Титке 3:1 - Наа Молҷағ

¹ Кізілерге, пастыхтарның паза ӱлгӱлернің оңдайынҷа полып, оларның чоохтарын истерге, ноо даа чахсы кирекке тимде поларға,

Титке 3:1 ပူးပေါင်းရင်းမြစ်များ

Матфей 22:21

Хағанни, – нандырғаннар Ағаа. Андада Иисус оларға теен: – Андағда хағаннин хағанға пиріңер, Худайнин – Худайға.

1 Коринфтегілерге 15:58

Аннаңар, хынған харындастарым, пик сағыстығ, тӧдір пазынмас полыңар. Хан-пигнің алнында сірер итчеткен кирееңер тик полбинчатханын пілчеткеннеріңде, Хан-пигнің киреенде маңнанысха чидіңер.

Ефестегілерге 2:10

Піс Худайның чайап салған кізілерібіс. Чахсы киректер идерге Иисус Христос пастыра чайалғабыс. Ол киректерні Худай піске, толдырыңар тіп, хас-хаҷанох азынада тимнеп пирген.

Филипптегілерге 1:11

Худайның сабланызы, махтазы ӱчӱн Иисус Христостың пастыра чахсы киректерге пай поларзар.

Колоссадағыларға 1:10

Сірерні Худайға турыстығ ползыннар тіп сағынчабыс. Прай нимеде Аның кӧңнінҷе хылынзыннар, ноо даа нимеде чахсы киректернең нимістіг полып, Худайны пілерін алғытсыннар тіп сурынчабыс.

1 Тимофейге 2:2

Худайны саблап, Аның кӧңнінҷе чуртир ӱчӱн, піске амыр, истіг хоных пирзіннер тіп, ідӧк Ханнардаңар паза прай устағ-пастағлардаңар пазырыңар.

1 Тимофейге 4:6

Мыны харындастарға читіріп, Иисус Христостың чахсы тоғынҷызы поларзың. Андағ тоғынҷы киртініс сӧстерінең, позына алынған чахсы ӱгредігдең кӱс алынча.

2 Тимофейге 1:6

Аннаңар минің сағаа хол салғаным пастыра пирілген Худай сыйиин улам ӧделендірерге сині хатап сизіндірчем.

2 Тимофейге 2:14

Пу чооғымны прайзының сағыстарына кирчет. Сӧстердеңер таласпазыннар тіп, Хан-пигнің адынаң алдан: ол тик таластар оларны исчеткен кізілерні ардатчалар.

2 Тимофейге 2:21

Пу кірдең позын арығлап полар кізі аарластығ ызых ідіс полар, ээзіне дее кирек, ноо даа чахсы нимее тузалығ.

Титке 1:16

Олар Худайны пілчебіс тидірлер, че киректері пастыра чабал, тообас паза пір дее чахсы кирек ит полбас пол парғаннаңар, Худайдаң хыйа турчалар.

Титке 2:14

Ол, пісті хайдағ даа чабал киректең ал халар паза ах-арығ чон ит салар ӱчӱн, Позының тынын пир салған. Амды піс Аның чоныбыс паза чахсы киректер идерге салынчабыс.

Титке 3:14

Пістіңнер дее, тик чӧрбес ӱчӱн, сығысхан кирексіністерін толдырар ӱчӱн, чахсы киректер идерге ӱгрензіннер.

Титке 3:8

Пу сын сӧс. Худайға киртінчеткеннер чахсы киректер идерге кӱстенер ӱчӱн, сині пу сӧстерге оларны ӱгретсін тіп сағынчам: анзы кізілерге чахсы паза тузалығ.

2 Петрның 1:12

Сірер анзын пілчеткен дее ползар паза сын ӱгредіге пик киртінчетсер дее, іди ле ползын тіп, мин мыны сыбыра сағыстарыңа кирчедербін.

Иуданың 1:5

Сірер мыны пілчеткен дее ползар, мин аны сағыстарыңа хатап кирерім килче: Хан Худай Позының чонын, арачылап, Египеттең сығарған, анаң, тізең, киртініс чох полғаннарын чох ит салған.