Титке 2:14 - Наа Молҷағ

¹⁴ Ол, пісті хайдағ даа чабал киректең ал халар паза ах-арығ чон ит салар ӱчӱн, Позының тынын пир салған. Амды піс Аның чоныбыс паза чахсы киректер идерге салынчабыс.

Титке 2:14 ပူးပေါင်းရင်းမြစ်များ

Матфей 1:21

Мария Оол тӧрідер. Ол Позының чонын чазыхтардаң арачылир, аннаңар Аны Иисус тіп адап саларзың.

Матфей 20:28

Кізі Оолғы даа кізілерні Позының алны-кистіне чӧргізерге нимес, че пасхаларына нымысха чӧріп, кӧп кізінің ӱчӱн толығ полып, Позының тынын пирібізерге килген.

Матфей 3:12

Аның сарғаазы холында, Ол пуғдайын, сарғабызып, аңмарынзар чыып салар. Хооғын, тізең, успас отнаң ӧртебізер.

Иоанн 10:15

Пабам Мині хайди пілче, Мин дее Пабамны іди пілчем. Хойларның ӱчӱн Позымның тынымны пирчем.

Иоанн 6:51

Худайдаң тӱсчеткен тигірдегі тіріг халас Минмін. Пу халасты чіпчеткен кізі мӧгі чуртастығ полар. Минің пирер халазым Минің ит-сӧӧгім полча. Мин аны чир-чалбахтағы кізілернің чуртастары ӱчӱн пирібізербін.

Илҷілернің 15:14

Симон чарыт пирген, хайди Худай пастап иудей ниместердең Позының чонын идіп аларына хайығ салған.

Илҷілернің 15:9

Пірдеебісті пасхалабин, иудей ниместернің чӱректерін киртініснең арығлабысхан.

Илҷілернің 20:28

Постарыңны паза Худай Худы хадарарға пирген ӧӧрні чахсы кӧріңер. Худайның паза Хан-пигібістің Позының тӧгілген ханы пастыра алған тигірибін хайраллаңар.

Илҷілернің 9:36

Иоппи саарда Иисустың ӱгренҷізі Тавифа, анзы киик теені полча, тіп хыс чуртаан. Ол кӧп чахсы ниме иткен паза чох кізілерге паарсазын кӧбӧк читірҷең.

Галат чиріндегілерге 1:4

Худай Пабабыстың кӧңні хоостыра Иисус Христос, пісті пу чабал тустардаң осхырарға тіп, пістің чазыхтарыбыс ӱчӱн Позының чуртазын пир салған нооза.

Галат чиріндегілерге 2:20

Амды мин позым чуртабинчам, минде Христос чуртапча. Сағам пу позым чуртапчатханым, тізең, Худайның Оолғына киртініснең чуртапчатханым полча. Ол мағаа хынча паза минің ӱчӱн Позын ӧлімге пир салған.

Галат чиріндегілерге 3:13

Христос пісті Моисей Чахиинда пазылых харғастаң ал халған. Позы, тізең, пістің орныбысха харғатхан. Ағаста палғат салғаны харғатхан тіп пазылых нооза.

Ефестегілерге 1:11

Прай нимені Позының кӧңні-сағызынҷа итчеткен Худайның пӧгіні хоостыра піс, Христостағылар, Худайның палалары поларға таллалғабыс.

Ефестегілерге 2:10

Піс Худайның чайап салған кізілерібіс. Чахсы киректер идерге Иисус Христос пастыра чайалғабыс. Ол киректерні Худай піске, толдырыңар тіп, хас-хаҷанох азынада тимнеп пирген.

Ефестегілерге 5:2

Хайди Христос, піске хынып, Позының тынын тайыға салып, Худайның кӧңніне кірчеткен тадылығ чыс пол парған, сірер дее ідӧк хыныста чуртаңар.

1 Тимофейге 1:15

Христос Иисус тилекейге чазыхтығларны арачылирға килгеннеңер сӧс сын паза посха алынарға турыстығ. Ол чазыхтығларның пазы минмін.

1 Тимофейге 2:10

че Худайны улуғлап тудынчатхан ипчілерге килістіре киректернең постарын чазазыннар.

1 Тимофейге 6:18

Оларны чахсы идерге, чахсы киректерге пай поларға, харанмас, сыйлаачы поларға ӱгрет.

Титке 2:7

Позың прай нимеде, чахсы киректерде кӧзідім пол. Ӱгретчетсең, прай чӱрееңні салып, сын оңдайлығ паза арығ пол.

Титке 3:8

Пу сын сӧс. Худайға киртінчеткеннер чахсы киректер идерге кӱстенер ӱчӱн, сині пу сӧстерге оларны ӱгретсін тіп сағынчам: анзы кізілерге чахсы паза тузалығ.

Еврейлерге 1:3

Оолғы – Пабазының сабланызының чарии полып, Аның сын Позының омазы полча. Ол Позының кӱстіг сӧзінең тиксі-тилекейні орнында тутча. Ол, пісті чазыхтарыбыстаң ахтабызып, тигірде илбек Худайның оң саринда одыр салған.

Еврейлерге 10:24

Удур-тӧдір полызызааңар, хынарға паза чахсы киректер идерге кӧӧктірізееңер.

Еврейлерге 9:14

андада Христостың ханы хай син артых арығлап полар. Ол Позы пір пыро чох полчадып, Худай Худының пастыра Позын тайыға Худайға пирінген. Амды Ол пісті, ӧлімге ағылчатхан киректердең арығлап, тіріг, сын Худайның нымысчылары поларға ӱгрет салар.

Иаковтың 4:8

Худайға чағдаңар – сірерге Ол чағдирох. Чазыхтығлар, холларың арығлабызыңар, ікі сағыстанғаннар, чӱректерің тӱзедібізіңер.

1 Петрның 1:18

Ӧбекелердең алған тик чуртастаң позыдыл парғаннарыңны пілчезер: сірернің ӱчӱн уурап парчатхан алтын-кӱмӱснең тӧлелбеен нооза.

1 Петрның 1:22

Удур-тӧдір Христостың кізілері чіли сын чӱрекнең хынызар ӱчӱн, сірер сынның оңдайынҷа полып, Худай Худының пастыра сағыстарыңны арығлабысхазар. Худай Худының пастыра сағыстарыңны арығлабызыңар. Удур-тӧдір арығ чӱрекнең хынызыңар.

1 Петрның 2:12

Пасха чонның аразында сірерні чабал кізілер тіп чоохтапчатсалар даа, чахсы ла чӧріңер. Худай оларзар килген туста, тізең, олар, чахсы киректеріңні кӧріп, Худайны саблирлар.

1 Петрның 2:9

Сірер, тізең, таллап алған тӧлзер, Хан-пигнің абыстары, ах-арығ чоны полчазар. Сірер Худайның кізілерізер. Сірерні харасхыдаң Позының хайхастығ чариинзар хығыртхан Худай, Аның сабланызын тарадарларың ӱчӱн, сірерні андағ чон ит салған.

1 Петрның 3:18

Христос пір хати пістің ӱчӱн иреелен парған. Орта чуртапчатхан Позы сайбағҷыларның ӱчӱн ирееленген. Ол анзын пісті Худайзар ағыларға тіп иткен. Христос кізі чіли ӧдірт салған, че Худынаң тіріл парған.

1 Иоанның 1:7

Худай чарыхта чӧрчеткен чіли, піс тее чарыхта чӧрчетсебіс, андада прайзыбыс пір палғалыстығ пол парчабыс, Худай Оолғының Иисус Христостың ӧлімі, тізең, полған на чазыхтаң пісті арығлапча.

1 Иоанның 1:9

Чазыхтарыбыстаңар пыросынзабыс, Худай, Позының сӧзіне турыстығ полып, орта нимее хынып, піске чазыхтарыбысты позыдар паза ноо даа чой нимедең пісті арығлир.

1 Иоанның 3:2

Хынғаннарым! Сағам даа піс Худай палаларыбыс, че хайдағ пол парарбыс, ам даа пілдістіг нимес. Пілдістіг пол парза, Иисус Христостың хайдағ полчатханын кӧріп, Олох осхас пол парарыбысты пілчебіс.

Азых чоох 5:9

Олар, Аны махтап, наа сарын сарнап сыхханнар: – Син тайыға салылғазың, Син пісті Позыңның ханыңнаң полған на сӧӧктең, аймах тіллердең, аймах чоннардаң, аймах тӧллердең сыххан кізілерні Худайға, садып алып, пиргезің Аннаңар Син, пу пічікті алып, аның таңмаларын суурыбызарға турыстығзың!