Титке 1:5 - Наа Молҷағ

⁵ Мин сині Крит олтырыхта читіре иділбеен тоғысты тоос саларға паза прай саарларда мин чахаанни тигіриб ах сағалларын турғыс саларға халғыс салғам.

Титке 1:5 ပူးပေါင်းရင်းမြစ်များ

Илҷілернің 11:30

Анаң чыып алған ис-пайны олар Варнава паза Савл пастыра Иерусалимдегі ах сағалларына ызыбысханнар.

Илҷілернің 14:23

Илҷілер полған на тигірибнің пазында ах сағалларны турғыс салғаннар паза, ораза тудып, пазырғаннар. Анзын олар киртін сыххан Хан Худайның холына пиргеннер.

Илҷілернің 2:11

Крит паза Арав чиріндегілербіс; че піс истіпчебіс, хайди олар Худайның илбек киректерінеңер пістің тіллерібіснең чоохтанчалар!

Илҷілернің 27:12

Че чар-турағ хыстирға иділбееннеңер, кӧбізі, парҷаң оңдай пар полза, Крит олтырыхтағы Финик тіп чар-турағзар парып, анда хыстап аларға чӧп пирген. Ол чар-турағ ӱстӱнзархы-кидеркі паза алтынзархы-кидеркі чиллерге тоғыр чатчатхан.

Илҷілернің 27:13

Ӱстӱнзархыдаң чил саап килгенде, килістіре тус чит килді тіп, талайҷылар чорыхха сығыбызып, Крит олтырыхтың хыринҷа чӱс парғаннар.

Илҷілернің 27:21

Кізілер илееде тус пір дее ниме чібин париғаннарында, Павел, оларның аразында турып алып, теен: – Иреннер! Минің чооғым истіп, Крит олтырыхтаң хыйа парбасха полған, іди пу сидіксіністерге паза ӱреге кір парбасчыхпыс.

Илҷілернің 27:7

Кӧп кӱннер ағырин чӱс парчадып, Книд саардаң чіке, тискер чил полғаннаңар, піс, Крит олтырыхха кӧленіп ала, Салмон тіп чарым олтырых пазының хыринҷа ирте халғабыс.

1 Коринфтегілерге 11:34

Сірер чыылыссар, Худай сірерні хатығлабас ӱчӱн, астапчатхан кізі ибде азыранып алчатсын. Пасхазын позым килзем, чоохтағлап саларбын.

1 Коринфтегілерге 14:40

Че итсе дее, прай ниме ипти паза оңдайли поларға кирек.

1 Коринфтегілерге 4:17

Мының ӱчӱн минің хынған паза Хан-пигібісте киртістіг оолғымны Тимофейні сірерзер ыстым. Ол сірерге Христоста чолларымны, минің прай чирде, ноо даа тигірибде ӱгретчеткенімні сағыстарыңа кирер.

Колоссадағыларға 2:5

Мин пу позым сірернең хада полбазам даа, худым сірернең хада. Сірер орта тудынчатханыңарны паза Христосха пик киртінчеткеніңерні кӧріп, ӧрінчем.

1 Тимофейге 1:3

Македон чирінзер парирып, мин сағаа, Ефес саарда халып, андағыларның хай піреелерін пасха ӱгредіглерні тараттыртпазыннар, кип-чоохтарнаң айғаспазыннар паза ӧбекелерні тохтағ чох санастырбазыннар тіп хызааннирға чахаан полғам. Андағ кізілер, киртіністе Худай пӧгіннерін толдырар орнына, тик тартыстар ла сығарчалар.

2 Тимофейге 2:2

Пасхаларын ӱгрет полар ізестіг кізілерге киречілер кӧзіне миннең искен нимені читтір.

Титке 1:12

Оларныңох аразынаң пір кибелҷі чоохтабады ба за: «криттегілер чир чойлар, аң сині чабаллар, арғаастар паза тоспас харыннар».