1 PETURU 1:11 - Wunta Mempori

¹¹ Ka dompepenteeo tempo anu isua ka anu kana'umpe tinoono Penaa-Do i Kerisituu, anu kongko i larodo, onaemo Penaa anu se'eluno mompowee ponsakosii mongkona luwuno tebobarasaia anu ta umalu Ira i Kerisituu ka mongkona luwuno marambaa anu metonda lembui umarino atuu.

1 PETURU 1:11 ပူးပေါင်းရင်းမြစ်များ

Tegagia 3:15

Aku moweweu pe'iwalia i olomu ka beine andio, i olodo inulemu ka inuleno; inuleno ta puroo ulumu, ka omue kotumungkuo tundono.”

Tegagia 49:10

Tuko poparentaa nahi ta melimba inso ndi Yehuda ka tuko poparenta inso i olono karuno, ranta ka ihawe onae anu tekona ndi onae, ka ndi onae ira mpetuundu luwuno tongku.

Yesaya 49:6

kanandiomo pau-Do, ”Tedeilahi lahi butu kogagi tetenaa-Ku, tumeahako ira sukuno i Yako ka mokule ira to Isaraeli anu mentola. Aku weweuko gagi mewinedo luwuno tongku ka pongkadudui-Ku ka ihawe koa i tompano tolino.”

Danieli 2:44

Sine i tempono mokole atuudo, Ondae Ue Alano asa wawo langi Ira montadeo asa poparentaa anu nahi ta pinerawo-rawo ranta nahina tampulaano, ka pabawa nahi ta melimba mbo'u a tongku susua. Poparentaa atuu ta merawo-rawoo luwuno poparentaa ka mokopingkoo, sine poparentaa atuu ta mentade ranta nahina tampulaano.

Sakaria 13:7

”Hei ponai, pelelumo ewaio puu pompakambi-Ku, ewaio mia anu umpeda ndi Ongkue!”, kanandiomo pau-Do Ueno luwuakoano. ”Pepateomo puu mpopakambi, ka dontesiarawo asa bawaa bembe bimba! Aku woliteo kae-Ku maupo ndi ondae anu molema.

Sakaria 14:9

Ondae i Ue Ira gagi Mokole i asa wawontolino. I tempo atuu, Ondae i Ue atuu asa ka asa koa mbo'u nee-Do.

I MATIU 26:24

I Ana Manusia lano Ira lumako menunu saru anu teburi mongkona Ondae, sine masolaomo mia anu hangano onae ka Dopineweengako i Ana Manusia atuu. Moikoopo mia atuu ba nahi pine'anaako.”

I LUKASI 24:44

Dopotaeako ira, ”Ndiomo pau-Ku, anu Kupauakomiumo tempono da Kuperonga-ronga saru omiu, onaemo nine asalakono inihii luwu anu hinao teburi mongkona Ongkue a wunta Taurano i Musa ka wuntado nabi ka wunta Penani Po'unde-unde.”

I YOHANE 12:41

Mongkona andio ipauo i Yesaya, hangano ikitaomo maramba-Do ka mepauomo mongkona Ondae.

WINEWEUDO TINENA 16:7

Ka sahawedo i Misia mo'arahako ira mewinso i wita Bitinia, sine nahi Do'eheako ira Penaa-Do i Yesu.

ROMA 8:9

Sine omiu komba mentuwu a tuwu ntolino, tendeano a Mpenaa, tewala Penaa-Do Ue Ala lano mo'ia i laromiu. Sine tewala mia nahina Penaa-Do i Kerisituu, onae komba mia-Do i Kerisituu.

GALATIA 4:6

Ka hangano omiu ana, onaemo ka Dotena Ira Ue Ala Penaa-Do ana-Do i laro aroato, anu mebooli, ”Oo Abba, oo Ama!”

2 PETURU 1:21

hangano pinau anu ta gagi nahi hori te'inso a mpo'eheno mia, sine hangano petena-Do Penaa Mempori ka dompepau luwuno mia a nee-Do Ue Ala.

MENGKAAA 19:10

Ka menggolontu akumo a mpuu karuno aku mesombaio, sine ipotaeakune, ”Si poweweu kanandio! Ongkue ata koa, mengkena saru omue ka luwuno pepaekompomu, anu uminio ponsakosii-Do i Yesu. Pesombai Iramo Ue Ala! Hangano ponsakosii-Do i Yesu onaemo penaa mompau anu ta gagi.”