Римдегілерге 1:3 - Наа Молҷағ

³ Ол Чахсы Хабар Худайның Оолғынаңар. Иді-ханы хоостыра Ол Давидтің тӧлінең сыххан кізі полған.

Римдегілерге 1:3 ပူးပေါင်းရင်းမြစ်များ

Матфей 1:1

Иисус Христостың ӧбекелері: Ол Давидтің паза Авраамның тӧлі полча. Аның ӧбекелері мындағлар:

Матфей 1:16

Иаковтаң Марияның ирі Иосиф тӧреен. Мариядаң, тізең, Иисус тӧреен. Аны Мессий-Христос тіп адаҷаңнар.

Матфей 1:6

Иессейдең Давид хан тӧреен, Давид ханнаң Соломон тӧреен. Соломонның іҷезі, тізең, пастап Уриейнің ипчізі полған.

Матфей 12:23

Прай кізілер, таңнап, сурастырғаннар: – Пу Давидтің Оолғы Мессий-Христос па таң?

Матфей 15:22

Ол чирлердең сыххан ханаан ипчі, Иисуссар киліп, хысхырған: – Айадах мағаа, Хан-пигім, Давид тӧлі! Минің хызым айнаа тың хаптырт салды.

Матфей 26:63

Иисус тапсабаан. Анаң улуғ абыс пазох теен: – Тіріг Худайның адынаң чоохтап пир піске, Синзің ме Мессий-Христос, Худай Оолғы?

Матфей 27:43

Ол Худайға ізенген, позынаңар «Мин Худай Оолғыбын» теен. Амды Худай, хынза, арачылазын аны.

Матфей 3:17

Ол туста тигірдең ӱн истілген: – Пу Минің хынған Оолғым, Ол Минің кӧңніме тың кірче.

Матфей 9:27

Иисус андартын парчатхан туста, Аның соонҷа ікі харах чох кізі, парып, хысхырған: – Айадах піске, Давидтің тӧлі, Иисус!

Лука 1:35

Ангел ағаа нандырған: – Худай Худы, синзер киліп, Ӧӧркі Чайаачының кӱзінең сині кӧлебізер, аннаңар тӧреен Паланы ах-арығ паза Худай Оолғы тіп адирлар.

Лука 1:69

Ол Давид нымысчызының тӧлінең сыххан кӱстіг Арачылағҷыны піске пирген.

Иоанн 1:14

Сӧс, кізі пол парып, паарсасха паза сынға пай полып, піснең хада чуртаан. Піс Аның Пабазынаң алған сабланызын кӧргебіс. Ол сабланысты Пабазының чалғыс Оолғы полып алған.

Иоанн 1:34

Мин, Худай Худының тӱсчеткенін кӧріп, Аның Худай Оолғы полчатханын киречілеем.

Иоанн 1:49

Ӱгретчі! Син – Худай Оолғызың, Син – Израиль Ханызың! – хысхырған Нафанаил. –

Иоанн 10:30

Пабамнаң Мин – пірбіс.

Иоанн 20:28

Хан-пигім паза Худайым минің! – нандырған Фома. –

Иоанн 20:31

Пу пічік сірерге Иисустың Мессий-Христос, Худайның Оолғы полчатханына киртінзіннер тіп пазылған. Іди киртініп, сірер чуртас аларзар.

Иоанн 5:25

Сынны сірерге чоохтапчам, ӧліглернің Худай Оолғының ӱнін исчең, паза, аны истіп, тіріл килҷең тус чағдап одыр, ол чит тее килді полар.

Иоанн 7:42

«Мессий-Христос Давид ханның тӧлі полар паза Вифлеемде, Давидтің аалында, тӧрир» тіп, Худай Пічиинде пазылған нимес пе зе?

Илҷілернің 2:30

Ол ухаанҷы полған, аннаңар ол Худайның позына «Тӧліңнең Мессийні ӧӧн позынаң таллап алып, ӱлгӱ сірееңе одырт салам» тіп, аасхынып сӧс пиргенінеңер пілген.

Илҷілернің 3:13

Авраамнаң Исаактың паза Иаковтың Худайы, пістің пабаларыбыстың Худайы Позының Нымысчызын – сірер садыбысхан паза позыдарға итчеткен Пилаттың кӧзіне постарыңнаң хыйа идібіскен Иисусты – саблаан.

Илҷілернің 8:36

Іди олар, чолларын узарадып, суға чит килгеннер. Андада евнух теен: – Мына суғ, мағаа кіреске тӱзерге ниме харығ полча? –

Илҷілернің 9:20

Сах андох синагогаларда, кізілерні Иисус Худай Оолғы полча тіп ӱгрет сыххан.

Римдегілерге 1:9

Худай Оолғынаңар Чахсы Хабарны чарлап, прай кӧңнімні салып, Ағаа пазырчам. Худай мағаа киречі: мин Худайға пазырчатсам, сыбыра сірерні адапчам паза Худайның кӧңні хоостыра сірерзер чидерімнеңер сурынчам.

Римдегілерге 4:1

Авраам ӧбекебісті алза, пос кӱзінең нимее читкен ол?

Римдегілерге 9:3

Харындастарымның ӱчӱн позым даа Христостаң хыйа итірерге тимдебін. Олар минің туғаннарым, пір чон тӧлі,

Римдегілерге 9:5

Илбек ӧбекелер оларның пабалары полчалар. Иді-ханы хоостыра Христос таа оларның тӧлі полып тӧреен. Ол хаҷанға даа прай нименің алғыстығ Худайы полча. Аминь.

1 Коринфтегілерге 1:9

Позының Оолғынаң Хан-пигібіс Иисус Христоснаң пірге поларға хығыртхан Худайыбыс киртістіг.

1 Коринфтегілерге 10:18

Тӧрееннең Израиль чоны полчатханнарға кӧріңер: тайығ тамаан чіпчеткеннер тайығның араласчылары пол парча ниместер бе?

Галат чиріндегілерге 4:4

Че таныхтаан тузы чит килгенде, Худай Позының чалғыс Оолғын ысхан. Ол ипчідең тӧреен, чахығның холында полған.

1 Фессалониктегілерге 1:10

Олар ідӧк чоохтааннар, хайди сірер Худай Оолғының Иисус Христостың тигірдең килерін сағыпчазар. Аны Худай ӧлімнең тірілдірген. Ол, тізең, пісті полар чарғының хорғызынаң арачылаан.

1 Тимофейге 2:5

Худайыбыс чалғыс. Кізілерні Худайнаң піріктірчеткен кізі, Позын, прайзының ӱчӱн толығ идіп, пирінген Христос Иисус чалғызох. Іди идіп, Ол кирек туста Худайның кӧңнін киречілеен.

1 Тимофейге 3:16

Ікінҷілес чох, пістің киртінізібістің илбек чазыды мындағ: Худай кізі ит-сӧӧгінде килген, Худай Худы Аны пір пырозы чох чарлаан. Ангеллер Аны кӧргеннер, Аннаңар чоннарға чоохталған. Тиксі-тилекейде Ағаа киртінгеннер. Худай сабланыснаң Аны ӧӧрлеткен.

2 Тимофейге 2:8

Иисус Христос Давидтің тӧлінең сыхханын паза ӧлімнең тірілдірткенін хаҷан даа сағыста ал чӧр. Мин чарлапчатхан Чахсы Хабар андағ.

1 Иоанның 1:3

Піснең пір палғалыстығ поларларың ӱчӱн, сірерге позыбыстың кӧрген, искен нимелерібістеңер искірчебіс. Піснең палғалысханы, тізең, Пабанаң паза Аның Оолғы Иисус Христоснаң палғалысханы полча.

1 Иоанның 3:23

Худайның чахии мындағ: Аның Оолғына, Иисус Христосха, киртінері паза, хайди Иисус Христос піске чахаан, іди удур-тӧдір хынызары.

1 Иоанның 3:8

Иң пурунғыдаң пеер сайтан чазых итче, аннаңар чазых итчеткен дее кізі сайтанның кізізі полча. Худай Оолғы сайтанның киректерін чох идерге килген.

1 Иоанның 4:15

Иисус – Худайның Оолғы тіп, ікінҷілебин чоохтанчатхан кізіде Худай полча, ол даа кізі Худайда полча.

1 Иоанның 5:1

Иисустың Мессий Арачылағҷы полчатханына киртінчеткен полған на кізі Худайдаң тӧреен. Пабаа хынчатхан полған на кізі, тізең, пабаның тӧріткен палазына даа хынча.

1 Иоанның 5:20

Худай Оолғының, піссер киліп, сын Худайны піліп алар сағысты піске пиргенін пілчебіс. Піс сын Худайдабыс, Аның Оолғы Иисус Христостабыс. Ол – сын Худай паза мӧгі чуртас.

1 Иоанның 5:5

Кем чир ӱстӱндегі кӱсті чиңен? Иисустың Худай Оолғы полчатханына киртінчеткен кізі!

Азых чоох 2:18

«Фиатирдағы тигірибнің ангеліне пас пир: От чіли чалыннапчатхан харахтығ паза холадаң урылған осхас азахтығ Худай Оолғы піди тіпче: