Матфей 6:4 - Наа Молҷағ

⁴ Чох кізілерге чахсы итчеткенің кізее пілдіртпес ползын. Пабаң, тізең, кізее пілдіртпин иткеніңні кӧріп, сағаа прайзының кӧзіне сыйых пирер. –

Матфей 6:4 ပူးပေါင်းရင်းမြစ်များ

Матфей 10:42

Кем кічіг кізее, Минің ӱгренҷім полчатханы ӱчӱн не, чірченең соох суғ пирер, ол кізі, сынны сірерге тіпчем, сыйығы чох халбас.

Матфей 6:18

Ораза тудып, син кізілернің алнында нимес, че кӧрінминчеткен, синнең хада полчатхан Пабаңның алнында турарзың. Синің чазыдыңны кӧрчеткен Пабаң сағаа кӧріндіре сыйых пирер. –

Матфей 6:3

Че чох кізілерге чахсы нимелер итчетсең, оң холыңның ниме итчеткенін сол холың пілбезін.

Матфей 6:6

Син, тізең, пазырчатсаң, тураңа кіріп, ізииң чаап салып, кӧрінминчеткен, че синнең хада полчатхан Пабаңа пазырып ал. Пабаң, тізең, пілдіртпес иде иткеніңні кӧріп, прайзының кӧзіне сағаа сыйых пирер.

Лука 14:14

Олар сағаа ӧдістерін тӧлеп полбастар, аннаңар сағаа алғас полар. Арығ чӱректіг кізілер тіріл килер кӱнде Худай тӧлеп пирер.

Лука 8:17

Ілезіне сыхпаҷаң пір дее чазыт чоғыл, чазырғаны истіліп, тастына сыхпин пола чоғыл.

1 Коринфтегілерге 4:5

Аннаңар, тузы читкелекке, Хан-пиг килгелекке, пір дее нимені ӱзӱрбеңер. Ол харасхыда чазырыл парғанны чарыдыбызар, чӱректегізін іле сығарыбызар. Андада полғанына ла Худайдаң махтас полар.

Еврейлерге 4:13

Худайдаң пір дее ниме чазыр полбассың. Прай чайалған ниме Аның хараа алнында паза Ағаа азых. Аның алнында піс иткен киректерібіс ӱчӱн нандырығ тударбыс.

Иуданың 1:24

Сірерні киртіністең хыйа парыбызарынаң арачылапчатхан паза Позының сабланызына сірерні ӧріністіг, пір чазых чох ағыл полар Худайны сабландырыңар.

Азых чоох 2:23

Мин аның палаларына ӧлім ызарбын. Кізілер чӱректерінің паза сағыстарының сыныхтағҷызы полчатханымны прай тигіриблер піліп аларлар. Сірерге, полғаныңарға ла, иткен киректерің хоостыра тӧлеп пирербін.