Римдегілерге 5:9 - Наа Молҷағ

⁹ Амды піс Христостың ӧлімінең ахтанып алып, Худайның чарғызынаң Аның пастыра улам озып аларбыс.

Римдегілерге 5:9 ပူးပေါင်းရင်းမြစ်များ

Иоанн 5:24

Сынны сірерге чоохтапчам, Минің сӧзім исчеткен паза Мині ысхан Пабама киртінчеткен кізі, мӧгі чуртастығ полып, чарғы алнында турбин, ӧлімзер апарчатхан чолдаң хыйа сығып, аннаң андар чуртап одырар.

Римдегілерге 1:18

Худайны улуғлабинчатхан паза чабал итчеткен кізілерге тигірдең Худайның ӧкпезі тӱзер. Олар чабал киректерінең сынны типсепчелер.

Римдегілерге 5:1

Піс киртінізібіс пастыра ахтанып алғаныбыста, Хан-пигібіс Иисус Христостаң пастыра Худайнаң ынағ пол парғабыс.

Римдегілерге 5:10

Піс Худайнаң ыырласхан туста Ол піснең Позының Оолғының ӧлімінең пастыра чарас салған. Ам, тізең, чарас салғаныбыста, Аның чуртазы пастыра улам арачылан поларбыс.

Римдегілерге 8:1

Ол оңдайнаң пӱӱн Христос Иисуснаң ит-ханның оңдайынҷа нимес, Хуттың хоостыра чуртапчатханнар чарғылатпастар.

Римдегілерге 8:30

Кемні турғыс салған, тізең, оларныох хығыртхан. Кемні хығыртхан, оларныох ахтаан. Кемні ахтаан, тізең, оларныох саблаан.

Ефестегілерге 2:13

Амды, тізең, сірер, хаҷан-да ыраххы чон, Христос Иисуснаң хада полып, Аның ханының сылтаанда чағыннас парғазар.

Ефестегілерге 2:3

Алында піс тее оларның санында полғабыс, піс тее прайзыбыс, аймах-пасха чабал нимелерге тартылып, ит-сӧӧгібістің паза кӧңні-сағызыбыстың хынчатхан нимелерін не идіп, пасхалары чіли чуртаабыс. Оларох чіли, тӧрееннең Худайның чабалланғанын кӧрерге салылғабыс.

1 Фессалониктегілерге 1:10

Олар ідӧк чоохтааннар, хайди сірер Худай Оолғының Иисус Христостың тигірдең килерін сағыпчазар. Аны Худай ӧлімнең тірілдірген. Ол, тізең, пісті полар чарғының хорғызынаң арачылаан.

Еврейлерге 9:14

андада Христостың ханы хай син артых арығлап полар. Ол Позы пір пыро чох полчадып, Худай Худының пастыра Позын тайыға Худайға пирінген. Амды Ол пісті, ӧлімге ағылчатхан киректердең арығлап, тіріг, сын Худайның нымысчылары поларға ӱгрет салар.

Еврейлерге 9:22

Моисей Чахии хоостыра прай даа ниме ханнаң арығлалча. Чазых таа, хан тӧгілзе ле, позыдылча.

1 Иоанның 1:7

Худай чарыхта чӧрчеткен чіли, піс тее чарыхта чӧрчетсебіс, андада прайзыбыс пір палғалыстығ пол парчабыс, Худай Оолғының Иисус Христостың ӧлімі, тізең, полған на чазыхтаң пісті арығлапча.