Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 KORINTI 3:9 - Wunta Mempori

9 Hangano omami onaemo pe'asa mpo'angga-Do Ue Ala; omiu onaemo lere-Do Ue Ala, winangu-Do Ue Ala.

အခန်းကိုကြည့်ပါ။ ကော်ပီ




1 KORINTI 3:9
41 ပူးပေါင်းရင်းမြစ်များ  

Watu anu tinadido puu mpowangu gagiomo watu empehino siuno.


Po'ineeomo ka ihadio ntu'u pinopaho gandu i wita, mebomba a punsuno luwuno torukuno; po'ineeomo luwuno tonggino te'ili kana luwuno keu i Libano, ka palilino kota tetiangi kana ewo i tolino.


Ponto'ori anu mentee mowanguomo rahano, montadeo opitu karuno,


Me'ura komiumo anu moiko imporawo umpeda a waaano uwoi, anu mokompopotola sapi ka kalide mpelempa mpongkaa ewo!


Hangano, kana tolino moluarako pinopaho, ka kana lere motuwuo inii anu rinawo, kanatuumo Ondae Ue Ala Ira motuwuo menteea ka po'unde-unde i arodo luwuno tongku.


ka moweeako ira ramba-ramba ulu gagi euno awu, lana pakea a mpogawea gagi euno sawu po'inombo, penani po'unde-unde gagi euno roso anu molema, ka dompotaeako ira mia ”keu tarabanti menteea,” anu pinaho-Do i Ue ka mopokitao maramba-Do.


Luwuno mia susua ira mpekakaakomiu kana puu mpopakambi bawaano bembe bimbamiu, ka mia mehawe ira mpo'anggaakomiu kana puu mpelere ka puu mpelere anggoromiu.


Kupahokomo gagi anggoro bininiki, gagi wuku mpinopaho anu moiko ntu'u. Nde kana'umpe kau bali gagi pinopaho moboo!


Sumangki Ira i Yesu, ”Sompo pinopaho anu nahi Dopahoo Ama-Ku anu i suruga ta binuta saru luwuno hakano.


Ka Kupauakomu mbo'u: Omuemo i Peturu ka a wawo watu manaha andio Aku wanguo bawaa-Ku ka nahi ta pabawaio matea.


Ka Dopotaeako ira ana guru-Do, ”Sowia lano hadio, sine anu mo'angga tedei.


Ondae mbo'u melako iramo mempaleleo Lele Mawongkoa a sompo siuno wita, ka Ondae i Ue mokowali ira a mpo'anggaado ka pau-Do atuu Dopokomorosoakono luwuno petondoni anu kumongkomi ira.


Ondaemo i Yesu watu anu tinadido anu mpowangu raha – onaemo omiumo isa'a –, sine gagi Iramo watu empehino siuno.


Nahi imento'orioke, nine omiu raha-Do Ue Ala ka nine Penaa-Do Ue Ala mo'ia i laromiu?


Ongkue pahoo, i Apolo sumiwuio, sine Ondae Ue Ala anu motuwuo.


Ke nahi imento'orioke, nine koroimiu onaemo raha-Do Penaa Mempori anu mo'ia i laromiu, Penaa Mempori anu hinawemiu inso ndi Ondae Ue Ala, — ka nine omiu komba omiu isa'a mpe'ueo?


Gagi wali-wali mpe'asa mpo'angga, kime'emao ntu'u ndi omiu, ka si meweweuo gagi nahi mentudu pompehohawa-Do Ue Ala, anu imentarimaomo.


Hapake penggoeano raha-Do Ue Ala saru lahumoa? Hangano ontae onaemo raha-Do Ue Ala anu tuwu montonda pau-Do Ue Ala andio, ”Aku mo'ia me'asaako ira ka tuwu i tonga-tongado, ka Aku gagi Ue Alado, ka ondae gagi bawaa-Ku.


Hangano ontae andio wineweu-Do Ue Ala, pinokogagi ndi Ondae i Kerisituu Yesu ka tomeweweuo anggaa moiko, anu pinatinda-Do Ue Ala se'eluno. Inehe-Do ka tomentuwu i larono.


Impehakamo ndi Ondae ka mewinangu i wawo-Do, po'ineeomo ka ikomoro-morosono pompe'ala-alamiu anu imempinaguruakomo, ka po'ineeomo aroamiu ka ibukeako pontarimakasi.


Gaagi tewala nahi kuronga hawe, uto'oriomo ba kana'umpe asalakono mia domentuwu gagi ihino sombori-Do Ue Ala, onaemo bawaa-Do Ue Ala anu tuwu, karu pontumbo ka pu'uno menteea.


sine Ondae i Kerisituu metenunu gagi Ana anu metewawa a raha-Do; ka raha-Do onaemo ontae, tewala mehawe kita a pokotompaano mpe'ini moroso a pompe'ala-ala ka pomperorohia anu pinemawongkoto.


Ka po'ineeomo omiu mbo'u mempinake kana watu tuwu powangu aasa raha rohani, tiano aasa imama mempori, ka ipinesombaako pesomba rohani anu hangano Ondae i Yesu Kerisituu Dopemoiko Ira Ue Ala.


Asalakono tomentarima ira mia anu kanandio, ka tompo'ala koa tia a anggaado tiano menteea.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ