Матфей 7:6 - Наа Молҷағ

⁶ Ызых нимелерні адайларға пирбеңер, олар, айланып, сірерні ыра-чара тартарлар. Нинҷілерні сосхаларға тастабаңар, сосхалар оларны пасхлап саларлар.

Матфей 7:6 ပူးပေါင်းရင်းမြစ်များ

Матфей 15:26

Ол, тізең, нандырып, теен: – Олғаннар чіҷең халасты, алып, адайларға тастап пирчеткені чахсы нимес. –

Матфей 24:10

Андада ӱгренҷілернің аразында кӧп кізі Худайдаң хыйа полыбызар, пірсі пірсін садып, удур-тӧдір пу харахнаң кӧріспестер,

Матфей 7:5

Чойырхоссың син! Пурун позыңның харааңдағы тӧгені ал тастабыс, андада харындазыңның хараандағы сігенні хайди сығарарын кӧрерзің.

2 Коринфтегілерге 11:26

Мағаа чорыхтарымда хазыр суғлардаң, тонағҷылардаң, минің чоным иудейлердең, пасха даа чоннардаң кӧп хорғыс полған. Саарларда даа, сӧл чазыларда даа, талайларда даа, чой харындастардаң даа кӧп ирее кӧргем.

Филипптегілерге 3:2

Адай осхастардаң китеніңер, чабал итчеткеннердең китеніңер, сӱннет идерінең китеніңер.

Еврейлерге 10:29

Андағ полза, Худайның Оолғын нимее салбинчатхан кізілернең ниме полар? Олар молҷағны таңмалапчатхан паза чазыхтардаң арығлаан ханның тӧгілгенін аарлабинчалар. Олар паарсах Худай Худын сӧклепчелер.

Еврейлерге 6:6

Че олар киртіністерін тастабысханнар. Андағ кізілерні Худайға хатап айландырҷаң оңдай чоғыл. Олар, Худайның Оолғын хатап кіреске хазап, Аны уйатха сухчалар нооза.

2 Петрның 2:22

Оларның хылынғаннары «Адай хусхағына айланадыр» паза «Сосханы чууп таа салза, олох ла палғасха кір парар» теені сын полчатханын киречілепче.

Азых чоох 22:15

Саар тастында адайлар, сыбырағҷылар, оралысхахтар, ӧдірігҷілер, тайма худайларға пазырчатханнар, чой ниме идерге хынчатхан паза итчеткен полған на кізі халарлар. –