1 Mokole 11:38 - Wunta Mempori

³⁸ Tewala uperorongeakono luwuno anu Kuparentaakomu, tuwu montonda sala-Ku, ka moweweu hapa anu mentee a pongkita-Ku ka mekariao pompakosi ka parenta-Ku kana anu iweweuomo i Daudi, tetenaa-Ku, manasa Aku kumongkomiko, wanguakomu aasa sombori anu moroso, kana anu Kuwanguakono i Daudi ka meweengakono Isaraeli ndi omue.

1 Mokole 11:38 ပူးပေါင်းရင်းမြစ်များ

2 Samueli 7:11

mompu'u Kupotoro ira puu mpobitara a bawaa-Ku Isaraeli. Aku moweeakomiu rodoa inso a luwuno iwalimu. Dopauakomu mbo'u i Ue: Ondae i Ue Ira wanguo inulemu anu moparenta.

2 Samueli 7:16

Inulemu ka poparentaamu ta moroso ranta nahina tampulaano i aro-Ku, kadera poparentaamu ta moroso ranta nahina tampulaano.”

1 Mokole 11:37

Omue Aku umalako ka omue komoparenta a luwuno anu inehemu ka gagi mokoledo to Isaraeli.

1 Mokole 11:39

Onaemo pu'uno Aku mokongkodeio inuleno i Daudi, sine komba ta kanatuu mpiha.”

1 Mokole 11:4

I tempono mota'uomo i Salomo, kombiano atuudo mempopandeio aroano a mpinesombai susua, ranta aroano nami buke metenunu ndi Ondae i Ue, Ue Alano, kana aroano i Daudi, amano.

1 Mokole 3:14

Umarino atuu, tewala omue tuwu montonda sala-Ku ka mekariao luwuno pompakosi ka parenta-Ku, kana anu wineweuno i Daudi, amamu, manasa Aku moweeakomu tinuwu anu melai.”

1 Mokole 6:12

”Mongkona raha anu kontongaamu wanguo andio, tewala tuwuko menunu saru luwuno pompakosi-Ku ka metenunu weweuo luwuno atora-Ku saru mekariao luwuno parenta-Ku saru molempao, Aku umihiio dandi-Ku ndi omue anu Kupauomo ndi Daudi, amamu,

1 Tawarika 17:10

mompu'u Kupotoro ira puu mpobitara a bawaa-Ku Isaraeli. Aku mokompetuundu ira luwuno iwalimu. Kupauakomu mbo'u: Ondae i Ue Ira wanguo inulemu anu moparenta.

Peluarakoa 1:21

Hangano sando mpe'ana atuu doito ira ndi Ondae Ue Ala, Doweweu ira ka dompo'ule.

Peluarakoa 19:5

Gagi kanandio-andio, tewala mentee ntu'u komiu mpoperorongeako pau-Ku ka mpe'ini a mpedandia-Ku, komiu megagi tongku pinehohawa-Ku inso i olodo luwuno tongku, nde asa wawontolino andio Ongkue me'ueo.

Sakaria 3:7

”Kanandiomo pau-Do Ueno luwuakoano: Tewala omue tuwu montonda sala-Ku ka weweuo anggaa anu Kuweeakomu, omue komoparenta raha-Ku ka mekario kintala-Ku ka Aku moweeakomu po'ianga i olodo anu mpopekakaako i ndi'ai.

Winali 12:25

Si mengkaano, kai moiko tumuwumiu ka inulemiu lembunino, hangano mpoweweu komiu hapa anu mentee a pongkita-Do i Ue.

Winali 15:5

polomo koa kai mentee ntu'u imperorongeakono pau-Do i Ue, Ue Alamiu, ka mpetenunu meweweuo luwuno parenta anu kupohaweakomiu a oleo andio.

Winali 31:8

Hangano Ondae i Ue anu melempa i aromu ka Ira kumongkomiko. Nahi Ira mo'ineeko ka nahi Ira bintako. Siimo doito ka siimo salalaro.”

Yosua 1:5

Isemamokoa nahi ta hina mia moko'ewaiko asa ntinuwumu; kana Kukongkomio i Musa, kanatuu koa mbo'u Kukongkomiko. Nahi Aku mo'ineeko ka bintako.

1 Samueli 2:35

Aku motoroo asa sando mpesomba anu metenunu ka melelu menunu kana po'eheno aroa-Ku ka sumanga-Ku. Aku mokohadioo inuleno anu mpetenunu ka mentuwu i arono mia inurapi-Ku.