Матфей 6:25 - Наа Молҷағ

²⁵ Аннаңар тіпчем сірерге: чіҷең-ісчең нимедеңер, кисчең кип-азахтаңар сағыссырабаңар. Сірернің чуртазыңар ас-тамахтаң артых нимес пе зе, идіңер, тізең, – кип-азахтаң?

Матфей 6:25 ပူးပေါင်းရင်းမြစ်များ

Матфей 10:19

Чарғы полчатса, хайди паза ниме тирдеңер сағыссырабаңар. Тузы читсе, ниме чоохтиры сірерге пирілер.

Матфей 13:22

Тігенектер аразына тӱскен тамах, тізең, сӧсті исчеткен кізіні таныхтапча. Че ол кізі, чуртасха сағыссырап паза ис-пайға чабыланып, ол сӧсті чабыра пазыбысча. Сӧс, тізең, тузазы чох хала парча.

Матфей 6:31

Аннаңар пір дее нимедеңер сағыссырабаңар паза сурбаңар: «Ниме піске чиирге?», «Ниме ізерге?» алай «Кисчең кип-азах полар ба ни?»

Матфей 6:34

Пу оңдайнаң, таңдағы кӱніңерге сағыссырабаңар. Таңдағы кӱн позы позынаңар сағыссырир. Полған на кӱнге позының сағыссырастары читче.

Марк 13:11

Хаҷан сірерні, тудып алып, чарғаа апарчатсалар, ниме чоохтирынаңар азынада сағыссырабаңар. Ол туста сірерге пирілген сағысты чарлаңар. Аны, сірер нимес, Худай Худы чоохтанар.

Марк 4:19

Че кӱн сағыссырастарына пастырғаны, ис-пайға чабдыланғаны, пасха даа хыҷыхтары сӧсті пас парыбысчалар, ол ниміс пирбинче.

Лука 12:11

Сірерні синагогаларзар, пастыхтарзар паза пиглерзер ағыл килзелер, хайди алай ниме нандырарынаңар, алай ниме чоохтанарынаңар сағыссырабаңар.

Лука 8:14

Тігенектер аразына тӱскен ӱреннер, тізең, – Худайның сӧзін исчеткен кізілер, че сағыссырастарға, пайға, чуртастың чырғалларына пастырып, пір дее туза ит полбин салчалар.

Римдегілерге 8:32

Ол Позының Оолғына айабаан, пістің прайзыбыстың ӱчӱн пир салған. Аннаң хада піске прай нимені сыйлап пирбес пе?

1 Коринфтегілерге 7:32

Мин, тізең, сірернің сағыссырастарың чох ползын тіп сағынчам. Ипчі албаан кізі Хан-пигнинеңер сағыссырапча, Хан-пигнің кӧңніне кірердеңер.

Филипптегілерге 4:6

Пір дее нимее сағыссырабаңар. Че пазырчатсаңар, сурынчатсаңар, кӧңніңерні алғыстаснаң Худайға ас пир турыңар.

2 Тимофейге 2:4

Ноо даа чааҷы, пастығының кӧңніне кірерге полып, чурт-хоных сурығларына салынмас.

1 Петрның 5:7

Худай сірердеңер сағынча. Аннаңар прай сағыссырастарыңны Ағаа салдырыбызыңар.