Римдегілерге 5:2 - Наа Молҷағ

² Иисус Христостаң пастыра, киртінізібістің сылтаанда ам піске пирілген паарсасха читтібіс паза Худайыбыстың сабланызын ӱлезерге ізеніп, тың ӧрінчебіс.

Римдегілерге 5:2 ပူးပေါင်းရင်းမြစ်များ

Матфей 25:21

«Чахсы паза ізестіг нымысчым! Син кічіг киректе ізестіг полдың. Мин сині кӧп нименің пазында турғызарбын. Ээзіңнең хада ӧрін» – тіп нандырған ағаа ээзі.

Иоанн 10:7

Иисус аннаң андар чоохтаан: – Сынны сірерге чоохтапчам, Мин хойларға ізік полчам.

Иоанн 10:9

Мин ізік полчам. Миніңҷе кірчеткені арачылан халар. Ол, кіріп, сығар паза пӱк табар.

Иоанн 14:6

Чол, Сын паза чуртас – Минмін. Мағаа киртінчеткен кізі ле Пабамзар пар полар, Мин чох пірдеезі пар полбас.

Иоанн 5:24

Сынны сірерге чоохтапчам, Минің сӧзім исчеткен паза Мині ысхан Пабама киртінчеткен кізі, мӧгі чуртастығ полып, чарғы алнында турбин, ӧлімзер апарчатхан чолдаң хыйа сығып, аннаң андар чуртап одырар.

Илҷілернің 14:27

Андар читкенде, тигіриб чонын чыып алып, Худай оларнаң ниме иткенінеңер, хайди Ол иудей ниместерге киртініссер ізік ас пиргенінеңер прай чоохтап пиргеннер.

Римдегілерге 11:20

Чахсы. Олар киртіністері чох полғаннаңар сындырылғаннар. Син, тізең, киртінчеткеніңнің ӱчӱн ӧсчезің. Син кӧкеесімненме, хорығып одыр.

Римдегілерге 12:12

Ізеніс парда, ӧріністіг полыңар, чобағда тыстаныстығ полыңар, сыбыра пазырчадыңар.

Римдегілерге 14:4

Пасха кізінің хулын хомайлирға кем пол партырзың син? Позының Хан-пигі алнында ол, турза, турар, аңдарылза, аңдарылар. Че кӧдіріл парар. Худай аны кӧдір полар.

Римдегілерге 15:13

Ізеніс пирчеткен Худай, тізең, сірерні киртіністеріңнің пастыра пар-чох ӧрініснең паза амырнаң толдыр салзын. Худай Худының кӱзінең ізеністерің кӧптеліп одырзын.

Римдегілерге 2:7

Чахсы киректерінең сабланысты, аарласты, ӧлім пілбес чуртасты сыбыра тілепчеткен кізілерге Худай мӧгі чуртас пирер.

Римдегілерге 3:23

Прайзы чазых иткен, прайзы Худайның сабланызы чох халған нооза.

Римдегілерге 5:5

Ізеніс пісті уйатха кирбес. Худай, піске Худай Худын пиріп, чӱректерібіске Позының хынызын ур пирген нооза.

Римдегілерге 8:1

Ол оңдайнаң пӱӱн Христос Иисуснаң ит-ханның оңдайынҷа нимес, Хуттың хоостыра чуртапчатханнар чарғылатпастар.

Римдегілерге 8:24

Хаҷан піс ізенчебіс, піс арачыланып алчабыс нооза. Харахха кӧрінчеткен нимее ізенчетсең, ол ізеніс нимес. Кӧрчетсең, ноға ізенерге кирек.

1 Коринфтегілерге 15:1

Харындастар, мин сірерге чарлаан паза сірер, посха алынып, анда пик турыбысхан Чахсы Хабарны сағыстарыңа кирчем.

2 Коринфтегілерге 3:18

Піс, тізең, Хан-пигнің сабланызын пӱргелбеен сырайыбыста, кӧріндесте чіли, кӧзітчебіс. Хан-пигнің Худы піске сабланыс пирче. Ол сабланыс пісті, Хан-пиге тӧӧй идіп, алыстырча паза улуғдаң улуғ сабланысха ағылча.

2 Коринфтегілерге 4:17

Піс кӧрінчеткен нимее кӧрбинчебіс, кӧрінминчеткенге кӧрчебіс. Аннаңар оой, иртісчең ирееленістерібіс илбек паза мӧгі сабланыс тӧрітчелер. Харахха кӧрінчеткен нименің тузы хысха, харахха кӧрінмес ниме, тізең, мӧгі нооза.

Ефестегілерге 2:18

Аннаңар Христостың пастыра прайзыбыс, иудейлер дее, пасха даа чоннар, пір Хуттығ полып, Пабабысха чағын кір поларбыс.

Ефестегілерге 3:12

Аннаң хада полып, Ағаа киртініп, піс, хорыхпин, тідімніг Худайға чағын кіріп алчабыс.

Ефестегілерге 6:13

Аннаңар, харасхы кӱнде оларға тоғырланарға кӱстерің чидер ӱчӱн, прай нимее сыдазып тур халар ӱчӱн, Худайның хуйахтарын кизіп алыңар.

2 Фессалониктегілерге 2:16

Позы Хан-пигібіс Иисус Христос, тізең, паза піске хынчатхан, паарсасха толынчатхан, хаҷанға даа пісті ӱтеерт салған, ізеніс пирчеткен Худай Пабабыс

Еврейлерге 3:6

Христос, тізең, Худайның Оолғы полып, Худайның туразынаң устирға турғызыл парған. Піс – Аның туразыбыс, сынап, тӱгеде махачы тудынчатсабыс паза Худайға ізенізібіснең махтанзабыс.

Еврейлерге 6:18

Худайның киречілезі паза молҷаа алызар чоғыллар. Оларны пиріп, Худай чойлан полбас. Аннаңар піс, пу ізеніске килген чон, аның толарына кӧмес тее ікінҷілебинчебіс.

1 Петрның 3:18

Христос пір хати пістің ӱчӱн иреелен парған. Орта чуртапчатхан Позы сайбағҷыларның ӱчӱн ирееленген. Ол анзын пісті Худайзар ағыларға тіп иткен. Христос кізі чіли ӧдірт салған, че Худынаң тіріл парған.

Азых чоох 21:11

Ол Худайның пызыңнапчатханына чараан, аның чарии, тізең, аарлығ тастар паза кристалл осхас яшма чіли сағылысханнар.

Азых чоох 21:23

Саарны Худайның сабланызы чарытчатханнаңар, ағаа кӱн дее, ай даа чарии кирек чоғыл. Аның чарытхызы, тізең, Хураған.

Азых чоох 21:3

Тигірдең ӧтіг тапсаан ӱнні ис салғам: – Мына Худайның одаа, Худай аны кізілер аразында турғыс салар. Анда Ол кізілернең хада чуртир. Ол кізілернің Худайы полар паза кізілер Аның чоннары поларлар.

Азых чоох 3:21

Чиңіс тутхан кізее ӱлгӱ сіреемде Позымнаң хада одырар оңдай пирербін, Мин дее іди, чиңіс тудып, Пабамнаң хада Аның ӱлгӱ сіреезіне одырғам.