1 Mokole 20:28 - Wunta Mempori

²⁸ Tetenaa-Do Ue Ala atuu umpedaakono mokoledo to Isaraeli ka ipotae, ”Kanandio pau-Do i Ue: Hangano to Arami atuu mpotae iramo: Ondae i Ue, onaemo Ue Ala i torukuno komba Ue Ala i lembono, onaemo pu'uno luwuno sorodadu anu hadio atuu, Aku meweengako ira a ngkaemu, kai mento'orio nine Ongkuemo Ue.”

1 Mokole 20:28 ပူးပေါင်းရင်းမြစ်များ

2 Samueli 10:13

Ka i'amba i Yoabi ka sorodadu anu perongano melako mpetea umewai ira to Arami ka luwuno mia atuudo mpolai inso i arodo.

1 Mokole 13:1

Tempono i Yerobea mentade umpeda a meda pontunua pesomba ta montunu pesomba, hangano parenta-Do i Ue hawe asa nabi-Do Ue Ala inso i Yehuda lumako i Beteli.

1 Mokole 17:18

Ipotae beine atuu ndi Elia, ”Hapake tinoomu ndi ongkue, oo tetenaa-Do Ue Ala? Hapake aiwamu ndi ongkue hawe mopoto'oriakune salaku ka onae pu'uno anaku ka imate?”

1 Mokole 18:36

Ka i'amba tempono mompesombaako pesomba ngkiniwia, mentadeomo i nabi Elia ka ipotae, ”Oo Ue, Ue Alado i Burahima, i Saki ka i Isaraeli, po'ineeomo kai tino'ori oleo andio nine Omiumo Ue Ala i Isaraeli ka ongkue andio tetenaa-Miu, ka a mpau-Miumo kuweweuo luwuno andio.

1 Mokole 18:37

Isangki akumo oo Ue, Isangki akumo, ka domento'orio tongku andio nine Omiumo Ue Ala, oo Ue, ka Omiumo anu weweuo aroado mpepokule ndi Omiu.”

1 Mokole 20:13

Nahi kinokoo-koo, asa nabi umpedaakono i Ahabi, mokoledo to Isaraeli, ipotae, ”Kanandiomo pau-Do i Ue: Ukitaomo ke howuno anu langkai atuu? Menteeano Aku meweengako ira oleo andio a ngkaemiu, kau to'oriokoa nine Ongkuemo Ue.”

1 Mokole 20:29

Opitu oleo tehineno dompekema ntepopo'aro ka a oleo anu ko'opitu pinu'uomo petea. I larono asa oleo to Isaraeli mpopepate asa etu nsowu sorodadudo to Arami anu mpelempa ngkaru.

2 Tawarika 32:19

Dompepaukiako Ira Ue Alano Yerusale kana koa mbo'u luwuno pinesombaido tongku i wawontolino, anu wineweuno kaeno mia.

Po'unde-unde 46:11

”Penoro-noromo ka to'oriomo, nine Ongkuemo Ue Ala! Ongkuemo anu inude-unde i olodo tongku, inunde-unde i tolino!”

Po'unde-unde 79:10

Tembio luwuno tongku susua pino'inee mpotae, ”Isua Ira Ue Alado?” Po'ineeomo pombaloa a reado tetenaa-Miu anu te'uwu pinokomengkaa i arono matamami i olodo tongku susua.

Peluarakoa 16:12

”Kurongeomo pewurukido to Isaraeli; pauako iramo: Tempono ngkiniwia komiu mpongkaa bau ka mo'oru komiu memowohi mpongkaa roti, onae ka imento'oriomo, nine Ongkuemo Ue, Ue Alamiu.”

Peluarakoa 6:7

Aku wawa komiu a wita anu Kudandiomo, Aku weeakono i Burahima, i Saki ka i Yako. Aku weeakomiu gagi tiamiu. Ongkuemo Ue.”

Peluarakoa 7:5

To Masiri atuu iramo mento'orio nine Ongkuemo Ue, tewala Kupotiio kae-Ku a nto Masiri ka wawa ira to Isaraeli mpeluarako inso i olodo.”

Peluarakoa 8:22

Sine i oleo atuu, Kupesusuao wita Gose, po'iangado bawaa-Ku, nahi ta hina lale uso, ka uto'orio koa nine Ongkue, Ue, kongko i wita andio.

Yesaya 36:20

Isemake i olodo luwuno pinesombai i wita andio anu motolaomo witado inso a ngkaeku, ranta ka Dopolio i Ue motolao Yerusale inso a ngkaeku?”

Yeremia 14:7

”Maupo luwuno salamami mpesakosii umewai kami, Itulungi kamimo, oo Ue, a nee-Miu! Tedoa hadio pehapumami, ndi Omiumo kimentehala.

Yehesikieli 11:12

Komiu mento'orio nine Ongkuemo Ue. Hangano, omiu nahi mentuwu montonda luwuno pompakosi-Ku ka atora-Ku nahi meweweuo, tendeano omue weweuo luwuno atorado tongku pehori-horimiu.”

Yehesikieli 12:16

Sine, asa ntia inso ndi ondae Aku motola ira inso a mponai, mokoninggoa, ka haki lele ka domentutuluo luwuno wineweudo anu mokoburu i olodo luwuno tongku, ba isua domelako. Ka ira mento'orio nine Ongkuemo Ue.”

Yehesikieli 20:14

Kuweweuo hangano nee-Ku, ka si kinokoburuti nee-Ku i arodo luwuno tongku, anu mengkitao Kuwawa ira mpeluarako.

Yehesikieli 20:9

Kuweweuo a nee-Ku, ka si kinokoburuti nee i arodo luwuno tongku, ba isua domekongko. I arodo luwuno tongku atuu Ongkue mepopokita ndi ondae saru wawa ira mpeluarako inso i wita Masiri.

Yehesikieli 36:32

Komba hangano omiu Kuweweuo, kanandiomo pau-Do Ue Ala, to'oriomo atuu. Imponto'orimo memokoko'ii ka po'ineeomo imempinokoko'ii hangano pelelumiu, hei suku Isaraeli.

Yehesikieli 39:7

Aku mokomengkaao nee-Ku anu mempori i tongano bawaa-Ku Isaraeli ka nahi Kupo'ineeo mbo'u nee-Ku anu mempori kinokoburuti, ranta luwuno tongku ira mento'orio nine Ongkuemo Ue, Anu Tedoa Mempori i Isaraeli.

Yehesikieli 6:14

Aku tumandeo kae-Ku ndi ondae, ka wita, isuamo koa dompo'ia, Aku weweuo gagi ropu ka boni-boni mompu'u inso i pada one hawe i Ribela. Ka ira mento'orio nine Ongkuemo Ue.”

Winali 29:6

Nahi mpongkaa roti, anggoro ke inua anu mompokomolangu sikoa me'inuo, kai mento'orio nine Ongkuemo Ue, Ue Alamiu.”

Winali 32:27

”Sine, Kusala laroakono pompopodeu-deudo iwali, kasi mansa iwalido sala mpewowoloo, ka dompotae, ’Kae mami anu moroso, komba Ondae i Ue anu weweuo luwuno andio.’ ”