Матфей 6:2 - Наа Молҷағ

² Чох кізілерге чахсы нимелер дее идіп одырчатсаң, чойырхостар итчеткен чіли, позыңнаңар синагогаларда паза тасхар суулап чӧрбе. Олар постарын кізілер алнында махтадар ӱчӱн іди итчелер. Сынны сірерге тіпчем: олар постарының сыйыхтарын амох алып одырчалар.

Матфей 6:2 ပူးပေါင်းရင်းမြစ်များ

Матфей 15:7

Чойырхостар! Исаийнің пічиинде сірердеңер орта чоохталған:

Матфей 16:3

Иртен, тізең, сірер «Тигір уғаа хызыл, аннаңар пӱӱн чут кӱн полар» тіпчезер. Чойырхостар! Тигірнің сырайын танып пілчезер, че килчеткен тустың танығларын танып полбинчазар!

Матфей 22:18

Че Иисус, оларның кӧйтіктенчеткеннерін кӧріп, чоохтанған: – Чойырхостар, Нимее мині сынап одырзар?

Матфей 23:5

Прай постарының киректерін кізілерге кӧзідерге ле тіп итчелер. Хамахтарындағы пічіктіг чаламаларын чалбахтаң чалбах итчелер, кип-азахтарындағы чачахтарны узуннаң узун итчелер.

Матфей 23:6

Олар той-пайда тӧрде одырарға хынадырлар, синагогаларда, тізең, – алнындағы сіреелерде.

Матфей 24:51

аны ыра-чара тартып, чойырхостарни осхас ӱлӱстіг идер. Анда сыыт паза тіс хыҷыразы полар.

Матфей 5:18

Сынны сірерге чоохтапчам, тигірнең чир чіт парбаанда паза прай ниме чох пол парбаанда, Моисей Чахииндағы пір сӧс тее, пір танығ даа чітпес.

Матфей 6:16

Ораза тутчатхан туста даа, чойырхостар чіли, мӧңіс сырайлығ чӧрбеңер. Олар, ораза тутчатханын кізілерге кӧзідерге полып, мӧңіс сырайлығ поладырлар. Сынны сірерге тіпчем, олар постарының сыйыхтарын амох алып одырчалар.

Матфей 6:3

Че чох кізілерге чахсы нимелер итчетсең, оң холыңның ниме итчеткенін сол холың пілбезін.

Матфей 6:5

Пазырчатсаң, синагогаларда паза тасхар пірее пулуңда турып алып, кізі кӧзіне пазырарға хынчатхан чойырхостар чіли полба. Сынны тіпчем сірерге, олар постарының сыйыхтарын хаҷанох алып алғаннар.

Матфей 7:5

Чойырхоссың син! Пурун позыңның харааңдағы тӧгені ал тастабыс, андада харындазыңның хараандағы сігенні хайди сығарарын кӧрерзің.

Марк 12:39

Олар синагогаларда алнындағы орыннарда, той-пайларда тӧрде одырарға хынадырлар.

Марк 7:6

Иисус, оларға нандырып, теен: – Сірердеңер, чойырхостардаңар, ухаанҷы Исаийнің пічиинде пазылғаны хоостыра, Худай орта чоохтаан: «Пу кізілер Мині тілде ле улуғлапчалар. Оларның чӱректері, тізең, Миннең ырах.

Лука 11:41

Постарыңда ниме пар, аны чох кізілерге пирібіс турзаңар, андада прай нимеңер арығ полар.

Лука 11:43

Хыйал сірерге, фарисейлер! Синагогаларда алнында одырарға паза кӧп чон чыылған чирлерде улуғладып удурладарға хынадырзар.

Лука 12:33

Сірер, ис-пайыңарны садып, чох кізілерге полызыңар. Постарыңа уурабас хапчығас тимнеп, хорабас ис-пайны тигірде чығыңар. Андар оғыр даа чит полбас, кӧӧ дее аны ардат полбас нооза.

Лука 12:56

Чойырхостар! Сірер чирнің паза тигірнің алызарын піл полчазар. Амғы тустың хайдағ полчатханын хайди піл полбинчазар?

Лука 13:15

Хан-пиг ағаа нандырған: – Чойырхос! Субботада сірернің полғаны ла хазаадағы пуғазын алай эштегін, систіп, суғарарға сығарбинча ба?

Лука 20:46

Китеніңер Моисей Чахии пілігҷілерінең: олар, узун киптеріне чазан салып, чон кӧп чирлерде чӧрерге паза постарын алғыстаснаң удурладарға хынчалар. Олар синагогаларда алнындағы орыннарда, той-пайларда даа тӧрде одырарға хынадырлар.

Лука 6:24

Че хыйал сірерге, пайлар! Сірер постарыңа часхарысты амох алып алғазар.

Лука 6:42

Хайди син, позыңның харааңдағы тӧгені кӧрбин, харындазыңа: «Харындас, харааңдағы сігенні сығарыбызим», – тіп полчазың? Чойырхоссың син! Пурун позыңның харааңдағы тӧгені ал тастабыс, андада харындазыңның хараандағы сігенні хайди сығарарын кӧрерзің.

Иоанн 13:29

Иудада ахча чығҷаң хапчых полғаннаңар, піреелері Иисус ағаа ӱлӱкӱнге пірее кирек ниме ал пирерге алай чох кізілерге пірее ниме пирерге чахаан полар тіп сағын салғаннар.

Иоанн 5:41

Мағаа кізілернің махтааны кирек чоғыл.

Иоанн 5:44

Хайди сірер Мағаа киртінерзер?! Чалғыс Худайдаң пирілген сабланысты аларға кӱстенмин, постарыңның аразында ла пірсі пірсінең сабланысты алчатсар, хайди сірер Мағаа киртінерзер?!

Иоанн 7:18

Позының сағызын чоохтапчатхан кізі позын кӧдірерге хынча. Позын ысхан устағҷыны кӧдірерге хынчатхан кізі, тізең, сынны чоохтапча, аның чӱреенде пір дее чой ниме чоғыл.

Илҷілернің 10:2

Ол Худайны аарлаачы паза Аннаң чалтанаачы кізі полған. Ол иудейлерге кӧп чахсы иткен. Ол прай туған-чағыннарынаң хада Худайға сыбыра пазырҷаң.

Илҷілернің 10:31

Анаң тіпче: «Корнилий! Худай синің пазырғаныңны ис салған паза кізілерге чахсы иткеніңні сағысха кирген.

Илҷілернің 10:4

Ол, тізең, андар кӧрібізіп, хорых парып, теен: – Ноо ниме, пигім? Ангел ағаа нандырған: – Синің кізілерге чахсы иткеніңні паза пазырғаныңны Худай сағысха кир килген.

Илҷілернің 11:29

Андада ӱгренҷілернің полғаны ла, позының пар-чоғына кӧре, киртінісче Иудей чиріндегі харындастарға полызығ ызарға чаратхан.

Илҷілернің 24:17

Кӧп чыллар ирткен соонда мин позымның хызылчатхан чоныма полызыға чыған ахчаны паза тайығ ағыл килгем.

Илҷілернің 9:36

Иоппи саарда Иисустың ӱгренҷізі Тавифа, анзы киик теені полча, тіп хыс чуртаан. Ол кӧп чахсы ниме иткен паза чох кізілерге паарсазын кӧбӧк читірҷең.

Римдегілерге 12:8

Часхарары пирілген полза, часхар. Ӱлезері пирілген полза, азых кӧңніңнең ӱлес. Устиры пирілген полза, анзын харазып ит. Чахсы идері пирілген полза, чалахай кӧңніліг итчет.

1 Коринфтегілерге 13:3

Пар-чох пайым ӱлеп салзам, иді-ханымны ӧртедерге пир салзам, че хынызым чох полза, мағаа анзында пір дее тузазы чоғыл.

Галат чиріндегілерге 2:10

Че пір нимедеңер сурынғаннар: чох-чоостарны ундубаңар. Мин анзын, пір дее хыйыстырбин, толдырарға кӱстенгем.

Ефестегілерге 4:28

Алында оғыр иткен кізі, паза оғырлабин, хызылчатхан кізілерге пирҷең ниме пар ползын тіп, позының холларынаң тоғынзын.

1 Фессалониктегілерге 2:6

Сірер дее, пасхалары даа пісті махтазыннар тіп сағынминчабыс.

1 Тимофейге 6:18

Оларны чахсы идерге, чахсы киректерге пай поларға, харанмас, сыйлаачы поларға ӱгрет.

Филимонға 1:7

Мин синің хынызыңа тың ӧрін парғам, анзы минің кӧңнім кӧдірібіскен. Синің сылтааңда, харындазым, ах-арығларның даа чӱректері истен парыбысты.

Еврейлерге 13:16

Кізілерге чахсы идерге ундубаңар. Удур-тӧдір полызызыңар. Іди иткені Худайның кӧңніне кірчеткен тайығ полча нооза.

1 Петрның 4:11

Чоохтанарға салылған кізі Худай сӧстерінең чоохтанзын. Полызарға салылған кізі Худай пирчеткен кӱснең тузаланзын. Худай Иисус Христостаң пастыра сабланзын. Худайға хаҷан даа сабланыс паза кӱс ползын! Аминь.