1 KORINTI 2:4 - Wunta Mempori

⁴ Moiko pinauku maupo pompaleleku komba kupohaweakono pau ponto'ori anu ta pine'ala-ala, sine saru pompe'ala-ala a roso-Do Penaa,

1 KORINTI 2:4 ပူးပေါင်းရင်းမြစ်များ

Powadi 20:19

Isema mompau nahi mentee, momposaba rahasia, onaemo pu'uno si pebawaako mia anu hadio pauno.

Powadi 7:21

Mia mongura atuu ipopandeiakono mperupa-rupa pompopandei, saru pandeno wiwi mepau i'oluakono.

Yeremia 20:10

Mentee ntu'u, Kurongeomo petanga-tangado hadio mia, ”Doitoa inso a luwuno lakoa! Kalakio! Tomengkalakio!” Luwuno sambe'e morosoku mposikori tedontaaku, ”Bara'ura ta koa tepopandei, ka tompokonangio saru mpombalo ndi onae!”

Yehesikieli 13:6

Pongkitado mompopo'oo ka pompaudo anu nahi manasa ta gagi pegaupi; dompotae, ’Kanandiomo pau-Do i Ue,’ kahinaano nahi Dotena ira i Ue, ka ondae mensikorio pau atuu Do'ihiio.

WINEWEUDO TINENA 20:27

Hangano nahi kukolupeo paleleo luwuno tinoo-Do Ue Ala ndi omiu.

WINEWEUDO TINENA 26:28

Sumangki i Ageripa, ”Tedeimo koa ka upokompompe'ala-ala aku gagi to Kerisituu!”

ROMA 15:13

Po'ineeomo Ondae Ue Ala, pu'uno pomperorohia, mokobukeakomiu luwuno po'undea ka rodoa a laro pompe'ala-alamiu, ka imemare'e a laro pomperorohia hangano roso-Do Penaa Mempori.

ROMA 15:19

hangano pabawano luwuno petondoni ka anu mengkinohali-haliako ka hangano pabawa-Do Penaa. Kanandiomo a laro pelempaa sumompoo wita inso i Yerusale hawe i Ilirikumi kupaleleomo luwu Lele Mawongkoa-Do i Kerisituu.

ROMA 16:18

Hangano mia kanandiodo komba dompo'anggaako Ira i Kerisituu, Ueto, sine mpo'angga tiano kompodo ondaedo. Ka saru luwuno paudo anu mpo'o'ahiti ka pepaudo anu momoiko mopo'oo ira mia anu moleo aroado.

1 KORINTI 1:17

Hangano Dotena aku i Kerisituu komba ka kupobaho, sine ka kupaleleo Lele Mawongkoa; ka maupo atuu komba saru ponto'ori pau, ka imentudu koa keu pinotamba-Do i Kerisituu.

1 KORINTI 2:1

Kanandio koa mbo'u, tempono kuhawe ndi omiu, pepaekompo, komba ndio aku hawe saru pau anu tekosi ke saru ponto'ori ka kupohaweakomiu ponsakosii-Do Ue Ala.

1 KORINTI 2:13

Ka hangano mpompau kami pengkonaano mongkona penaa ndi ondae anu hinao Penaa, mpepauako kami pau anu komba kimempinaguruako ponto'orino mia, mongkona luwuno pompowee-Do Ue Ala.

1 KORINTI 4:20

Hangano Poparentaa-Do Ue Ala komba hina inso a mpau, sine inso a mpabawa.

2 KORINTI 6:6

a molinono aroa, ponto'ori, sabaraa, ka pe'aroa; a laro Mpenaa Mempori ka pompehohawa anu nahi po'onde-onde;

GALATIA 1:10

Gaagi kana'umpe kanandio-andio: ku'ungkeoke anu inehedo mia ke anu inehe-Do Ue Ala? Mo'arahako akuke ka dome'ineheakune mia? Tewala da mo'arahako aku ka dome'ineheakune mia, ongkue komba tetenaa-Do i Kerisituu.

KOLOSE 2:4

Mongkona andio kupauo, ka si hina anu mopo'ooakomiu pau mpo'o'ahiti.

1 TESALONIKA 1:5

Hangano Lele Mawongkoa anu pinalelemami komba butu pinohaweako pau ndi omiu, sine saru koa mbo'u roso hangano Penaa Mempori ka saru aasa manasaa anu moroso. Lano imento'orio, ba kana'umpe kimpo'angga i olomiu hangano omiu.

1 PETURU 1:12

Ndi ondae pinokomengkaaomo, nine ondae komba pompekakaako koroido ondaedo, sine mpekakaakomiu a luwuakoano anu pinaleleomo ndi omiu kanandio-andio mesala ndi ondae, anu hangano Penaa Mempori, anu tinena inso i suruga, mohaweo Lele Mawongkoa ndi omiu, onaemo mongkona luwuno anu domingki mento'orio mala'eka.

2 PETURU 1:16

Hangano nahi kimentondao tutu-tutulu montonda pinewowolono mia, tempono kimempauakomiu pabawa ka hawe-Do Ueto, i Yesu Kerisituu gagi mokole, sine kimensakosiiakono matamami maramba-Do.

2 PETURU 2:18

Hangano ondae mpepauako pau anu mompelangka-langkai ka mooa ka mempakeo po'eheno aroa belesu pompopandeido mia anu da iaopo dompepotola inso ndi ondae anu mentuwu a laro ntesosaeloa.

Puu Mpobitara 14:15

A oleo ko'opitu mpepau iramo ndi beineno i Simeso, ”Popandeio tamamu, ka ipauakami sangkino singguruno atuu. Ba naahi, omue ka luwuno ihino rahano amamu kami mesongkoo. Nde u'olu kami, ka kigagi memongkokolaro ke? Naahi?”

Puu Mpobitara 16:5

Me'aiwa iramo mokoledo to Pelisiti a beine atuu ka dompotae, ”Popandeio ka sikenoo tembio ka itedoa moroso ka kana'umpe ka kimpokonangio saru memponguo ka nami pokompe'ewa. Kami pada mpoweeko asa nsowu ka asa etu lempe doi salaka.”