1 Mokole 2:37 - Wunta Mempori

³⁷ Hangano i tempono upeluarako ka sumakio Korono Mo'are Kidironi, to'oriomo nine manasa kopinepate ka reamu ta pinopotembiako a ngkoroimu omuemu.”

1 Mokole 2:37 ပူးပေါင်းရင်းမြစ်များ

2 Samueli 1:16

Motae i Daudi ndi onae, ”Ususuruo omuemu reamu, nde hangano paumu omuemu gagiomo sakosii umewaiko ka upotae: Kupepateomo mia anu inurapi-Do i Ue.”

2 Samueli 15:23

Luwuno inia mia mpengese meroku, tempono luwuno bawaa atuu ntelalo. Ondae mokole sumakio koro Kidironi ka luwuno bawaa atuu mpelempa tetutu i pada one.

1 Mokole 15:13

Tendeano ipokompenaa-naao i Ma'aka, ueno beine inso a mpotorono ine mokole hangano ueno atuu moweweu tinaha Asera anu minokoburuako. Ipobangkuo i Asa tinaha anu minokoburuako atuu ka itunuo i lembono Kideroni.

1 Mokole 2:31

Dopotaeakono mokole ndi onae, ”Weweuomo kana anu nineeno. Pepateomo ka kaburuo. Bakanatuu uliahakonomo inso ndi ongkue ka luwuno pe'etuku rea anu inuwuno i Yoabi maupo nahina pu'uno.

1 Mokole 2:33

Reado ta pinopotembiako ndi Yoabi ka inuleno ranta nahina tampulaano, Sine i Daudi ka inuleno saru somborino ka kadera poparentaano ta mohawe manangaia inso ndi Ondae i Ue ranta nahina tampulaano.”

1 Mokole 2:38

Ka i'amba motae i Simei ndi ondae mokole, ”Moikomo, kana pinaumiu ueku mokole, kanatuumo ta weweuo atamiu andio.” Onaemo ka ipo'ia i Simei i Yerusale ba opia tempo tehineno.

2 Mokole 23:6

Luwuno karuno pelahumoa inso a raha-Do i Ue winawa i bungkuno kota Yerusale, a ngkorono mo'are Kidironi, ka i'amba tinunu i tu'ai ka pinokomotutu gagi awu. Ka i'amba metadiakono awuno a wawo ngkaburudo palili i totono.

2 Tawarika 29:16

Umarino atuu mpewinso iramo sando mpesomba a laro raha-Do i Ue ira mpokomemporio. Luwuno anu mokoburu, anu hinawe a laro Raha-Do i Ue, domewawao a kintalano Raha-Do i Ue. Luwuno to Lewi tumarimao ka iwinawa i bungkuno, i Lembono Kidironi.

Yeremia 31:40

Luwuno lembono atuu, saru luwuno wata ngkoroi ka awuno pesombano, ka luwuno wita i wiwi ngkoro Kidironi hawe a nsiuno Pewowa Langkai Ngara te'aro i sabaano oleo, ta gagi mempori ndi Ondae i Ue, ka nahi ta rinawo-rawo ke pinobangku mbo'u ranta nahina tampulaano.”

Yehesikieli 18:13

mompowee saru mo'ala bungano doi ka mo'ala tiangino, ka mia anu kanandio nahi ta tuwu. Luwuno mokoburua andio iweweuo, onaemo pu'uno onae asalakono mate; reano umaluo koroino onaeno.

Imama 20:9

Tewala asa mia montutundali amano ke ineno, onae asalakono hinuku mate. Onae montutundaliomo amano ke ineno, asalakono reano itembio onaeno.

I YOHANE 18:1

Umari-do i Yesu pauo luwuno atuu meluarako Iramo inso i tu'ai mperonga saru ana guru-Do ka domelako i asatowano koro Kidoro. I tu'ai hinao aasa bonde ka Dopewinso a bonde atuu mperonga saru ana guru-Do.

Yosua 2:19

Ba isema anu meluarako inso ia pewowano rahamu onaeno ta sumusuruo ba te'uwu reano, komba hangano omami; sine isemamokoa anu ilaro rahamu pinokomasola, omamimo anu sumusuruo te'uwuno reano.