Римдегілерге 7:7 - Наа Молҷағ

⁷ Ниме піс тирбіс? Чахығ чазыхтығ полча ба? Чох, андағ нимес. Чахығдаң пастыра ла мин чазых ниме полчатханын піліп алғам. Чахығ «Хыҷыхтанма» тібеен полза, мин хыҷых ниме полчатханын пілбестееҷікпін.

Римдегілерге 7:7 ပူးပေါင်းရင်းမြစ်များ

Матфей 5:28

Амды, тізең, тіпчем сірерге: пасха ипчізер хыҷаланып кӧрчеткен полған на ир кізі чӱреенде анынаң хонғанға саналча.

Лука 12:15

Анаң оларның прайзына теен: – Кӧріңер, азымахчы полардаң китеніңер. Кізінің чуртазы ис-пайының кӧбінең полбинча.

Лука 20:16

Киліп, виноградник ӧскірчеткеннерні ӧдір салып, виноградникті пасха кізілерге кӧрерге пирібізер. Пу чоохты искен кізілер тееннер: – Андағ ниме полбас!

Илҷілернің 20:33

Мин пірдееңердең кӱмӱс тее, алтын даа, кип-азах таа аларға сағынмаам.

Римдегілерге 13:9

«Оралыс чӧрбе», «ӧдірбе», «оғырлаба», «чой киречілебе», «пасха кізінин хараспа» теені паза пасха даа чахығлар пір ле нимені таныхтапчалар: «чағыныңа позыңа чіли хын».

Римдегілерге 3:20

Чахығ киректері хоостыра Аның алнында пірдеезі ахтан полбас. Чахығ піске чазых ниме полчатханын пілерін не пирче.

Римдегілерге 3:5

Че пістің орта хылынмааныбыс Худайның орта итчеткенін іле сығарчатханда, анзы Худайның орта нимес ӧкпеленгенін таныхтапча ба? (Мин мыны кізі сағызынаң тіпчем.)

Римдегілерге 4:1

Авраам ӧбекебісті алза, пос кӱзінең нимее читкен ол?

Римдегілерге 4:15

Чахығдаң хатығлас килче. Чахығ чох полза, аны сайбааны даа чох полча нооза.

Римдегілерге 5:20

Аның соонаң Чахығ пирілген. Іди чазыхтың кӧбі кӧзіділ парған. Чазых кӧптел парғанда, паарсас улам ас сыххан.

Римдегілерге 6:15

Нимедір зе, чахығның холында ниместе, Худайның паарсазында чӧрчеткенібісте, чазых идерге кирекпіс пе? Чох, андағ нимес.

Римдегілерге 7:11

Чазых, чахығнаң тузаланып, мині алаахтыр салып, ӧлімге ағыл салған.

Римдегілерге 7:13

Андағ полза, чахсы ниме мині ӧлімге ағылча ба? Чох, андағ нимес. Сынында чазых, чахсы нименең тузаланып, мині ӧлімге ағылған. Ол оңдайнаң чахығның сылтаанда чазыхтың улам чабал полчатханы азылған.

Римдегілерге 7:5

Піс ит-ханның оңдайынҷа чуртааныбыста, чахығ чазыхтығ хыҷыхтарыбысты ілее сығарған. Ол хыҷыхтарыбыс идібіснең устап, пісті ӧлімнең парыстандырҷаңнар.

Римдегілерге 7:8

Че чазых, тізең, чахығнаң тузаланып, минде аймах хыҷыхтаныстар сығар килген. Чахығ чох полза, тізең, чазых таа чоғылох.

1 Коринфтегілерге 15:56

Ӧлімнің чыдазы, тізең, – чазых, чазыхтың кӱзі – Моисей Чахии.

Ефестегілерге 5:3

Сірер ах-арығ кізілер полчазар, аннаңар чӧреес хылыхтар, арығ нимес киректер паза чабдыланыс сірернің чоохтарыңда даа чох поларға кирек.

Колоссадағыларға 3:5

Аның ӱчӱн постарыңның пу чирдегі ит-ханыңарны ӧлдірібізіңер: чӧреес хылыхтарны, арығ нимес киректерні, хыҷыхты, чабал хынығыстарны, чабдыланысты. Чабдыланыс ол чой худайларға пазырынғаны полча.

1 Фессалониктегілерге 4:5

Худай пілбинчеткен чоннар чіли, сайбах сағыстарға салынмаңар.

Еврейлерге 7:19

Моисей Чахии пісті Худайға кӧні ағылбаан. Че амды пісті Худайға чағдатчатхан артых ізеніс пирілген. Аннаң пастыра піс Худайға чағдапчабыс.