1 Mokole 16:31 - Wunta Mempori

³¹ Napi pesompoo tuwu a laro luwuno halano i Yerobea anano i Nebati, i'alao mbo'u i Isebeli, anano i Etiba'ali, mokoledo to Sidoni, gagi kombiano, ranta kai lako mesomba a Baala ka ipenggolontu melangkaio.

1 Mokole 16:31 ပူးပေါင်းရင်းမြစ်များ

Tegagia 30:15

Sumangki i Lea ndi onae, ”Nde napi upesompooke umalao tamaku? Kanandio-andio ko'umalao mbo'u wua dudaimino anaku?” Motae i Raheli, ”Tewala kanatuu, po'ineeomo ka ipoturi saru omue wongi andio, gagi euno wua dudaimino anamu atuu.”

Tegagia 6:2

luwuno anu tuwu i suruga mengkitao nine ana beinedo mia atuu ntekokosi. Ka i'amba inso i olodo beine atuudo ondae mpo'ala gagi beinedo, isemamo koa anu inehedo.

1 Mokole 18:18

Sumangki i Elia ndi onae, ”Komba ongkue anu sumolangi ira to Isaraeli, tendeano omue ka pe'etumu. Imebintaomo luwuno parenta-Do i Ue ka omue andio utonda iramo Ba'ala.

1 Mokole 18:19

Kanandio-andio, tena iramo luwuno to Isaraeli mpepumpu ka dontepohaweakune i torukuno Karameli, ka mbo'u pato etu lima pulu nabi Baala ka pato etu nabi Asieri, anu mpongkaa a medano i Isebeli.”

1 Mokole 18:4

I tempono i Isebeli mepate ira nabi-Do i Ue, i Obaja umala ira asa etu mia nabi ka iwuni ira i larono ngkunepo, asa mpo'ianga lima pulu mia, ka ipompatindaako ira kaanga ka inuado.

2 Mokole 10:18

I Yehu pumpu ira luwuno palili, ka i'amba motaeako ira, ”I Ahabi moluwe mesomba ndi Ba'ala, sine i Yehu ta laluaopo metenunu mesomba ndi onae.

2 Mokole 17:16

Dompebungkuio luwuno parenta-Do i Ue, Ue Alado, ka mpoweweu ira orua ana nsapi tinawa. Mpoweweu ira mbo'u tinaha Asera ka mpenggolontu mpesomba a luwuno sorodadu langi saru mpesomba ndi Ba'ala.

2 Mokole 21:3

Onae wali wangu ira pongku wita pesombaa anu umariomo iropu ira i Hisikia, amano. Iwangu ira meda pontunua pesomba ndi Ba'ala, moweweu tinaha Asera kana anu wineweuno i Ahabi, mokoledo to Isaraeli ka menggolontu mesomba a ihino langi ka mesomba ndi onae.

2 Mokole 3:2

Onae moweweu anu mosa'o a pongkita-Do i Ue, butumo koa nahi kana amano ka ineno. Iliahakono luwuno tugu Ba'ala anu winanguno amano.

2 Tawarika 17:4

tendeano umungke Ira Ue Alano uempu'uno. Onae tuwu tumondao luwuno parenta-Do ka nahi poweweu kana i Isaraeli.

2 Tawarika 21:13

tendeano tumondao sala ntumuwudo mokole i Isaraeli ka weweuo Yehuda ka palilino Yerusale mponsosabo, kana anu wineweudo somborino i Ahabi. Tendeano upepate iramo pepaekompomu, luwuno somborido amamu anu moiko irapo sekono omue.

Yesaya 7:13

Ka i'amba motaeomo i Yesaya, ”Rongeomo hei somborino i Daudi! Napi sompoke imeweweu ira mia nte'osa, ranta iweweu Ira mbo'u Ue Alaku te'osa?

Yehesikieli 16:20

Tendeano omue umala ira anamu tama ka beine anu upe'anaako ira tia-Ku ka mesombaakono ndi ondae gagi kaangado. Nde napi sompo mbo'uke pebelesumu andio?

Yehesikieli 16:47

Kombake omue tuwu montonda peleludo ka weweuo luwuno wineweudo anu mokoburu, tendeano nahi ta tehine mbo'u omue moweweu laluaopo mosa'o sekono ondae a laro luwuno ntumuwumu.

Yehesikieli 34:18

Napi upesompooke pingkoo pada ewo anu moiko? Asalakonoke komiu mbo'u melolandaakono karumiu pada ewo anu susua? Napi mpesompooke me'inuo uwoi anu molino? Asalakonoke uwoi anu tebinta mbo'u imewewuiakono karumiu?

Yehesikieli 8:17

Ka Do'amba mepau ndi ongkue, ”Nde ukitaoke atuu, hei anano mia? Kara-kara kodeike atuu a nsuku Yehuda meweweu ira wineweu mokoburu anu domeweweuo i ndi'ai? Hangano, wita andio domebuketiakono pobobarasaia ka mokontesingkao mpiha tekuda-Ku. Mentee ntu'u, ondae mpelelu nahi penunu i aro-Ku.

Hosea 2:15

Ia oleo atuu, kanandiomo pau-Do i Ue, Omue komoboi Aku: Tamaku, ka nami poboi Aku mbo'u: Baalaku!

Podoaa 16:9

Nde napi mpesompoo, nine Doponsia komiu Ue Alado to Isaraeli inso a bawaa Isaraeli ka me'ineheako umpeda ndi Ondae, ka ime'anggao anggaa a Ngkema Mempori-Do i Ue ka mpentade i arono bawaa mekakaako ira,

Winali 7:1

Ondae i Ue, Ue Alamiu, Ira wawa komiu a wita, ba isua impewinso kai mpetorokio, ka Ira sumaario inso i aromiu hadio tongku: to Heti, to Girigasi, to Amori, to Kana'a, to Peresi, to Hewi, ka to Yebusi, opitu tongku anu lalu hadio ka moroso irapo sekono omiu.

MENGKAAA 2:20

Sine Kutatako, hangano upo'ineeo beine i Isebeli, anu pauo koroino nabi beine, mompaguru ka mopo'oo ira tetenaa-Ku ka domponsosabo ka mpongkaa luwuno pesomba a lahumoa.

Puu Mpobitara 1:31

Tongku Asieri nahi dosaari ira palili Ako, palili Sidoni, saru Ahalabi, Akasibi, Heleba, Ape, Reho.

Puu Mpobitara 10:12

to Sidoni, to Amale ka to Maoni anu bobarasai komiu, itempono kai mpebooli ndi Ongkue?

Puu Mpobitara 10:6

To Isaraeli mpoweweu iramo mbo'u anu mosa'o ia pongkita-Do i Ue. Mpesomba ira ia Baala ka ia Asitore, a luwuno anu pinesombaido to Arami, anu pinesombaido to Sidoni, anu pinesombaido to Moabi, anu pinesombaido inuledo to Amoni ka anu pinesombaido to Pilisiti. Domebinta ira i Ue ka nami dompesombai Ira.

Puu Mpobitara 18:7

Umari atuu melako iramo olima mia atuu hawe i Laisi. Domengkitaomo nine palilido mesintuwu ira, kana gaudo to Sidoni, roodo ka manangai. Palili atuudo nahina makurado hapamokoa anu hina i wawo ntolino, tendeano mengkaea ira. Po'iangaado tepo'olai ka to Sidoni, ka nahi dontepoto'ori maupo isemamokoa.

Puu Mpobitara 2:11

Onaemo ka to Isaraeli mpoweweu anu mosa'o i aro-Do i Ue, ka mpesomba iramo ia Ba'ala.

Puu Mpobitara 3:7

To Isaraeli mpoweweu anu mosa'o i aro-Do i Ue, domengkolupe Ira i Ue, Ue Alado, ka mpesomba ia luwuno Bala ka luwuno Asera.