ala-alato.