1 PETURU 1:17 - Wunta Mempori

¹⁷ Ka tewala imeneeako Ira Ama, onaemo Ondae anu nahi Dopompesusua bitarao luwuno mia montonda wineweuno, ka po'ineeomo ka imentuwu a laro doitoa tempono imperato i wawontolino andio.

1 PETURU 1:17 ပူးပေါင်းရင်းမြစ်များ

Tegagia 47:9

Sumangki i Yako ndi Pirao, ”Tempo pelakopiaku gagi mia mehawe onaemo asa etu ka tolu pulu nta'u. Tempoku tuwu atuu sarai ka bukeako masusaa, napi haweo tinuwudo uempu'uku tempono dompelakopi gagi mia mehawe.”

1 Tawarika 29:15

Hangano omami mehawe anu mperato i aro-Miu mengkena kana luwudo uempu'umami. Oleo ntumuwumami i wawo tolino kana eo-eo ka nahina pomperorohi.

2 Tawarika 19:7

Onaemo pu'uno, po'ineeomo ka imedoitoako Ira i Ue. Impopetu'uimo pomputusi, hangano moweweu molengku, mobiniki mia ke maupo montarima anu nahi pototono nahina ndi Ondae i Ue, Ue Alato.”

Ayubi 34:19

Ondae nahi Dope'alaako a luwuno anu langkai potorono, ka nahi Dopokonse'elu ira mia pinemota'u sekonopo mia kodei, hangano luwudo onaemo wineweuno kae-Do?

Po'unde-unde 39:12

Omiu tumunduhiakono pohuku asa mia hangano salano, ka kumaano pingko tekosino mengkena kana ule-ule; mentee ntu'u, sompo mia butu nahina tuduno. Sela

Po'unde-unde 89:26

Aku weweuo kaeno pabawaio tahi, ka kae ngkoanano pabawai ira korono.

Powadi 14:16

Mia pande mosongka mompe'inandai ka olaiakono mosa'oa, sine mia monge-monge moweweu po'eheno aroano ka momperodo.

Powadi 28:14

Me'uraomo mia anu wela doitoako Ira i Ue, sine mia anu mokomoteao aroano ta tedonta a laro masolaa.

Yeremia 3:19

Kupewowoloo, ”Mentee ntu'u Aku pakosiko gagi nana'ote-Ku ka moweeakomu wita anu tekosi, tia pusaka anu lalu tekosi inso a luwuno tongku. Kupewowoloo, omue komoboi Aku: Amaku, ka nahi komewolili mebinta Aku.

Sepanya 3:9

”Menteeano, umarino atuu Aku balio wiwido luwuno tongku gagi wiwi anu morina, ranta luwudo mempoboio nee-Do i Ue, mpesomba ndi Ondae mperonga-ronga.

I MATIU 16:27

Hangano i Ana Manusia Ira hawe a laro maramba-Do Ama-Do domentonda Ira mala'eka-Do; i tempo atuu Ira sumuloakono mia montonda wineweuno.

I MATIU 22:16

Domentena ira ana gurudo mperonga saru to Herodia mpesikeno ndi Ondae, ”Guru, kimento'orio, Omiu asa mia anu moleo ka moleo Ipompaguru mongkona po'ehe-Do Ue Ala ka nahina dinoitoa-Komiu maupo ndi sema, hangano nahi pobiniki mia.

I MATIU 6:9

Onaemo pu'uno impekakaimo kanandio: Amamami anu i suruga, nee-Miu ka ipinokomempori,

ROMA 11:20

Moikoomo! Mempinudu ira hangano nahi dompompe'ala-ala, ka omiu tepontade moleo hangano pompe'ala-ala. Si mpompelangka-langkai, sine imedoitomo!

2 KORINTI 1:2

Pompehohawa ka rodoa inso ndi Ondae Ue Ala, Amato, ka inso ndi Ondae Ue Yesu Kerisituu kumongkomi komiu.

2 KORINTI 5:6

Ka onaemo pu'uno ka imoroso mpiha aroamami, maupo kimento'orio, nine tempono kimekongko a ngkoroi andio, da me'olai kami inso ndi Ondae i Ue,

2 KORINTI 7:1

Pepaekompo anu pinehohawaku, hangano ontae kanandio-andio mehaweo luwuno dandi atuu, aiwamo tompokomemporio koroito inso a luwuno anu kumokoburutio koroi ntolino ka rohani, ka ba kanandio mokobobotolio memporiato doitoako Ira Ue Ala.

2 KORINTI 7:11

Hangano impepenteeo tendeano pompemasusa anu montonda po'ehe-Do Ue Ala atuu umanggao ndi omiu pompesu'ui anu langkai, maupo pepokomentee, o'alia, doitoa, tekewoi, anggaa, pohukua! I larono luwuno atuu impopokitaomo, nine nahina salamiu.

GALATIA 2:6

Ka mongkona ondae anu topotaemo mentinudu atuu – ba kana'umpe potorodo i ndi'upua, nahi kukereo atuu, hangano Ondae Ue Ala nahi Dopongkita rupa – maupo kana'umpe, ondae anu mentinudu atuu nahina dompedadaakono anu susua ndi ongkue.

EPESU 1:17

ka umemao ndi Ondae Ue Ala Ueto i Yesu Kerisituu, Ondaemo Ama anu maramba atuu, ka Dopoweeakomiu Penaa ponto'ori anu mentee ka mengkaa ka imento'ori Ira a menteeano.

EPESU 3:14

Onaemo pu'uno ka kupenggolontu mesomba ndi Ondae i Ama,

EPESU 6:9

Ka omiu anu pe'uea, imeweweuomo mbo'u kanandio ndi ondae ka impoko'olaio pompokodoito. Impewowoloo, nine Uedo ka Uemiu kongko Ira i suruga ka nahi Dopongkita rupano mia.

Winali 10:17

Hangano Ondaemo i Ue, Ue Alamiu, Ue Alano luwuno anu pinesombai susua ka Ueno luwuno ue, Ue Ala anu langkai, moroso ka mongkokongiri, anu nahi Dopobiniki mia ke montarima pompowee komba tiano.

PILIPI 2:12

Hei luwumiu pepaekompo anu pinehohawaku, mpomperorongeako komiu mpiha; onaemo pu'uno ime'anggaomo mpiha tekaduduiamiu saru medoito ka mpondende, komba butu kana i tempono da kukongko, sine laluaopo mbo'u kanandio-andio tempono nahi kukongko,

KOLOSE 3:25

Ba isema sala poweweuno, ta tumembio salano atuu, hangano Ondae i Ue nahi Dopobiniki mia.

IBARANI 12:28

Gaagi, hangano mpontarima kita poparentaa anu nahi telelu, aiwamo tompontarimakasi ka mpesomba ndi Ondae Ue Ala montonda gau anu pinemoiko-Do, saru pompelangkai ka doito.

IBARANI 4:1

Onaemo pu'uno, moikoopo tompetangkoro, ka si hina te'asa mia I olomiu anu tinudu tebinta, maupo pedandia ira mpewinso a mpenaa-naaa-Do napi inihii.

1 PETURU 2:11

Pepaekompoku luwu-luwu anu pinehohawaku, kupatudu komiu, kana mia mehawe ka anu mpo'ungke tuwua, ka ime'olaiakono luwuno po'eheno koroi anu meteahako umewaio sumanga.

1 PETURU 3:15

Sine impokomempori Iramo i Kerisituu i laro aroamiu kana Ondae i Ue! Ka impepatindamo a luwuno tempo ka imesangkio sompo-sompo mia anu mpesikenoakono ndi omiu mongkona pomperorohia anu kongko ndi omiu, sine asalakono temauru ka pompelangkai,