1 PETURU 1:1 - Wunta Mempori

¹ Inso ndi Peturu, tetenaa-Do i Yesu Kerisituu, a luwuno mia mehawe, anu ntesiarawo i Pontu, i Galatia, i Kapadokia, i Asia Kodei ka i Bitinia,

1 PETURU 1:1 ပူးပေါင်းရင်းမြစ်များ

Esetere 3:8

Onaemo ka ipepau i Hamani ndi ondae mokole Ahasiwero, ”Hinao aasa tongku anu tuwu ntetia-tia ka tensia i olodo luwuno tongku i larono luwuno wita poparentaamiu ueku, ka songkado nahi mpengkena saru songkado luwuno tongku ka songkamiu mokole nahi domentondao, onaemo pu'uno nahi penunu omiu mokole mo'inee ira mpoweweu po'ehedo.

Po'unde-unde 44:11

Omiu weweu kami mposuka inso a iwalimami, ka luwuno mia anu umo'aliaakami merontu kami.

Yehesikieli 6:8

Sine, asa ntia inso ndi omiu anu tola inso a mponai, Aku mo'ineeo tuwu i olodo luwuno tongku, tempono imensiniarawo a luwuno wita atuu.

Imama 26:33

Sine omiu Aku meweengakono i olodo luwuno tongku susua ka Ku'alao ponai lumulu komiu, ka witamiu ta gagi po'ianga londa ka luwuno kotamiu ta gagi hanga ngkota.

I MATIU 10:2

Ndiomo needo tinena hopulu ka orua atuu: Amba-ambano i Simo anu nineeako i Peturu ka i Andarea pepaekompono, ka i Yakobu anano i Sebedeu ka i Yohane pepaekompono,

I MATIU 24:22

Ka ba mansa nahi pinoko'owowa tempono, manasa inso a luwuno anu tuwu nahi ta hina anu tekadudui; sine hangano mia mebininiki tempo atuu ta pinoko'owowa tempono.

I MATIU 4:18

Ka tempono Ondae i Yesu melempa tumondao wiwino Rano Galilea, Dokitao orua mia mepaekompo, onaemo i Simo anu nineeako i Peturu ka i Andarea, pepaekompono. Kontongaado pontende buanido a rano, hangano ondae puu mpobuani bou.

I LUKASI 18:7

Nde nahi Ira mokomenteeo Ue Ala luwuno mia bininiki-Do anu meene ka wongi mpebooli ndi Ondae? Ka nde Ira motuluoke tempo ka Do'amba tumulungi ira?

I YOHANE 11:52

ka komba butu tiano tongku atuu, sine ka itepumpu mbo'u ka mo'asa ira ana-Do Ue Ala anu ntesiarawo.

I YOHANE 7:35

To Yahudi atuudo mpepau-pau pada ondaedo, ”I suake Ira lumako, ranta nahi kita mpokohawe Ira? Onaeke tinoo-Do Ira lumako ndi ondae anu mpo'ia a mpelakopia, i olodo to Yunani, ka Dopaguru ira to Yunani?

WINEWEUDO TINENA 18:2

I Korinti itepohaweakono aasa to Yahudi meneeako i Akiwila, anu te'inso i Pontu. Onae da sarai ihawe inso i Italia saru i Perisikila, kombiano, hangano meparentaomo Datu Kelaudiu, luwuno to Yahudi ka domebintao Roma. I Paulu tetoro a rahado.

WINEWEUDO TINENA 18:23

Mansano ba opia oleo tehineno ipo'ia i tu'ai, melungkaomo mbo'u, ka i'amba sumompoo asa wawo wita Galatia ka Pirigia ka ipokorosoako ira aroado luwuno ana guru.

WINEWEUDO TINENA 19:10

Anu kanandio iweweuo orua nta'u tehineno, onaemo ka domporonge pau-Do i Ue luwuno mia anu mpo'ia i wita Asia, moiko to Yahudi maupo to Yunani.

WINEWEUDO TINENA 6:9

Sine mehawe iramo ba opia mia inso a bawaa Yahudi anu nineeako bawaado to Liberetini – bawaa atuudo onaemo mia anu nte'inso i Kirene ka inso i Alesande – mperonga saru ba opia ira to Yahudi inso i Kilikia ka inso i Asia. Mia atuudo mpesangki-sangki pau saru i Setepanu,

WINEWEUDO TINENA 8:4

Ondae anu ntesiarawo atuu melakopio asa wawo wita atuu saru mempaleleo Lele Mawongkoa.

1 KORINTI 16:19

Tabea ndi omiu inso a luwuno bawaa i Asia Kodei. I Akiwila, i Perisikila ka Bawaa i rahado mpo'oliwi tabea hadio ntu'u ndi omiu.

2 KORINTI 1:8

Hangano inehemami, luwumiu pepaekompo, ka imento'orio marasaia anu pinembasaimami i wita Asia Kodei. Tembia anu kipinopotembiako tedoa langkai ka tedoa mobea, ranta nami hina pompe'osaia da kami tuwu.

GALATIA 1:2

ka inso a luwuno pepaekompo anu mekongko mperonga saru ongkue, a luwuno bawaa i Galatia:

EPESU 2:12

nine tempo atuu nahi imento'ori Ira i Kerisituu, nahi ntewinso to Isaraeli ka nahi mpohawe tia a luwuno pompakosi anu dinandi, nahina pomperorohia ka nahina Ue Ala i wawontolino.

EPESU 2:19

Kanandiomo omiu komba mia susua mbo'u ka mia hawe, tendeano mpe'asa komiumo saru mia memempori ka ihino raha-Do Ue Ala,

Winali 28:64

Ondae i Ue Ira sumiarawo komiu i olodo luwuno tongku inso i tompano tolino hawe i tompano tolino. I ra'aimo komiu mpesomba a mpesombaa susua anu nahi imento'orio ke maupo ondae uempu'umiu, pesombaa keu ka watu.

Winali 32:26

Bakanaano Aku mepau, ’Aku mokotampula ira, siimo dompinewowolo mbo'u inso i olodo mia.’

Winali 4:27

Ondae i Ue Ira tumia-tia komiu i olodo luwuno tongku, ka butu tedei komiu impo'ia i olodo luwuno tongku, ba isua Doliahako komiu i Ue.

2 TIMOTIU 1:15

Uto'orio nine luwudo anu i Asia Kodei mpewolili inso ndi ongkue; tewinso i Pigelusi ka i Heremogene.

IBARANI 11:13

Luwudo andio memate iramo a pompe'ala-ala gagi mia anu nahi dompohawe hapa anu dinandi atuu, sine butu domengkitao inso olai ka mengkawe-kaweo ka memangakuakono, nine ondae mia hawe ka mehawe i tolino andio.

YAKOBU 1:1

Tabea inso ndi Yakobu, tetenaa-Do Ue Ala ka Ondae i Yesu Kerisituu, hawe a hopulu ka orua suku a mpelakopia.

1 PETURU 2:11

Pepaekompoku luwu-luwu anu pinehohawaku, kupatudu komiu, kana mia mehawe ka anu mpo'ungke tuwua, ka ime'olaiakono luwuno po'eheno koroi anu meteahako umewaio sumanga.

2 PETURU 1:1

Inso ndi Simo Peturu, tetenaa ka tinena-Do i Yesu Kerisituu, hawe ndi ondae anu mperonga saru omami mpohawe pompe'ala-ala hangano moleo-Do Ue Ala ka Puu Pongkaduduito, Ondae i Yesu Kerisituu.

MENGKAAA 1:11

ipotae, ”Hapa anu kinitamu, buriomo a aasa wunta ka oliwiako iramo opitu bawaa andio: i Epesu, i Semirina, i Peregamusu, i Tiatira, i Saradisi, i Piladepia ka i Laodikia.”