Римдегілерге 4:2 - Наа Молҷағ

² Ол киректері хоостыра ахталған полза, аның, Худайға нимес, кізілерге махтатчаң нимезі поларҷых.

Римдегілерге 4:2 ပူးပေါင်းရင်းမြစ်များ

Римдегілерге 15:17

Аннаңар мин Худайға Христос Иисустың пастыра иткен киректерімнең махтан поларбын.

1 Коринфтегілерге 1:29

Пір дее тыннығ-тіріг ниме Худайның алнында махтанмазын тіп іди иткен.

1 Коринфтегілерге 1:31

Анзы «Махтанғаны Хан Худайнаң махтанзын» тіп пазылғаны хоостыра полар ӱчӱн иділген.

1 Коринфтегілерге 4:7

Синің пасхаларынаң нимең артыхтыр? Син албаан ниме пар ба? Алғанда, тізең, албаан чіли, нимее махтан чӧрзің.

1 Коринфтегілерге 9:16

Минің Чахсы Хабарны таратчатханыма махтанҷаң ниме чоғыл, анзы мин идерге кирек ниме. Хабар таратпазам, тізең, чобағ тӱссін мағаа.

2 Коринфтегілерге 11:12

Мин ам итчеткен чіли итчедербін. Андада пу «илҷілернің», піс итчеткен чіли итчелер тіп, махтанарға оңдай чох полар.

2 Коринфтегілерге 11:30

Махтанарға кирек полза, читпес саримнаң махтанарбын.

2 Коринфтегілерге 5:12

Піс позыбысты махтирға итчебіс пе? Чох, че піснең поғдархирға сірерге сылтағ пирчебіс. Андада сірер чӱректегізінең нимес, че тастындағы кӧрімінең махтанысчатхан кізілерге нандырығ пир поларзар.

Галат чиріндегілерге 3:22

Че Худай Пічии прайзын чазыхтығ тіп чарлаан. Аннаңар Худай молҷаа Иисус Христосха киртініс пастыра киртінчеткеннерге пирілче.

Ефестегілерге 2:9

Иткен киректерің ӱчӱн нимес – аннаңар пірдеезі махтанмазын.