Римдегілерге 5:3 - Наа Молҷағ

³ Анзына ла нимес, чобағларыбысха даа ӧрінчебіс. Чобағлар тыстанарға ӱгретчеткеннерін пілчебіс нооза.

Римдегілерге 5:3 ပူးပေါင်းရင်းမြစ်များ

Лука 21:19

Сыдазыңар, андада тыныңарны арачылап халарзар.

Илҷілернің 5:41

Илҷілер, тізең, Ӧӧркі Чарғыдаң парыбызып, Иисус Хан-пигнің ады ӱчӱн тӧбін тӱзіртерге турыстығ полғаннарына ӧрінгеннер.

Римдегілерге 5:11

Піс анзына ла махтанминчабыс. Хан-пигібіс Иисус Христостың пастыра Худайни полчатханыбысха махтанчабыс. Аның сылтаанда піс Худайнаң чарас салғабыс.

Римдегілерге 8:23

Олар ла нимес, піс тее, Хуттаң тун-сый алған кізілер, пос алынҷа чобал чӧрчебіс. Худайның палалары поларыбысты паза ит-ханыбыс чазыхтаң позирын сахтапчабыс.

Римдегілерге 9:10

Анзы ла полбаан. Ревекканаң даа ідӧк полған. Ол пабабыс Исаактаң ікі палазынаң аар чӧрчеткен.

2 Коринфтегілерге 4:17

Піс кӧрінчеткен нимее кӧрбинчебіс, кӧрінминчеткенге кӧрчебіс. Аннаңар оой, иртісчең ирееленістерібіс илбек паза мӧгі сабланыс тӧрітчелер. Харахха кӧрінчеткен нименің тузы хысха, харахха кӧрінмес ниме, тізең, мӧгі нооза.

2 Коринфтегілерге 8:19

Аны тигіриблер, сыйыхтарыңны піснең хада апарзын тіп, таллааннар. Іди піс, Худайны саблап, сірернің полызар кӧңніңерні киречілеп, тоғынчабыс.

Ефестегілерге 3:13

Аннаңар, сірердеңер сағынып, ирееленчеткеніме кӧңніңер тӱспезін тіп, сурынчам. Пу ирееленістер сірернің сабланызыңар ӱчӱн полча.

Филипптегілерге 1:29

Сірерге Худайның паарсазы пастыра Христосха киртінері ле нимес, че Аның ӱчӱн ирееленері дее пирілген нооза.

Иаковтың 1:12

Сынағ иртчеткен кізі часкалығ. Ол сынағларны турыстығ иртіп алза, Худай Позына хынғаннарға сыйиин – молҷаан чуртасты пирер.

1 Петрның 3:14

Че сын нименің ӱчӱн ирее кӧрчетсеңер, сірер часкалығзар. Олар хорыхчатхан нимедең хорыхпаңар паза сағыссырабаңар.