Римдегілерге 9:3 - Наа Молҷағ

³ Харындастарымның ӱчӱн позым даа Христостаң хыйа итірерге тимдебін. Олар минің туғаннарым, пір чон тӧлі,

Римдегілерге 9:3 ပူးပေါင်းရင်းမြစ်များ

Илҷілернің 13:26

Харындастар, Авраамның тӧлі паза Худайны улуғлапчатханнар! Сірерге ызылды пу арачыланыс сӧзі.

Илҷілернің 22:5

Миннеңер иң улуғ абыс, прай ах сағаллар даа киречілеп поларлар. Мин, олардаң Дамаск саардағы иудей харындастарзар пічік алып алып, андағыларны тудып алып, ілҷірбеде Иерусалимзер чарғаа ағыларға тіп парчатхам. –

Илҷілернің 28:21

Піс синнеңер Иудей чирінең пір дее пічік албаабыс, – нандырғаннар олар, – андартын килчеткен харындастар синнеңер пір дее ниме искірбееннер, хомай даа ниме чоохтабааннар.

Римдегілерге 1:3

Ол Чахсы Хабар Худайның Оолғынаңар. Иді-ханы хоостыра Ол Давидтің тӧлінең сыххан кізі полған.

Римдегілерге 11:1

Ол оңдайнаң мин сурчам: нӧӧс Худай Позының чонын хыйа идібіскен? Чох, андағ нимес. Мин дее Израиль чонынаңмын, Авраамның тӧлінеңмін, Вениаминнің уйазынаңмын.

Римдегілерге 11:14

Арса, пір сӧӧк кізілерімнің чӱректерін кӱннеттіртіп, піреезін іди арачылап алҷаңмын ма?

Римдегілерге 16:11

Минің туғаныма Иродионға изен читірчем. Наркисстің ибіндегі Хан-пигнің чонына изен ползын.

Римдегілерге 16:21

Сірерге миннең хада тоғынчатханым Тимофей, ідӧк Луцийнең Иасон паза Сосипатр туғаннарым изен читірчелер.

Римдегілерге 16:7

Миннең хада харибде одырған туғаннарыма Андроникнең Юнийге изен читір пиріңер. Олар Христосха миннең пурун киртін парғаннар. Илҷілернің аразында оларны улуғлапчалар.

Римдегілерге 9:2

Улуғ чобағ паза тохтабинчатхан ағырығ минің чӱреемде.

1 Коринфтегілерге 12:3

Аннаңар Худай Худы пастыра чоохтанчатханнарның пірдеезі Иисусты харғабас. Пірдеезі, Худай Худы пастыра ла полбаза, Иисусты Хан-пиг тіп адап полбас.

1 Коринфтегілерге 16:22

Кем Хан-пигібіс Иисус Христосха хынминча – ағаа харғас. Кил, Хан-пигібіс!

2 Коринфтегілерге 12:15

Сірер арачылан халар ӱчӱн, мин сірерге позымны даа тӱгеде пир саларға тимдебін. Мин сірерге іди тың хынчатханымда, сірер ноға мағаа асхынах хынчатхан поларзар?

Галат чиріндегілерге 1:8

Піс позыбыс таа алай тигірдегі ангел дее піс чарлабаан Чахсы Хабарны чарлап сыхса, анзына харғас тӱссін.

Галат чиріндегілерге 1:9

Сірер постарыңа алынған Чахсы Хабардаң пасхазын чарлапчатханнарға харғас тӱссін тіп, алында даа чоохтаан полғабыс, сағам даа мин чоохтапчам.

Галат чиріндегілерге 3:10

Моисей Чахиина тӧстенчеткеннер, тізең, харғадарлар. Пазылых нооза: чахығлар киндезінде прай пазыл парған нимені сыбыра толдырбинчатхан кізі харғадар.

Галат чиріндегілерге 3:13

Христос пісті Моисей Чахиинда пазылых харғастаң ал халған. Позы, тізең, пістің орныбысха харғатхан. Ағаста палғат салғаны харғатхан тіп пазылых нооза.

Ефестегілерге 6:5

Хуллар, пу чирдегі ээлеріңнің чооғын арығ чӱрееңернең, Христостың чооғын искен чіли, хорығып паза чалтанып ис турыңар.