Римдегілерге 2:7 - Наа Молҷағ

⁷ Чахсы киректерінең сабланысты, аарласты, ӧлім пілбес чуртасты сыбыра тілепчеткен кізілерге Худай мӧгі чуртас пирер.

Римдегілерге 2:7 ပူးပေါင်းရင်းမြစ်များ

Матфей 25:46

Анаң мыннары тоозылбас хатығ чарғаа ызыларлар, арығ чӱректіг кізілер, тізең, мӧгі чуртассар парарлар.

Лука 21:19

Сыдазыңар, андада тыныңарны арачылап халарзар.

Лука 8:15

Чахсы чирге тӱскен ӱреннер, тізең, – Худайның сӧзін истіп, аны чағбан паза арығ чӱректерінде хайраллапчатхан кізілер. Сидіктерге сыдазып, улуғ туза ағылчалар. Іди чоохтап, Иисус піди тоосхан: – Исчең хулаа пар кізі, иссін! –

Иоанн 4:36

Орта тіпчелер: «Пірсі таарыпча, паза пірсі ас кисче». Асты таарыпчатханы даа, кискені дее хада ӧрінзіннер тіп, хыра кисчеткеннер тоғыстары ӱчӱн тӧлег алчалар, чыылған ас – кізілер – тізең, мӧгі чуртас алчалар.

Иоанн 5:44

Хайди сірер Мағаа киртінерзер?! Чалғыс Худайдаң пирілген сабланысты аларға кӱстенмин, постарыңның аразында ла пірсі пірсінең сабланысты алчатсар, хайди сірер Мағаа киртінерзер?!

Римдегілерге 2:10

Че чахсы ниме итчеткен ноо даа кізее, пурнада иудейге, анаң иудей нимес кізее, сабланыс, аарлас паза амыр хоных полар.

Римдегілерге 6:23

Чазыхтың тӧлее ӧлім, нооза. Худайның сыйии, тізең, Хан-пигібіс Иисус Христоста мӧгі чуртас.

Римдегілерге 8:18

Пістің пӱӱнгі ирееленістерібіс піске килер сабланыстың хыринда пір дее нимее турбинчалар тіп санапчам.

Римдегілерге 9:23

Олох туста Худай ӧлҷей пирген кізілеріне Позының пай сабланызын кӧзідерге хынған. Худай оларны сабланысха тимнеп салған полған.

1 Коринфтегілерге 15:42

Ідӧк ӧліглер тірілгені андағох полар: ӧлерге таарылча, ӧлбеске кӧдірілче.

1 Коринфтегілерге 15:50

Че, харындастарым, мыны чоохтап пирим сірерге: ит паза хан Худай хан-чирін ал полбастар паза тӱген парчатханы мӧгі чуртасха чидін полбинча.

1 Коринфтегілерге 15:58

Аннаңар, хынған харындастарым, пик сағыстығ, тӧдір пазынмас полыңар. Хан-пигнің алнында сірер итчеткен кирееңер тик полбинчатханын пілчеткеннеріңде, Хан-пигнің киреенде маңнанысха чидіңер.

Галат чиріндегілерге 6:9

Чахсы ниме итчетсеңер, кӧңніңер тӱспезін, тузы читсе, кӱзі-саабыс сых парбаза, чыыр нимені чыып аларбыс.

Ефестегілерге 6:24

Сірерде прайзыңарда, Хан-пигібіс Иисус Христосха тоозылбас хыныснаң хынчатханнарда, Худайның паарсазы ползын. Аминь.

Колоссадағыларға 1:27

Оларға Худай пу чазыттың прай чоннарға пар пайын паза сабланызын ас пирерге иткен. Ол чазыт – сірерде чуртапчатхан паза сабланысха ізеніс пирчеткен Христос.

1 Тимофейге 1:17

Прай чылларның Ханына, ӧлім пілбес, кӧрінмес, чалғыс, прайзынаң хыйға Худайға хаҷан даа сабланыс паза аарлас ползын, аминь.

2 Тимофейге 1:10

Ол паарсазы Арачылағҷыбыс Христос Иисус килгенінең киречілелче. Ол ӧлімні чох иткен паза Чахсы Хабар пастыра мӧгі чуртас чарлаан.

Еврейлерге 2:7

Син аны ангеллердең тӧбін тӱрчеге ле турғысхазың. Син, аны сабланысха паза аарласха чазап салып, Синің холың чайаан прай нимені Аның ӱлгӱзіне кир салғазың.

Еврейлерге 6:12

Піс, сірерні арғаастанмазыннар, че киртінчеткен паза прай нимее тыстанчатхан кізілерге кӧӧксіннер тіп, сағынчабыс. Андағ кізілер Худай молҷаан нимені аладырлар.

Еврейлерге 6:15

Авраам, тыстанаачызы ӱчӱн, Худай молҷаан нимее читкен.

1 Иоанның 2:25

Иисус Христос піске мӧгі чуртасты пирерге хынча нооза.