Римдегілерге 8:2 - Наа Молҷағ

² Христос Иисустың пастыра чуртасты пирчеткен Худай Худының чахии мині чазыхтың паза ӧлімнің ӱлгӱзінең позытхан.

Римдегілерге 8:2 ပူးပေါင်းရင်းမြစ်များ

Иоанн 4:10

Худай кізілерге ниме пирерге итчеткенін паза Кемнің сағаа «Суғ ізерге пир Мағаа» тіпчеткенін, пілбинчезің. Че пілген ползаң, позың Аннаң тіріг суғны сурарҷыхсың. Ол сағаа аны пирерҷік, – нандырған Иисус. –

Иоанн 4:14

Че Минің пирер суумны іскен кізі хаҷан даа сухсабас. Минің пирер суум аның істінде мӧгі чуртас пирчеткен хара суға айлан парар, – нандырған Иисус. –

Иоанн 6:63

Худай Худы ла чуртасты пирче, мында кізінің кӱзі чоғыл. Минің чоохтапчатхан сӧзім чуртас пирчеткен Худайның Худы полча.

Иоанн 8:32

Сынны піліп алзаңар, сын киртініс сірерні пос чуртастығ кізілер ит салар. –

Иоанн 8:36

Оолғы сірерні осхырып алза, андада сірер сыннаң даа пос чуртастығ кізілер пол парарзар.

Римдегілерге 16:3

Прискилланаң Акилаа изен читіріңер. Олар Христос Иисустың ӱчӱн миннең хада тоғынғаннар.

Римдегілерге 3:27

Амды нименең махтанҷаң? Пір дее нименең. Арса, чахығны толдырчатханнаң махтанҷаң ма? Чох, чарабас. Киртініснең не махтанарға чарир.

Римдегілерге 5:21

Чазых, ӧлімге ағылып, ӱлгӱ тутхан. Ідӧк паарсас ахтаныстың пастыра ӱлгӱ тудып, пісті Хан-пигібіс Иисус Христостың пастыра мӧгі чуртасха ағылча.

Римдегілерге 6:14

Чазых сірерге ӱлгӱзін паза салбас. Сірер амды паза чахығның холында нимессер, Худайның паарсазында чӧрчезер нооза.

Римдегілерге 6:18

Чазыхтаң позып алып, сірер орта чуртасха хул полыбысхазар.

Римдегілерге 6:22

Амды, тізең, сірер, чазыхха хул поларынаң позып алып, Худайның хуллары пол парғазар. Сірер ах-арығ кізілер пол парғаннаң парыстанып алғазар. Аның салтары мӧгі чуртас полча.

Римдегілерге 7:21

Піди сизінгенімде, оңдайым мындағ: чахсы идерге сағынзам, мин позымның чабалымны кӧрчем.

Римдегілерге 7:23

Че ит-ханымның чардыхтарында пасха чахығ кӧрчем. Ол, минің сағызымның чахиина тоғырланып, ит-ханымдағы чазыхтың чахиинаң тузахтап салча.

Римдегілерге 7:4

Сірер дее, харындастарым, Христоснаң хада ӧліп, чахыға ӧл парғазар. Пасха, ӧліглердең тіріл парған кізіни пол парғазар. Худайға парыс ағылар ӱчӱн чуртааңар.

Римдегілерге 8:1

Ол оңдайнаң пӱӱн Христос Иисуснаң ит-ханның оңдайынҷа нимес, Хуттың хоостыра чуртапчатханнар чарғылатпастар.

1 Коринфтегілерге 15:45

Худай Пічиинде пазылых: пастағы кізі Адам чуртапчатхан тын полған, тӱгенҷі Адам, тізең, тірілдірчеткен хут полча.

2 Коринфтегілерге 3:17

Піс чоохтапчатхан Хан-пиг Худай Худы полча. Худай Худы полчатхан чирде, тізең, кізілерге пос поларға оңдай пирілче.

2 Коринфтегілерге 3:6

Ол піске Наа Молҷағның нымысчылары поларға оңдай пирген. Піс холнаң пазылған чахыға нимес, че Худайның Худына нымысчы полчабыс. Холнаң пасхан чахығлар ӧлімге ағылчалар, Худай Худы, тізең, тірілдірче.

Галат чиріндегілерге 2:19

Моисей Чахии мині ӧліг ит салған. Мин, Худайға чуртир ӱчӱн, Моисей Чахиина ӧл парғам. Мин Христоснаң хада кіреске хазаттырт салғам.

Галат чиріндегілерге 5:1

Христос пирген пос чуртасха пик тудыныңар. Хул чуртазына пазох хатап пазындырбаңар.

Галат чиріндегілерге 6:2

Кізінің аар-чӱгін посха артыныңар. Іди сірер Христостың чахиин толдырарзар.

Иаковтың 1:25

Сірерні пос итчеткен Худайның чахсы чахиин тирең ӱгреніңер, аны толдырчатсаңар паза искен нимені ундубинчатсаңар, Худай сірернің прай киректеріңні алғап пирер.

Азых чоох 11:11

Че ӱс кӱн чарым ирт парғанда, Худайдаң килген паза чуртас пирчеткен хут пу киречілерзер кір парған. Олар, тізең, тур килгеннер. Оларны кӧр турчатхан кізілер уғаа тың хорых парғаннар.

Азых чоох 22:1

Анаң ангел мағаа Худайның паза Хурағанның ӱлгӱ сіреезінең ахчатхан, кристалл осхас чарых, чуртастың арығ ағын суун кӧзіт пирген.