Титке 1:15 - Наа Молҷағ

¹⁵ «Арығларға прай ниме арығ, кірліглерге паза киртініс чохтарға пір дее арығ ниме чоғыл». Че оларның постарының сағыстары кірліг, чахсы-чабалны оңарары даа сайбалча.

Титке 1:15 ပူးပေါင်းရင်းမြစ်များ

Матфей 15:18

Че ахсынаң сыхчатхан прай ниме чӱректең сыхчатхан ниме полча, аннаңар ол кізіні кірліг итче.

Илҷілернің 10:15

Андада ӱн хатап истілген: – Худай арығлаан нимені син кірліге санаба.

Римдегілерге 14:14

Мин пілчем, пір дее ниме пос позы кірліг полбинча нооза. Хан-пигібіс Иисус мині анзына киртіндір салған. Піреезі ноо-да нимені арығ нимеске санапчатса, ол ағаа арығ нимес.

Римдегілерге 14:20

Чиистің ӱчӱн Худайның киректерін сайбаба. Прай ниме арығ. Че ікі сағыстанып чіпчеткен кізее хомай.

Римдегілерге 14:23

Ікінҷілеп ала чіпчетсе, киртініс хоостыра итпинчеткенінеңер, аны Худай чарғылапча. Киртініс хоостыра иділбинчеткен ноо даа ниме чазых полча.

1 Коринфтегілерге 10:23

Прай ниме мағаа чарадылча, че прай ла ниме мағаа тузалығ нимес. Прай ниме мағаа чарадылча, че прай ла ниме мині орта ӱгретпинче.

1 Коринфтегілерге 10:25

Садығдағы хайдағ даа итті, тайыға салылған ма тіп, сурбин ал. Нандырығ чӱрееңні ардат салҷаң полбазын.

1 Коринфтегілерге 10:31

Мин піди чоохтирбын: чіпчетсер бе, ісчетсер бе алай пасха даа ниме итчетсер, Худайның сабланызына идіңер аны.

1 Коринфтегілерге 8:7

Прайзы ла аны пілбинчелер. Олар чуртастары тооза обааларны сын худайлар тіп санааннар. Аннаңар обааларға салған тамах сын худайларға салылған тіп сағынчалар. Анзы оларның порт чӱректерін ардатча.

1 Тимофейге 6:5

Тик тартыстар сағыстаң кинем, сын ӱгредігдең оортах турған кізілердең тӧріпчелер. Олар Худайға салынғаны парыс аларына кирек тіп сағынчалар. Андағлардаң оортах тудын.

Еврейлерге 10:22

Худайға азых чӱректіг, пик киртіністіг килееңер. Чӱреебісті кірліг сағыстардаң арығлап, идібісті арығ суғнаң чууп алып, Ағаа чағдааңар.

Еврейлерге 12:15

Кӧріңер, Худайның паарсазынаң сірернің пірдеезі хал парбазын. Сірернің араңарда ачығ тамырлар ӧс парбазын. Олар ӧсчеткен чирлерде кӧп кізі ооларына оох парча.

Еврейлерге 9:14

андада Христостың ханы хай син артых арығлап полар. Ол Позы пір пыро чох полчадып, Худай Худының пастыра Позын тайыға Худайға пирінген. Амды Ол пісті, ӧлімге ағылчатхан киректердең арығлап, тіріг, сын Худайның нымысчылары поларға ӱгрет салар.