1 Mokole 9:7 - Wunta Mempori

⁷ Aku mokotampula ira to Isaraeli inso a wawo wita anu Kuweeako iramo. Aku mebungkuio raha anu umariomo Kupokomemporio tiano nee-Ku atuu. Isaraeli ta gagi potundaano ka pasinggiri i olono luwuno tongku.

1 Mokole 9:7 ပူးပေါင်းရင်းမြစ်များ

1 Mokole 11:10

ka umarimo ipinarentaako mongkona atuu, kasi petonda a pinesombai susua, sine nahi tondao hapa parenta-Do i Ue.

1 Mokole 9:3

Ondae i Ue mepau ndi onae, ”Kurongeomo pekakai ka po'emamu anu pinohawemu i aro-Ku. Kupokomemporiomo raha anu winangumu andio anu weweuo nee-Ku mo'ia i tu'ai ranta nahina tampulano. Mata-Ku ka aroa-Ku ta mo'ia i ra'ai asantinuwu.

2 Mokole 25:21

Ka i'amba mokoledo to Babeli metena mepate ira i kota Ribela, i wita Hamati. Kanandiomo domewinawa to Yehuda inso i witado a laro pontadia.

2 Mokole 25:9

Isongkoo raha-Do i Ue, rahano mokole ka luwuno raha i Yerusale. Luwuno rahado anu langkai potorono isongkoakono api.

2 Tawarika 36:19

Domesongkoo Raha-Do Ue Ala, mpobangkuo rere watu i Yerusale ka luwuno langkanae i ra'ai domentunuakono api, ranta ropuomo luwuno parewa anu ntekokosi.

2 Tawarika 7:20

manasa Aku buta komiu inso i wita-Ku anu umariomo Kuweeakomiu, ka raha andio anu Kupokomemporiomo tiano nee-Ku, Aku tumadio inso i aromiu ka Aku mokogagio potundaa ka pasinggiri i olodo luwuno tongku.

Po'unde-unde 44:14

Omiu weweu kami gagi popodeu-deuado pehori rahamami, gagi pasinggiria ka tetewehiado mia pehori-horimami.

Po'unde-unde 44:15

Omiu weweu kami gagi pasinggiria i olodo tongku, onaemo pu'uno luwuno suku tongku mebitu-bitu ulu.

Po'unde-unde 69:11

Mengese aku ka puasa, sine maupo atuu mowawaakune tataaku;

Yesaya 65:15

Omiu asalakono mebintao neemiu a mia mebininiki-Ku ka dompototonaa: Po'ineeomo Ondae Ue Ala mokopingko komiu kana ondae! Sine tetenaa-Ku ira menineeako nee susua,

Yeremia 24:9

Aku weweu ira gagi asa anu mongkokongirido luwuno poparentaa i tolino, gagi mokoko'iia ka pasinggiria, gagi tetewehia ka totonaa a luwuno po'ianga ba isua Kusiarawo ira.

Yeremia 25:9

menteeano, Aku tumena ira luwu suku tongku i utara, kanandiomo pau-Do i Ue, ka lumeluo mbo'u i Nebukanesa, mokole i Babeli, tetenaa-Ku atuu; Aku wawa ira me'ewaio wita andio, palilino ka umewai ira tongku petengi-tengino andio, anu Aku rumopuo ka weweuo gagi asa anu mompokodoito, pomansu pasinggiri ka terawono anu nahina tampulaano.

Yeremia 26:18

”I Mika, to Moreseti, horio mompau anu ta gagi i tempono i Hisikia, mokoledo to Yehuda. Onae mepau a luwuno tongku Yehuda: Kanandiomo pau-Do Ueno luwuakoano: Sioni ta pinadeko kana lere; Yerusale ta gagi howuno anu terawo ka torukuno Raha Mempori ta gagi po'ianga pompesombaia anu mentobu.

Yeremia 26:6

onaemo pu'uno Aku weweuo raha andio kana Silo, ka mokogagio kota andio totonaado luwuno tongku i tolino.”

Yeremia 44:8

Tembio ka impokotesingkao tekuda-Ku hangano wineweuno kaemiu, saru mpotunu pesomba a luwuno pinesombai susua i wita Masiri anu pinewinsokimiu komiu mpo'ia gagi mia hawe i ra'ai? Tembio ka imebehe gagi pontotonaa ka mokoko'iia i olodo luwuno tongku i tolino?

Yeremia 52:13

Onae sumongkoo Raha-Do i Ue, rahano mokole ka luwuno raha i Yerusale; luwuno rahado anu langkai potorono isongkoo.

Ponsabangi 1:8

Yerusale tedoa tehala, onaemo ka imokoburu; i ndi'ipua luwuno anu mpelangkaio, kanandio-andio mentetewehio, hangano domengkitao kolambe-lambeno; ka onae isa'a mompau pinemasusano, ka iwolilio rupano.

Ponsabangi 2:17

Doweweuomo i Ue hapa anu tinoo-Do, Do'ihiio hapa anu pinau-Do, anu Dopeparentaako i ndi'ipua. Ondae monsolangi nahina pompehohawa, Doweweuo iwali mawongkoakomiu, ka tumandeo tandudo anu umewai komiu.

Yehesikieli 24:21

Pauako iramo suku Isaraeli: Kanandiomo pau-Do Ue Ala: Menteeano Aku kumokoburutio po'ianga mempori-Ku, pabawaa anu pino'undeakomiu, pinemoikono matamiu ka po'eheno sumangamiu. Luwuno anamiu tama ka beine anu binintamiu ira memate ntebangkuako ponai.

Yehesikieli 5:15

Omue kogagi tetewehia ka pepaukia, gagi pepopoto'ori ka pu'uno mongkokongiriado luwuno tongku a mpehori-horimu, tempono Kupoweeakomu pohuku a laro ntekuda ka mokulano aroa a laro pontunduhino a mosa'o aroa. Ongkue, Ue, anu pauo,

Hosea 9:3

Nahi ira mpo'ia mpiha i wita-Do i Ue. I Eparai asalakono mekule i Masiri, ka i Asuri ira mpongkaa kaanga mokoburu.

Yoeli 2:17

Moikoomo luwuno sando mpesomba, puu pompekakaako-Do i Ue, mengese i olono arono bansala ka meda mpontunua pesomba, ka impotae, ”Oo Ue Ipehohawa iramo bawaa-Miu, ka siimo Ipo'inee ira mia-Miu gagi tataa, ranta luwuno tongku pasinggiri ira. Tembio ka ipinau i olodo luwuno tongku: Isua Ira Ue Alado?”

Mika 3:12

Onaemo pu'uno hangano omiu, Sioni ta pinadeko kana lere, Yerusale ta gagi howuno anu terawo, ka torukuno raha mempori ta gagi pongku mentobu.

I MATIU 23:38

Kitaomo rahamu andio ta bininta ka gagi boni-boni.

I MATIU 24:2

Dopotaeako ira, ”Imengkitao luwuno atuu? Kupauakomiu, menteeano nahina maupo te'asa watu i ndi'ai ta pino'inee mo'ia i wawono watu anu susua; luwuno ta hinoa.”

I LUKASI 21:24

ka ira memateako mata mponai ka mewinawa gagi mia mentinawa a luwuno tongku, ka Yerusale ira melolandao luwuno tongku anu nahi domento'ori Ira Ue Ala, hawe ka isompoomo tempodo tongku atuudo.”

Winali 28:37

Komiu megagi mongkokongiria, pompotundaa ka pompasinggiri i olono luwuno tongku, ba isua Ira lumiahako komiu i Ue.

Winali 4:26

Onaemo aku moboio langi ka tolino gagi sakosii ndi omiu a oleo andio nine manasaomo komiu ronga memoliu inso a wita anu ta pinentoroki miu umari mensakio Koro Yarade. Nahi ta tehine imentuwu i ra'ai, sine manasaomo komiu meropu.

Yosua 23:16

Tewala imelinggeio pedandia, anu Dotenaakomiumo i Ue, Ue Alamu, ka imelako mpesomba ia pinesombai susua. Tekuda-Do i Ue ta tensila ndi omiu onaemo ka imeropu inso ia wita anu mioko anu Doweakomiumo ndi omiu.”

1 Samueli 15:11

”Me'o'ole Aku motoroo i Saulu gagi mokole, hangano ipebungkui aku ka nahi tondao pau-Ku.” Mompemasusaomo i Semueli, onaemo ka ipekakai ndi Ondae i Ue asa wongi.