1 PETURU 1:25 - Wunta Mempori

²⁵ sine pau-Do i Ue kongko mpiha ranta nahina tampulaano.” Ndiomo pau anu pinohaweno Lele Mawongkoa ndi omiu.

1 PETURU 1:25 ပူးပေါင်းရင်းမြစ်များ

Po'unde-unde 102:12

Luwuno oleo ntumuwuku kana eo-eo ondau, ka ongkue moleu kana ewo.

Po'unde-unde 102:26

I ndi'ipua Ipokogagiomo tolino, ka langi onaemo wineweuno kae-Miu.

Po'unde-unde 119:89

Ranta nahina tampulaano, oo Ue, pau-Miu moroso i suruga.

Yesaya 40:6

Hinao suara anu mepau, ”Peboolimo!” Sangkiku, ”Hapake anu asalakono kupebooliako?” ”Luwuno mia kana ewo ka luwuno momoikono kana bunga a mpada.

Yesaya 40:8

Ewo gagi mokari, bunga gagi moleu, sine pau-Do Ue Alato kongko mpiha ranta nahina tampulaano.”

I MATIU 5:18

Hangano Kupauakomiu: Menteeano ba napi tampula langi ka tolino andio, maupo te'asa hurupu ke maupo te'asa titi nahi ta inonini inso a Songka, ba napi gagi luwu.

I LUKASI 16:17

Moruanaopo itampula langi ka tolino sekonopo aasa titi inso a songka Taura nahi tinonda.

I YOHANE 1:1

Amba-ambano onaemo Pau; Pau atuu meronga saru Ondae Ue Ala ka Pau atuu Ondaemo Ue Ala.

I YOHANE 1:14

Pau atuu gagiomo mia, ka mo'ia i oloto, ka tomengkitaomo maramba-Do, onaemo marambaa anu Dowineeako gagi Ana-Do i Ama Anu Asa-asa, buke pompehohawa ka menteea.

1 KORINTI 2:2

Hangano kupakosiomo ka si kuponto'ori hapa-hapa i olomiu sangkadio Ondae i Yesu Kerisituu, onaemo Ondae anu pinaso a ngkeu pinotamba.

EPESU 2:17

Hawe Ira ka paleleo rodoa ndi omiu anu ”me'olai” ka rodoa ndi ondae anu ”me'umpeda”,

EPESU 3:8

Ndi ongkue, anu lalu kodei i olodo luwuno mia mempori, wineeakoomo pe'aroa andio, ka kupaleleo kaea-Do i Kerisituu a luwudo anu komba to Yahudi, anu nahi pinokopau atuu,

TITU 1:3

ka a tempo anu po'ehe-Do Dopokomengkaaomo pau-Do a pompalelea Lele Mawongkoa anu kupine'ala-alaako menunu saru petena-Do Ue Ala, Puu pongkaduduito.

IBARANI 6:5

ka anu menamio pau anu moiko inso ndi Ondae Ue Ala ka luwuno pompoweeno wawontolino anu ta hawe,

1 PETURU 1:12

Ndi ondae pinokomengkaaomo, nine ondae komba pompekakaako koroido ondaedo, sine mpekakaakomiu a luwuakoano anu pinaleleomo ndi omiu kanandio-andio mesala ndi ondae, anu hangano Penaa Mempori, anu tinena inso i suruga, mohaweo Lele Mawongkoa ndi omiu, onaemo mongkona luwuno anu domingki mento'orio mala'eka.

1 PETURU 1:23

Hangano wali komiumo mempine'anaako komba mepu'u inso anu ta tampulaano, sine mepu'u inso a nahi ta tampula, hangano pau-Do Ue Ala anu tuwu ka anu nahina tampulaano.

1 PETURU 2:2

Ka imegagimo kana nana'ote kodei anu da iaopo ihina, anu wela mosisiriakono uwoi uo ntu'u ka anu rohani, ka inte'iliako onae ka ntekadudui,

2 PETURU 1:19

Hangano kanandio komoro-morosomami hangano pau anu dompohaweomo luwuno nabi. Tedoa moiko tewala impekokoongakono mengkena kana mompekokoongako hulu anu mewanta a mpo'ianga anu wongi-wongi hawe ka ipesabaako towea ka buntala i sabaano oleo saba mewanta i laro aroamiu.

1 YOHANE 1:1

Hapa anu hinaomo inso a pompu'uano, anu kimerongeomo, anu kimengkitaakonomo matamami, anu kimensakosiio ka anu kimperareakonomo kaemami mongkona Pau tuwua – onaemo anu binurimami ndi omiu.

1 YOHANE 1:3

Hapa anu kinitamami ka anu rinongemami atuu, kimempaleleo mbo'u ndi omiu, ka impohawe koa mbo'u tepo'asaa saru omami. Ka tepo'asaamami onaemo tepo'asaa saru Ondae i Ama ka saru Ana-Do, i Yesu Kerisituu.

MENGKAAA 14:6

Ka kukitao aasa mala'eka susua menee i tonga-tongano langi ka ndi onae hinao Lele Mawongkoa anu nahina tampulaano ka ipaleleako ira anu mpo'ia i wawontolino ka a luwuno tongku ka suku ka pau ka pepe'etua,