Матфей 7:15 - Наа Молҷағ

¹⁵ Чой ухаанҷылардаң китеніңер. Тастынаң кӧрзе, олар хойларға тӧӧйлер, че істінең олар пӱӱрлер осхастар!

Матфей 7:15 ပူးပေါင်းရင်းမြစ်များ

Матфей 10:17

Кізілер сірерні чарғаа пир турарлар, синагогаларында сірерні соғарлар, аннаңар олардаң китеніңер.

Матфей 16:11

Хайди оңар полбинчазар, Мин сірерге, халастаңар нимес, фарисейлернең саддукейлернің ачытхызынаң китенердеңер чоохтанғам.

Матфей 16:6

Иисус оларға теен: – Кӧріңер, фарисейлернең саддукейлернің ачытхыларынаң китеніңер. –

Матфей 24:11

кӧп чой ухаанҷы сых киліп, кӧп чонны алаахтыр салар.

Матфей 7:14

Чуртассар апарчатхан ізік тарғынах, андар парчатхан чол, тізең, аар. Оларны таап алчатхан кізі асхынах. –

Лука 12:15

Анаң оларның прайзына теен: – Кӧріңер, азымахчы полардаң китеніңер. Кізінің чуртазы ис-пайының кӧбінең полбинча.

Лука 6:26

Хыйал сірерге, прай кізілер сірердеңер чахсы ла чоохтасчатсалар. Оларның ӧбекелері чой ухаанҷыларны ідӧк ит турғаннар нооза.

Иоанн 10:12

Чалҷы алай хадарҷы полбинчатхан кізі, хойларның ээзі ниместеңер, пӱӱрнің килчеткенін кӧр салза, хойларны тастап, тизібісче. Пӱӱр хойларны, хаап, хуйдыр салча.

Илҷілернің 13:40

Ухаанҷылар чоохтаан нимелер сірерге тӱс парбазын тіп, китеніңер!

Илҷілернің 13:6

Іди олар, прай олтырыхча чӧріп, Паф саарға чидіп, Вариисус тіп иудей кізее, сыбырағҷаа паза чой ухаанҷаа, тоғас парғаннар.

Галат чиріндегілерге 2:4

Анзын харындастарыбыс пол чӧрген кізілер хысханнар. Олар, Иисус Христостың пастыра алған пос чуртазыбысты китирге сыынып алып, пісті пазох хулларға айландыр саларға пӧгінгеннер.

Ефестегілерге 4:14

Мыннаң мындар піс хайдағ ла полза ӱгредіг чиліне хаптыр парыбысчатхан алай алаахтырарға кӧнік парған кӧйтіктернің холларына кір парчатхан час палалар чіли полбасха кирекпіс.

Ефестегілерге 5:6

Сірерні пірдеезі тик-хуруғ сӧстернең алаахтырбазын. Андағ нимелер ӱчӱн чоох испестерге Худайның тарынғаны чидер.

Филипптегілерге 3:2

Адай осхастардаң китеніңер, чабал итчеткеннердең китеніңер, сӱннет идерінең китеніңер.

Колоссадағыларға 2:8

Кӧріңер зе, харындастарым, піреезі сірерні хыйға чоохтарынаң, алаахтырыстың тик сӧстерінең, кізілер кибірінең, тилекейні пӱдірчеткен кӱстерінең аптап албазын. Анзы Христостаң нимес.

2 Тимофейге 3:13

Чабаллар, чойлар, тізең, алаахтырып, алаахтыртып, чабалның тӱбіне тӱзерлер.

2 Тимофейге 4:3

Орта сӧсті алынмас тус полар нооза, андада постары хынған, истерге истіг ӱгретчілерні тапхлирлар,

2 Петрның 3:17

Хынғаннарым! Мыны пілчеткеннеріңде, сизініп одырыңар. Андағда сірер Худай ӱлгӱзіне чарадынминчатхан кізілернің алҷаастарына тартыл парыбыспассар паза пик пілістеріңнең хыйыспассар.

1 Иоанның 4:1

Хынғаннарым! Чир ӱстӱне кӧп чой ухаанҷылар тарап парған, аннаңар, урунған на кізее киртінмин, сыннаң оларның пастыра Худай Худы чоохтанча ба тіп, сыныхтап турыңар.

Иуданың 1:4

Худайны улуғлабинчатханнарның піреелері сірернің араңарға кіріп алғаннар. Олар постарының чӧреес оңдайларын Худайның паарсазынаң ахтапчалар паза пістің Ээбіс полчатхан Худайнаң Хан-пигібіс Иисус Христосты хыйа итчелер. Ол кізілернің чарғыладарларынаңар Худай Пічиинде хаҷанох пазылған полған.

Азых чоох 16:13

Анаң мин сыр чыланның ахсынаң, аңның ахсынаң паза чой ухаанҷы аңның ахсынаң ходырлығ пағаларға тӧӧй ӱс чабал хуттың сых килгенін кӧр салғам.

Азых чоох 17:6

Ол ипчі ах-арығ кізілернің паза Иисустың киречілерінің ханын чоо ізініп алған. Мин, ол ипчіні кӧр салып, уғаа таңнаам.

Азых чоох 19:20

Анаң аң паза чой ухаанҷы туттыр салғаннар. Ол чой ухаанҷы, аңның алнында хайхастар идіп, аңның таңмазын турғыстырып алғаннарны паза аның омазына пазырғаннарны алаахтырған полған. Ол ікӧлең кӧйчеткен сералығ кӧлзер тірігеӧк тастатхан.

Азых чоох 20:10

Оларны алаахтырған сайтан кӧйчеткен сералығ кӧлзер тастатхан. Андарох аң паза чой ухаанҷы тастаттыртханнар. Анда олар хараа-кӱнӧрте хаҷан даа иреелен турарлар.