1 PETURU 1:21 - Wunta Mempori

²¹ Hangano Ondae ka impe'ala-ala Ira Ue Ala, anu wangu Iramo inso i olodo mia mate ka anu mokomaramba Iramo, ranta pompe'ala-ala ka pomperorohimiu te'aro ndi Ondae Ue Ala.

1 PETURU 1:21 ပူးပေါင်းရင်းမြစ်များ

Po'unde-unde 42:5

Ndiomo anu aku mewowoloo, kontongaano sumangaku tedoa mompemasusa; kana'umpe kupelempa a laro baresino hadio mia, wawa ira a raha-Do Ue Ala saru suara mengkokora-kora mawongko ka penani po'unde-unde, a laro maroado mia anu mpoweweu porame-ramea.

Yeremia 17:7

Rinonsoomo mia anu momperorohi ndi Ondae i Ue, anu me'ala-alaakono koroino ndi Ondae i Ue!

I MATIU 28:18

Ondae i Yesu rumangkuhi ira ka Dopotae, ”Wineeako Akumo luwuno pabawa i suruga ka i tolino.

I YOHANE 12:44

Sine mebooli Ira i Yesu Dopotae, ”Ba isema me'ala-ala Aku, komba ndi Ongkue ipompe'ala-ala, sine ndi Ondae, anu tumena Aku;

I YOHANE 14:1

”Si sala-laro aroamiu; impe'ala-ala Iramo Ue Ala, impompe'ala-ala mbo'u ndi Ongkue.

I YOHANE 14:6

Dopotaeakono i Yesu, ”Ongkuemo sala ka menteea ka tuwua. Nahina maupo te'asa mia hawe ndi Ondae i Ama, ba nahi pesala ndi Ongkue.

I YOHANE 17:1

Kanandiomo Dopotae i Yesu. Ka Do'amba mentombu i langi ka Dopotae, ”Ama, haweomo tempono; Ipokomarambaomo Ana-Miu, ka Dopokomaramba Komiu Ana-Miu.

I YOHANE 17:24

Oo Ama, inehe-Ku, maupo ba i sua Kupo'ia, ondae mbo'u mpe'asaa-Kune, ondae anu Iweea-Kunemo, ka domengkitao maramba-Ku anu Iweea-Kunemo, hangano Ipehohawa Akumo se'eluno napi pinokogagi wawontolino.

I YOHANE 17:5

Onaemo pu'uno, oo Ama, Ipokomaramba Akumo ndi Omiu saru marambaa anu ndi Ongkue i aro-Miu se'eluno napi hina wawontolino.

I YOHANE 3:34

Hangano isema tinena-Do Ue Ala, Ondaemo mohaweo pau-Do Ue Ala, hangano Ondae Ue Ala moweeako Ira Penaa-Do nahi tetidahi.

WINEWEUDO TINENA 2:24

Sine Ondae Ue Ala wangu Ira ka Dopotola Ira inso a marasaino matea, hangano nahi Ira mo'ia mpiha a laro mpabawano matea atuu.

WINEWEUDO TINENA 3:13

Ondae Ue Alano i Burahima, i Saki ka i Yako, Ue Alado uempu'uto Dopokomaramba Iramo Tetenaa-Do, onaemo Ondae i Yesu anu pineweengakomiu ka nahi mentarima Ira i arono i Pilatu, maupo pohaweno i Pilatu, nine Ondae asalakono pinotola.

WINEWEUDO TINENA 3:15

Kanandiomo Ondae, Petewawa a ntuwua, impepate Iramo, sine Dowangu Iramo Ue Ala inso i olodo mia mate; ka mongkona luwuno atuu omamimo sakosii.

WINEWEUDO TINENA 4:10

ka imento'oriomo luwumiu ka luwuno bawaa Isaraeli, nine a nee-Do i Yesu Kerisituu, to Nasare, anu pinasomiumo a ngkeu pinotamba, sine anu Dowangu Iramo Ue Ala inso i olodo mia mate – nine hangano Ondaemo i Yesu atuu ka ipentade madoo mia andio i aromiu kanandio-andio.

ROMA 10:9

Hangano tewala impe'induako wiwimiu, nine Ondaemo i Yesu Ue, ka impe'ala-alao i laro aroamiu, nine Dowangu Iramo Ue Ala inso i olodo mia mate, ka komiu mengkinadudui.

ROMA 4:24

sine binuri saru koa mbo'u tiato; hangano ndi ontae mbo'u Dopototoio Ue Ala, hangano tompe'ala-ala Ira, anu wangu Iramo i Yesu, Ueto, inso i olodo mia mate,

2 KORINTI 6:15

Hapake anu mengkena hinawe i olo-Do i Kerisituu ka i Beliali? Hapake pe'asaado mia mpompe'ala-ala saru mia anu nahi dompompe'ala-ala?

EPESU 1:15

Onaemo pu'uno, mansaku rumongeo mongkona pompe'ala-alamiu ndi Ondae Ue Yesu ka mongkona pompehohawamiu a luwuno mia mempori,

KOLOSE 1:27

Ndi ondae Dopopoto'oriako ira Ue Ala, ba kana'umpe kaeano ka marambano rahasia atuu i olodo luwuno tongku susua, onaemo: Ondae i Kerisituu kongko Ira i tonga-tongamiu, Ondae i Kerisituu anu onaemo pomperorohia marambaa!

1 TIMOTIU 1:1

Inso ndi Paulu, tetenaa-Do i Kerisituu Yesu montonda petena-Do Ue Ala, Puu pongkaduduito, ka Ondae i Kerisituu Yesu, pu'uno pomperorohito,

1 TIMOTIU 3:16

Ka menteeano langkaiomo rahasiano pesombato: ”Ondae, anu mepokomengkaa Iramo a rupano mia, pinokomentee a Mpenaa; anu mepopokita a luwuno mala'eka, pinalele i olodo luwuno tongku anu nahi domento'ori Ira Ue Ala; anu pine'ala-ala i wawontolino, winuatako a marambaa.”

IBARANI 2:9

Sine Ondae, anu a tempo sarai wineweu tetotoako tedei sekono luwuno mala'eka, onaemo Ondae i Yesu, tomengkita Ira, anu hangano tebobarasaiano matea, rinamba-ramba uluako marambaa ka pelangkai, ka Dopembasaio matea tiano luwuno mia hangano pe'aroa-Do Ue Ala.

IBARANI 6:1

Onaemo pu'uno aiwamo tomebintao pu'uno amba-ambano inso a pompaguru mongkona Ondae i Kerisituu ka tompelimba a tetiangino anu mentee. Si tomenaao mbo'u pu'uno tepidia inso a luwuno wineweu anu nahina tuduno, ka empehino pompe'ala-ala ndi Ondae Ue Ala,

IBARANI 7:25

Onaemo pu'uno ka Dopolio koa mbo'u kumadudui ira ntu'u luwuno mia anu me'aiwa ndi Ondae Ue Ala hangano Ondae. Hangano Ondae tuwu wela mpiha gagi Peposombudo.

1 PETURU 1:11

Ka dompepenteeo tempo anu isua ka anu kana'umpe tinoono Penaa-Do i Kerisituu, anu kongko i larodo, onaemo Penaa anu se'eluno mompowee ponsakosii mongkona luwuno tebobarasaia anu ta umalu Ira i Kerisituu ka mongkona luwuno marambaa anu metonda lembui umarino atuu.

1 PETURU 1:3

Inunde-unde Iramo Ue Ala ka Ama Ueto i Yesu Kerisituu, anu hangano pompehohawa-Do anu langkai wali Iramo me'anaakita a mpewangu-Do inso i olodo mia mate, a aasa tuwua anu buke pomperorohia,

1 PETURU 3:22

anu mentoro i koana-Do Ue Ala, mansa-Do mewuatako i suruga umarino luwuno mala'eka, pabawa ka roso pinokompetenunu ndi Ondae.