Матфей 6:33 - Наа Молҷағ

³³ Сірер, тізең, аның орнына Худай хан-ӱлгӱзін паза Худайның кӧңні толарын тілеңер, пасхазы, тізең, сірерге хоза пирілер.

Матфей 6:33 ပူးပေါင်းရင်းမြစ်များ

Матфей 19:28

Иисус оларға теен: – Сынны чоохтапчам сірерге: хаҷан Худай прай нимені нааҷылаза, Кізі Оолғы Позының сабланыс ӱлгӱ сіреезіне одырза, сірер дее, Минің соомҷа чӧргеннер, ідӧк он ікі ӱлгӱ сірее одырып, Израильнің он ікі сӧӧгін чарғылирзар.

Матфей 19:29

Полғаны ла, кем Минің ӱчӱн иблерін, харындастарын алай пиҷелерін, пабазын алай іҷезін, ипчізін алай палаларын, алай чирлерін артыс салған, ол кізі чӱс хати артых сыйых алар паза ағаа мӧгі чуртас пирілер.

Матфей 3:2

Тигір хан-ӱлгӱзі чағдап килді, аннаңар, чазыхтарыңнаң хыйа полып, Худайзар айланыңар, – теен ол.

Матфей 4:17

Ол тустаң сығара Иисус ӱгредіп пастаан паза чоохтаан: – Тигір хан-ӱлгӱзі чағдап килді, аннаңар, чазыхтарыңнаң хыйа полып, Худайзар айланыңар

Матфей 5:6

Часкалығлар орта нимее астап-сухсапчатханнар, Худай оларны тосхырар!

Лука 1:6

Олар ікізі дее, Худай алнында арығ чӱректіг кізілер полып, Хан Худайның чахығларына тӧстеніп чуртааннар.

Лука 12:31

Аның орнына Худай хан-ӱлгӱзін тілеңер, пасхазын, тізең, Худай сірерге пирер.

Иоанн 6:27

Сірер ардап парчатхан чиис ӱчӱн нимес, че мӧгі чуртас пирчеткен чиис ӱчӱн тоғынарға кӱстеніңер. Кізі Оолғы, Ағаа Худай-Пабазы ӱлгӱ пиргеннеңер, ол чиисті сірерге пир полар. –

Илҷілернің 20:25

Амды мин пілчем: сірер прайзыңар, кемнің аразында мин чӧргем паза кемні Худай хан-ӱлгӱзіне ӱгреткем, мині паза кӧрбессер.

Илҷілернің 28:31

Ол чалтанмин, Худай хан-ӱлгӱзінеңер ӱгредіп, Иисус Христос Хан-пигібістеңер чоохтаан. Ағаа пір дее кізі харығ полбаан.

Римдегілерге 1:17

Чахсы Хабар Худайның киртіністің ӱчӱн кізіні ахтапчатханын кӧзітче. Іди пазылых: арығ чӱректіг киртіністің сылтаанда чуртир.

Римдегілерге 10:3

Худайның хайди ахтапчатханын пілбин, олар постары ахтанып аларға харасчалар. Аның ӱчӱн олар постарын ахтапчатхан Худайның холына пирбееннер.

Римдегілерге 14:17

Худайның хан-ӱлгӱзі ас-суғ нимес нооза. Че ол ах сағыс, амыр чуртас паза Худай Худынаң пирілген ӧрініс.

Римдегілерге 8:31

Мыннаң хоостыра паза ниме тир? Худай пістің ӱчӱн полчатханда, кем пістең тоғыр полар?

1 Коринфтегілерге 1:30

Сірер Христос Иисуста полчатханын Худай иткен. Иисус Христос, тізең, сірерге Худайдаң пирілген хыйғазы, орта тудынғаны, ах-арығ полғаны паза толығ толдырғаны полча.

1 Коринфтегілерге 3:22

Павел бе, алай Аполлос, алай Кифа, алай тилекей, алай чуртас, алай ӧлім, алай амдығызы, алай килер тус – прай ол сірерни.

2 Коринфтегілерге 5:21

Чазығы чох Христосты Худай пістің чазыхтарыбыс ӱчӱн хатығлап салған. Аннаңар піс, Христосха киртінчетсебіс, Худайның алнында арығ кӧңніліг полчабыс.

2 Фессалониктегілерге 1:5

Анзы Худайның сын чарғызы килерінеңер киречілепче. Ол чарғыда сірер Худай хан-чиріне турыстығ саналарзар. Ол Худай хан-чирі ӱчӱн сірер сағам ирее кӧрче нооңзар.

1 Тимофейге 4:8

Ит-сӧӧкті пиктееннің тузазы ас. Худайның кӧңнін толдырғаны, тізең, прай нимее туза. Ол сағамғы паза полар чуртасты молҷапча.

2 Петрның 1:1

Сірерге, пісти осхас аарлығ киртіністері пар кізілерге, Иисус Христостың нымысчызы паза илҷізі мин, Симон Пётр, пасчам. Орта нимее хынчатхан Худайыбыс паза Арачылағҷыбыс Иисус Христос пу киртіністі сірерге пирген.

2 Петрның 1:11

Андада сірерге Хан-пигібіс паза Арачылағҷыбыс Иисус Христостың тӱгенмес хан-чирінзер хаалха азыл парар.