1 KORINTI 5:2 - Wunta Mempori

² Maupo kanandio mpompelangka-langkai komiu. Kombake tekonaopo impompemasusa ka mempoko'oalaio mia anu moweweu kanatuu inso i tonga-tongamiu?

1 KORINTI 5:2 ပူးပေါင်းရင်းမြစ်များ

2 Mokole 22:19

hangano omue me'o'ole ka me'urumako i aro-Do i Ue, ka u'amba berio sangkamu ka mengese i aro-Ku mansamu rumongeo songka anu Kupauo mongkona po'ianga andio ka palilino nine ira megagi mongkokongiria ka totonaa, onaemo ka Kurongeo, kanandiomo pau-Do i Ue.

Po'unde-unde 119:136

Uwoi mataku waa kana waaano uwoi, hangano mia nahi pe'ini a Songka-Miu.

Yeremia 13:17

Tewala nahi mebehe mperorongeakono, aku mengese a ntewuniano hangano pompelangka-langkaimiu. Uwoi mataku ta melolonto, tendeano nte'i'iti, hangano bawaano bimba-Do i Ue winawa mentinawa.

Yehesikieli 9:4

Pau-Do i Ue ndi onae, ”Pelempamo inso i tonga-tongano kota Yerusale ka buriomo aasa petondoni a ra'ido mia anu pompemasusa hangano luwuno wineweu mokoburu anu wineweu i ra'ai.”

Yehesikieli 9:6

Pompepate ka ropu ira mia anu mota'u, ana ntama kontuwuado, ka ana beine kontuwuado, nana'ote kodei ka luwuno beine! Sine, luwuno mia anu tinondoniomo, si danggi ira! Pompu'umo inso a mpo'ianga mempori-Ku!” Ka do'amba mpompu'u inso a mia memota'u anu mekongko i arono Raha Mempori.

Podoaa 25:6

Tempo atuu asa to Isaraeli hawe mowawa asa mia beine Midia a mpe'etuno i arono i Musa ka luwuno bawaa Isaraeli anu kontongaado mpengese i arono pewowa Kema Tepotowoa.

1 KORINTI 4:18

Sine hinao ba opia mia anu gagi mompelangka-langkai, hangano potaedo, nine nami aku hawe mbo'u ndi omiu.

1 KORINTI 5:13

Ondae anu komba bawaa Ondae Ue Ala anu bitara ira. Imensaari ira mia anu mpoweweu mosa'o i olomiu.

2 KORINTI 12:20

Hangano kuporerengkoo, nine tewala aiwa aku ka kuhawe komiu nahi kana anu ino'aroaku ka intepohaweakune nahi kana anu ino'aroamiu. Kuporerengkoo ta mansa hina teposisalaa, kohili, tekuda, mompokotekona koroino onaeno, momposebe, petanga-tanga, pompelangka-langkai, ka marisua.

2 KORINTI 12:21

Salalaro aku, nine tewala hawe aku mbo'u, Ira mokongkodei aku Ue Alaku i aromiu, ka nine aku masusaako ira hadio mia anu mpoweweu hala i ndi'upua ka naapo koa mbo'u dontepidi inso a mokoburua, pebelesua ka nahi dompoto'ori gau anu wineweudo.