Римдегілерге 1:9 - Наа Молҷағ

^9-10 Худай Оолғынаңар Чахсы Хабарны чарлап, прай кӧңнімні салып, Ағаа пазырчам. Худай мағаа киречі: мин Худайға пазырчатсам, сыбыра сірерні адапчам паза Худайның кӧңні хоостыра сірерзер чидерімнеңер сурынчам.

Римдегілерге 1:9 ပူးပေါင်းရင်းမြစ်များ

Марк 1:1

Ухаанҷылар пасханы хоостыра, Худай Оолғынаңар, Иисус Христостаңар, Чахсы Хабар піди пасталған: «Мына Синің алныңҷа Синің чолыңны тимнир илҷімні ысчам».

Лука 18:1

Анаң Иисус хаҷан даа пазырарға кирек полчатханнаңар паза ізеністі чідірбестеңер кип-чоох чоохтап пирген. –

Илҷілернің 12:5

Іди Пётрны харибде тутхан туста тигіриб чоны аннаңар Худайға матап пазырған.

Илҷілернің 19:21

Ол киректер соонда Павел, Македон паза Ахай чирлерінҷе иртерге паза Иерусалимге чидерге пӧгін тудып, чоохтанған: – Анда полып алып, мағаа Римні дее кӧріп аларға кирек.

Илҷілернің 24:14

Мин сірерге чазырбин чоохтапчам: мин олар орта нимеске санапчатхан ӱгредігҷе парчам. Че ідӧк Моисей Чахиинда паза ухаанҷыларның Пічиинде пазылғанына киртініп ала, ӧбекелерібістің Худайына нымысчы полчам.

Илҷілернің 27:23

Мин Худай кізізібін, мин Ағаа пазырчам. Пу хараазын Худайның ангелі хараама кӧрін килген.

Илҷілернің 3:26

Худай, сірерні алғир ӱчӱн, полғаныңарны ла чабал киректеріңнең оортах идіп, иң пурун сірерзер Позының Нымысчызын, Иисусты, тірілдіріп, ысхан.

Римдегілерге 9:1

Христоснаң пір полып, мин сынны чоохтапчам, чойланминчам. Мағаа Худай Худы чарытхан чӱреем киречілепче.

2 Коринфтегілерге 1:23

Худай Позы киречі, Ол чӱреемдегізін пілче. Мин, сірерге айап, пу тусха теере Коринфсер килбеем нооза.

2 Коринфтегілерге 11:31

Хаҷанға даа саблығ Худай, Хан-пигібіс Иисустың Пабазы, минің тайма ниме чоохтабинчатханымны пілче.

Галат чиріндегілерге 1:20

Худай мағаа киречі, мин сірерге пір дее чой ниме паспинчам.

Ефестегілерге 6:18

Аймах-пасха алданыстарнаң паза сурыныстарнаң полған на сай Худай Худы устаан оңдайынҷа пазыр турыңар. Прай ах-арығларның ӱчӱн Худайзар сурыныснаң сыбыра айланып, сиргек тудыныңар.

Филипптегілерге 1:3

Сірердеңер сурынған сай Худайымны алғыстапчам.

Филипптегілерге 1:4

Чахсы Хабарда пастағы кӱннең пу тусха теере араласчатханнарыңнаңар, сірернің прайзыңарның ӱчӱн сурынған сай, мин сыбыра ӧрініснең пазырадырбын.

Филипптегілерге 2:22

Аның киртістіг тудынғанын, тізең, сірер пілчезер. Ол Чахсы Хабарны тарадарында, оолғы пабазына чіли, мағаа матап хабасхан.

Филипптегілерге 3:3

Сӱннет идері піс полчабыс нооза. Худай Худы хоостыра Худайға тоғынчатханнар, Христос Иисусха кееркепчеткеннер паза кізі позыбысха ізенминчеткеннер.

1 Фессалониктегілерге 1:2

Пазырчатсабыс, сірерні сағынып, прайзыңарның ӱчӱн Худай Пабабысты сыбыра алғыстидырбыс.

1 Фессалониктегілерге 3:10

Киртіністеріңе читпинчеткенін толдырар ӱчӱн Худайдаң сірернең тоғазып аларға сурынып, хараа-кӱнӧрте тохтабин пазырчабыс.

1 Фессалониктегілерге 5:17

сыбыра пазырыңар,

1 Тимофейге 2:7

Пу киречілестің чарлағҷызы паза илҷізі поларға мин турғызылғам. Христосха киртініп, сынны чоохтапчам, чойланминчам: чоннарны сынға паза киртініске ӱгретчем.

2 Тимофейге 1:3

Хараа-кӱнӧрте, пазырған сай синнеңер сыбыра сағынчам. Пурунғыларымнаң пасти, мин арығ кӧңнімнең салынчатхан Худайыма алғызым читірчем.

Филимонға 1:4

Сині пазырыстарымда сағысха кирчетсем, Худайымны сыбыра алғидырбын.